charte 475 - voir Gallia Christiana, tII, col.
495
Bullaire de l’abbaye de Cluny
Ce bullaire a été édité en 1689 à Lyon.
Il rassemble des actes pontificaux (bulles, lettres, privilèges) en faveur de
l’abbaye de Cluny.
Le nombre de possessions de cette abbaye
est si important, que certains privilèges ressemblent à un long catalogue. Les
possessions de cette abbaye n’ont pas été très nombreuses, mais la controverse
entre les moines de Cluny et les clercs de la Rochebeaucourt a fait couler un
peu d’encre.
Nous ne citerons, sauf pour quelques
actes, que les parties concernant le Périgord.
Extrait
d’un privilège de Grégoire VII (1078)
Privilegium Gregorii Papae VII.
Abbatiam sancti Benedicti supra Padum statuit
pertpetuo regendam per abbates Cluniacenses, quibus dat potestatem praesiciendi
ibi abbates quoties vacatia occurit.
……..
In episcopatu Petragorico ecclesiam sanctae Mariae quae dicitur Anessa.
……..
Datum Lateranis quinto Idus Decembris, per manus Petri factae Romanae
Ecclesiae Presbyteri Cardinalis ac Bibliothecarii, anno quarto Pontificatus
Domini Gregorii Papae septimi, Indictione 14. Bene valete.
Extrait
d’un privilège de Urbain II (1096)
Privilegium
Urbani Papae II. ad sanctum Hugonem, per quod
confirmat libertatem, immunistatem et auctoritatem monasterio Clun. et ejus Abbatibus per summos Pontifices antea concessam:
necnon et quadam Monasteria quae hic exprimis, eis donata: ac facultatem
suscipiendi eos qui pro melioratione vitae venerint ad se. Prohibes quoque ne
legati SS. Pontif. in partibus Galliarum agentes, aut
Episcopi Dioecesani de Monasteriis et Monachis Clun. usum
Mitrae et aliorum Pontificalium insignum.
……..
In Petragoricensi mansos quindecim
Agilmodis Priorissae, apud villam Maurensem.
……..
Datum apud oppidum sancti Flori per manum
Joannis S.R.E. Diaconi Cardinalis, Indictione III. anno
Dominicae Incarnationis M. XC. VI. Pontificatus autem Domni Urbani II. Papae,
VII. VII. idus Decembris.
Extrait
d’un privilège de Urbain II (1097)
Privilegium
Urbani Papae II. ad Lemovicensem abbatem ademarum, per
quod confirmat omnes possessiones et pertinentias Abbatiae Sancti Martialis
Lemovicen. sub disciplina et dispositione Clunacensium
Abbatum, ita ut obeunte Abbate alius ab eis subrogetur, etc.
……..
In Petragoricensi, monasterium
……..
Datum
Sanctonis per manum Joannis S.R.E. Diaconi Cardinalis secundo Idus Aprilis,
Indict. IV. Incarnat.
Dominicae anno M. XC. VII. Pontificatus autem Domni Urbani secundi Papae IX.
Privilège
de Calixte II (1122)
Privilegium Calixti Papae II. ad
Pontium Abbat. Clun. De
confirmatione Bovis Curtil.
Calixtus Episcopus servus servorum Dei, charissimo in Christo filio
Pontio Abbati Cluniacensi, ejusque successoribus regulariter substituendis in
perpetuum. Religionis Monasticae modernis temporibus speculum, et in Galliarum partibus documentum, beati Petri Cluniacense
Monasterium ab ipso suae fundationis suae exordio Sedi Apostolicae in jus
proprium est oblatum. Proinde
patres nostri sanctae recordationis Joannes XI. et
alii usque ad nostra tempora Ecclesiae Romanae Pontifices, locum ipsum
singularis dilectionis ac libertatis praerogativa donarunt, et universa ei
pertinentia privilegiorum suorum sanctionibus munierunt. Propterea fili in
Christo charissime Ponti, quem nos in Viennensis Ecclesiae regimine positi
nostris per Dei gratiam manibus in Abbatem consecravimus, et personam tuam et
locum, cui Deo authore praefides, totis dilectionis visceribus amplectentes, et
quieti vestrae, ac Ecclesiarum vestrarum attentius providentes, Ecclesiam S.
