Clichés numériques : Claude Ribeyrol

Page 1 (recto /verso) :

Page 2 (recto /verso) :

Page 3 (recto /verso) :

Transcription de Lespine in tome 78 du Fonds Périgord de la BnF :

... Omnibus praesentes litteras inspecturis. Helias, humilis electus monasterii Sarlatensis, et G. de Malamorte junior, salutem in Domino. Notum facimus, quod cum quaestio verteretur in curia illustrissimi domini Ludovici Dei gratia Francorum regis ; coram illustrissima domina Blancha, eadem gratia Francorum regina, inter nobilem virum Heliam Rudelli et Helis uxorem suam, ex parte una, et nobilem virum Raimundum Torenae vicecomitem, ex altera, super vicecomitatu Turenae, et ejus pertinentiis, quem dictus Helias, cum pertinentiis suis, nomine praedicta Helips uxoris suae, et nomine Raimundi vicecomitis Turenae, patris sui, dicebant ad se jure haereditario pertinere, et dictus Raimundus vicecomes, nepos vicecomitis memorati, e contrario asserebat, ratione consuetudinis et usagii dicti vicecomitatus, ad se, dictum vicecomitatum cum pertinentiis suis, jure successorio pertinere : unanimiter et concorditer in nos tanquam arbitros et arbitratores, seu etiam amicabiles compositores, compromiserunt, super quaestione jam dicta, promittentes, solemni stipulatione interposita, super Dei Evangelia prestito juramento, quod nostro starent arbitrio, sive dicto, vel etiam ordinationi. Nos autem, consideratis dictae quaestionis circumstantiis universis, communicato prudentum consilio, arbitrium nostrum sive dictum, vel etiam ordinationem in scriptis proferimus in hunc modum : videlicet quod dictus Raymundus habeat, teneat et possideat ipse et haeredes seu successores ipsius, nunc et in perpetuum, castrum Turenae, cum omnibus pertinentiis suis, et bailliviis, dominio et honore, districtu, homagiis, feudis, ac etiam esplegiis, et aliis juribus univeris ad castellaniam dicti castri pertinentibus ; et medietatem villae Martelli, cum omnibus pertinentiis suis, et juribus universis. Item castrum de Montevallenti, cum honore et districtu, et pertinentiis et juribus universis. Item portum de Tractuz, sive de Montevalenti, cum pertinentiis suis et juribus universis. Item jus et dominium faciendi et fabricandi et cudendi monetam vicecomitatus Turenae. Item castrum de Floirac, cum pertinentiis suis et juribus universis. Item dominium castri de Merindol, cum pertinentiis suis et juribus universis. Item dominium castri de Curamonte, cum pertinentiis suis et juribus universis. Item dominium castri de Sancto Michaele, cum pertinentiis suis et juribus universis. Item dominium castri de Cusillac, cum pertinentiis suis et juribus universis. Item castrum Sancti Sereni, cum omni honore, dominio et districtu, pertinentiis et juribus universis. Item castrum de Ganhac, cum pertinentiis suis et juribus universis. Item dominium villae Belliloci, cum pertinentiis suis et juribus universis. Item castrum de Betuc, cum pertinentiis suis et juribus universis. Item castrum de Betailha, cum pertinentiis suis et juribus universis. Item totam terram et dominium, et feuda et homagia de Brivesio, quam et quae habebat, vel habere debebat Raymundus quondam Turenae vicecomes, patruus suus ibidem. Item homagia, feuda et dominia ac esplegia ad dicta castra et villas pertinentia. Et generaliter et universaliter homagia, feuda et dominia ad deictum vicecomitatum pertinentia, a villa Martelli, usque ad civitatem Caturcensem, et usque ad civitatem Lemovicensem, et usque ad villam Dels Glotons. Item volumus et ordinamus, quod dictus Raymundus vicecomes solvat et reddat medietatem testamenti, sive ordinationis dicti Raymundi quondam Turenae vicecomitis solutorum et solvendorum. Et dictus dominus Helias Rudelli et Helis ejus uxor solvant et reddant aliam medietatem testamenti sive ordinationis dicti R. quondam Turenensis vicecomitis, solutorum similiter et solvendorum, ad arbitrium et voluntatem, venerabilis patris et abbatis Obasinae, et mei dicti Heliae electi monasterii Sarlatensis. Item arbitrando ordinamus, quod dictus dominus Helias Rudelli et Aelis uxor sua, et haeredes et successores ipsorum habeant, teneant et possideant nunc et in perpetuum castrum de Ribairac, cum omnibus pertinentiis suis et bailliviis, dominio et honore, districtu, homagiis, feudis, ac etiam esplegiis, et alibus juribus universis ad dictum castrum pertinentibus. Item castrum d’Espeluchat, cum districtu et honore et pertinentiis suis et juribus universis. Item castrum de Monteforti, cum omi honore et districtu, et pertinentiis et juribus universis. Item castrum de Alhac, cum honore, districtu et dominio et pertinentiis suis et juribus universis. Item castrum de Carlus, cum honore, districtu et dominio, et bailliviis et homagiis et pertinentiis et juribus universis. Item dominium villae Soliacensis, cum pertinentiis suis et aliis juribus universis. Item castrum de Croichia, cum omni honore, districtu et dominio et bailliviis et pertinentiis suis et juribus universis. Item portum de Croichia, cum pertinentiis suis et juribus universis. Item medietatem villae Martelli, cum pertinentiis suis et juribus universis. Item castrum de Archia, cum omni honore, districtu et dominio, feudis et homagiis, bailliviis et pertinentiis suis et juribus universis. Item castrum de Terrasson, cum honore, districtu et dominio et pertinentiis et juribus universis. Item jus et dominium castri de Salanhac, cum honore, districtu, et dominio, et pertinentiis et juribus universis. Item jus et dominium de Jayac et de la Cassaigne, cum pertinentiis eorundem et juribus universis. Item omnia homagia et alia quaecumque tenebat Raimundum quondam Turenae vicecomes ab abbate et monasterio Sarlatensi. Item homagia et feuda et dominia, ac esplegia ad dicta castra et villas pertinentia. Et generaliter et universaliter omnia homagia, feuda, et dominia a castris de Carlus et de Salanhac, et de Terrasson et de Larche, et pertinentiis eorundem, inferius, usque ad civitatem burdegalensem. Et nos Helias Rudelli praedictus et Aelis uxor sua, et nos dominus R. vicecomes Turenae, pro nobis et successoribus nostris, supradictum arbitrium seu ordinationem, scientes et consulto, et ex certa scientia nostra acceptamus, et consentiendo plane approbamus, et ratum habuimus et habemus, promittentes ad invicem, sub virtute prestiti juramenti, universa et singula supradicta, nunc et in perpetuum nos inviolabiliter servaturos, et nunquam aliquo tempore contra venturos, &c. Et in testimonium praemissorum, et ad majorem roboris firmitatem, sigilla nostra praesenti paginae, una cum sigillis, praedictorum Heliae electi monasterii Sarlatensis et G. de Malamorte junior, ad preces et instantias nobilis viri Heliae Rudelli et Ahelis uxoris suae, et nobilis viri R. vicecomitis Turenae, sigilla nostra praesenti paginae apposuimus, in testimonium praemissorum. Actum apud Meledunum, anno Domini MCCLI, die dominica post festum Nativitatis beati Johannis Baptistae.

...