Theodori de Rocha Bouccort, cum omnibus pertinentiis suis, laudantibus ipsius
Ecclesiae Clericis, a venerabili fratre nostro Willermo Petragoricensi Episcopo
tibi et Ecclesiae Cluniacensi humiliter et devote donatam, authoritate
Apostolica tam tibi quam successoribus tuis perpetuis temporibus confirmamus et
praesentis privilegii pagina communimus. Si quis igitur ausu temerario impiaque
praesumtione, contra Deum et sanctos ejus Apostolos, contraque animam suam hoc
nostrae Apostolicae authoritatis privilegium in aliquo infringere tentaverit,
incunctanter se noverit nostrae Apostolicae maledictionis aculeo transpunctum,
nostrae Apostolicae excommunicationis telo perfossum, nostri etiam Apostolici
anathematis gladio transverberatum nec nisi per dignam satisfactionem saluti
pristinae reparandum. Ei vero qui conservator extiterit, sit pax Domini nostri
Jesu Christi, quatinus et hic fructum bonae actionnis percipiat, et apud
districtum judicem, praemia aeternae pacis inveniat, Amen.
Ego Calixtus Catholicae Ecclesiae Episcopus.
Datum
Lateranis per manum Grisogoni, S.R.E. Diaconi Cardinalis, ac Bibliothecarii, V.
Kalendas januarii, Indict. XV. Incarnat. Dominicae anno
M.C.XXII. Pontificatus autem Domni Calixti secundi
Papae anno IV.
Privilège
d’Innocent II (1186)
Privilegium
Innocentii Papae II. ad Petrum Venerabilem pro
confirmatione Prioratus de Rochevercurti sub ordine Cluniacensi.
Innocentius
Episcopus servus servorum Dei, dilecto in Christo filio Petro Clun. Abbati ejusque successoribus regulariter
substituendis in perpetuum. Bonus et diligens paterfamilias gaudio magno
gaudet, cum vineam suam locatam agricolis vigilanti studio videt excoli, et
tribulis ac sentibus pariter emundari. Cujus prosecto gaudium laetitia
jocundiori cumulatur, si eadem vinea
propagatione ordinaria per multorum spatiorum dimensionem incipiat dilatari.
Proportionali igitur ratione Deo credimus gratissimum esse, si Deo dicati
religio Cluniacensis Monasterii et diversas Ecclesias exomet, atque plurimorum
mentes disciplinis regulatibus instruat, et fide ; quae per dilectionem
operatur, inflammet. Eapropter, dilecte in Domino fili Petre Abbas Clun.
memores devotionis, quam erga Sedem Apostolicam cum commissa tibi Ecclesia
semper habuisti, et honoris ac fervitii, quod nobis efficaciter fideliterque,
maxime tempore schismatis impendisti, Ecclesiam de Rochabovecourt, laudantibus
ejusdem clericis a venerabili fratre nostro Willelmo Petragoricensi Episcopo,
Pontio Abbati antecessori tuo, et per eum ecclesiae Cluniacensi canonice
donatam, et a felicis memoriae Papa Calixto antecessore nostro, ficut
privilegium ejus testatur, solemniter confirmanus; set etiam confirmando
auctoritate Apostolica donamus : ut ordo Cluniacensis ad laudem Dei, ad
quam specialiter institutus est, et ad honorem sacrosanctae Romanae Ecclesiae,
cui omnimo devotus est, perpetuis temporibus ibi floreat. Statuentes ut nulli
hominum liceat eandem Ecclesiam vel bona, quae inpraesentiarum legitime
possidet, aut in futurum justis modis praestante Domino poterit adipisci,
temere perturbare, auferre, minuere, seu quibuslibet vexationibus fatigere. Si
qua igitur imposterum Ecclesistica saecularisve persona hanc nostrae
constitutionis paginam sciens, contra eam temere venire tentaverit, secundo
tertiove commonita, si non reatum suum congrua satisfactione correxerit,
potestatis honorisque sui dignitate careat, reamque se divino judicio existere
de perpetrata iniquitate cognoscat, et a sacratissimo Corpore et Sanguine Dei
ac Domini nostri Jesu Christi aliena fiat, atque in extremo examine districtae
ultioni subjaceat. Cinctis vero eidem loco sua jura servantibus sit pax Domini
nostri Jesu Christi, quatenus et hic fructum bonae operationis percipiant, et
apud districtum judicem praemia aeternae pacis inveniant. Amen.
Amen. Amen.
Ego Innocentius Catholicae Ecclesiae Episcopus.
Ego Guillelmus Praenestinus Episcopus.
Ego
Gregorius Diaconus Cardinalis sanctorum Sergii et
Bachi.
Ego Guido Cardinalis Diaconus sancti Adriani.
Ego Vassalus Diaconus Cardinalis sancti Eustachii.
Ego Hubaldus Diaconus Cardinalis sanctae Mariae in via-lata.
Ego Anselmus Presbyter Cardinalis.
Ego Littifredus Cardinalis tit. Vestinae.
Ego Lucas Presbyter Cardinalis tit. sanctorum Joannis et Pauli.
Datum
Pisis per manum Aymerici sanctae Romanae Ecclesiae Diaconi Cardinalis et Cancellarii III. Idus
Martii, indictione XIV. Pontificatus Domni Innocentii Papae secundi, anno VII.
Lettre
d’Eugène II
Epistola
Eugenii Papae II ad Engolismen. et Lemovicen. episcopos quibus mandat ut inquirant super controversa orta
inter Clun. monachos et clericos de Rochaboviscurti.
Eugenius episcopus servus servorum Dei,
venerabilibus fratribus Lamberto Engolismensi, et Geraldo lemovicensi
episcopis, salutem et Apostolicam benedictionem. Controversiam quae inter
dilectos filios nostros Cluniacenses monachos et clericos de Rocaboviscurti,
super ecclesia ipsius loci jamdiu agitata est, diligenter andivimus, et cum
fratribus nostris super ea diu contulimus. Auditis igitur utriusque partis
rationibus et studiosius inquisitis, quoniam ex utriusque partis confessione
Monachos fuisse in possessione cognovimus; judicavimus, ut si ipsi Monachi
duobus, aut tribus testibus idoneis in nostra praefentia probare potuerint,
quod Clerici, qui tunc erant in ipsa Ecclesia, vel alius per ipsos, eos de
possessione ipsius Ecclesiae per violentiam expulerunt, ipsa possessio eis
restituatur: facta autem plena restitutione infra duos menses, utraque parte
ante vestram evocata praesentiam causam de proprietate hinc inde diligenter
inquitatis, et fine Canonico terminetis.
Datum Laterani XVII. Kal. Februarii.
Lettre
à Eugène II.
Rescriptum
ipsorum Engolismen. er Lemovicen. episcoporum
ad Eugenium Papam III. super executione commissionis
supra posita.
Sanctissiomo Patri et Domino Eugenio
divina electione Reverendissimo Pontifici et summo G. Lemovicensis, et
Lambertus Engolismensis, indigni et inutiles Ecclesiae Dei Ministri salutem, et
piae devotionis obsequium, et debitam subjectionem.Controversia, quae inter
Cluniacenses Monachos et clericos de Rocaboviscurti, super ecclesia illius
loci, in vestra praesentia agitata est, et diligenter audita, atque studiosius
inquisita; quoniam ex utriusque partis confessione Monachos in possessione
ipsius Ecclesiae fuisse cognovistis, auctoritate sanctae Paternitatis vestrae
rationabili aequitate sic judicata est, ut si ipsi Monachi duobus aut tribus
idoneis testibus probare possent, quod Clerici, qui tunc erant in ipsa
Ecclesia, Monachos de possessione praefatae Ecclesiae violenter expulerint,
ipsa eis possessio restituantur. Itaque ex Mandato sanctae sublimitatis vestrae
Cluniacenses Monachos ex superabundanti, et ejusdem Ecclesiae Clericos ad
certam diem et locus convocavimus, et productis in medio testibus, quantum
debuimus, separatim et diligenter auditis, et rationabiliter inquisitis et
examinatis, ipsi testes, qui Monachi erant, per easdem syllabas et verba
juraverunt super sancta Evangelia in nostra praesentia, quod Clerici, qui tunc
erant in ipsa Ecclesia, quos nominatim expresserunt, Monachos quos similiter
nominaverunt, se videntibus et audientibus, de ipsa
Ecclesia violenter expulerunt, sicut completa sunt in vestrae praesentia. De
caetero valeat sancta Paternitas vestra in Domino multis diebus, qui vos
consolari dignetur in tribulationibus, quas pro amore ejus patimini, etc. absque
data.
Don
de l'église de la Rochebeaucourt par l'évêque de Périgueux à l'abbé de Cluny.
(1121)
Donation
ecclesia de Rocaboviscurti facta per Ven. episcopum
Petragoricensem Domno Pontio abbate Clun.
Willelmus Dei gratia Petragoricensis
episcopus Venerabili abbati Clun. Monasterii Domno Pontio, et successoribus
ejus regulariter substituendis in perpetuum. Sapientium auctoritate provisum
est, temporum suorum gesta styli officio perpetuare, ne posteritatis memoria
obliterari futurorum intercapedine queat. Notum itaque tam praesentibus quam
absentibus, praesentis scripurae apicibus fieri volo, quod ego ex officii
nostri necessitare erga omnes Dioecesis nostrae Ecclesias curam gerens, et in
reis Religionis jura conservari desiderans, dono et in perpetuum habendam
concedo Deo, et sancto Petro Apostolorum Principi, Domno quoque Pontio Abbati
supra dicti Monasterii, et successoribus suis, Ecclesiam sancti Theodori de
Rocaboucort, consilio clericorum Petragoricensium Sedis Wuillelmi scilicet de
Nonclar, Arnaudi, Wuillelmi, Iterii de Sauret, et aliorum plurimorum, qui
nobiscum intererant; dantibus pariter et concedentibus Canonices ejusdem
Ecclesiae, Itero videlicet Gandra, et Helia de Sauret, Petro tertio, Geraldo
Ferrono, atque Petro Hugone, aliisque quam pluribus; laudante etiam atque
confirmante Domno Girardo Engolismensi Episcopo et sanctae Romanae Ecclesiae
Legato, praesentibus clericis Engolismensis Ecclesiae Ricardo, et Willelmo
fratre suo, ejusdem Legati nepotibus, Eudrado ejus Capellano, atque Theaumo ejus
Notario. Ut autem donum istud absque alicujus calumnia certum habeatur, et
ratum perduret, hanc chartam sigilli nostri munimento consigno, et praedictum
Abbatem Cluniacensem investio, sub eorumdem clericorum nostrorum testimonio,
Monachorum vero Pontii prioris de Berbezillo, Geraldi Roberti prioris de
Monteberulfi, Arnaudi prioris de Roncenaco.
Factum est autem hoc donum anno ab
Incarnatione Domini M. C. XXI. Calixto Papa in Sede Apostolica praesidente,
atque in Francia Ludovico Rege regnante, ubique Domino Jesu Christo imperante.
Amen.
Restitution
de l'église de la Rochebeaucourt.
Restitutio
ejusdem ecclesie facta Domno Petro Venerabilis Abbati Clun.
Ego Iterius Decanus et archidiaconus
Petragoricensis, atque Abbas sancti Theodori de Rocaboviscurti, propter
controversiam, quae inter me et inter Domnum Petrum Abbatem Cluniacensem atque
fratres Cluniacenses fuerat, Cluniacum pergens usque Silviniacum veni, atque
ibi eumdem Dominum Petrum Abbatem Cluniacensis inveni ; cum quo de lite
jam dictae Ecclesiae aliquamdiu agens, tandem causa Dei, et amore ipsius, atque
Cluniacensis Ecclesiae, supra nominatam Ecclesiam sancti Theodori de Roca eidem
Domino Abbati et Cluniacensi Ecclesiae dimisi, et in perpetuum ab ei
spossidendam, absque aliqua mea imposterum contradictione concessi. Quod tamen
antequam facerem, a Domino Papa Eugenio et a Curia Romana judicio diffinitum
fuerat, ut jam dicta sancti Theodori Ecclesia Cluniacensi Ecclesiae
restitueretur. Testes hujus meae donationis fuerunt
Enguiso Camerarius, ejusdem Domini Abbatis, Godefredus Constabulus, Raim.
Capellanus, Galterius Prior Silviniacensis, Petrus Welcens Decanus
Silviniacensis, Petrus Gaderius Camerarius Silviniacensis. Rorgerius Prior de
Genzaco, Matthaeus Bernardus Prior de Firmitate, Joannes de Montelucio. De
famulis vero, Bernardus Humbaldus, et Ricardus. De his pariter qui mecum
venerant, Helias Prior de Romnaco, Burgundio frater ejus, Augerius Prior de
Guilgorcia. Absque data.
Lettre
d’Eugène III. (entre 1145 et 1153)
Epistola Eugenii Papae III. ad
Petragoricensem episcopum, super restitutione Ecclesia de Rochaviscurt per eum
facienda fratribus Cluniacensis ab ea per clericos expulsis.
Eugenius
Episcopus, servus servorum Dei, venerabili fratri Raymundo Petragoricensi
Episcopo, salutem et Apostolicam benedictionem. Ad
tuam credimus notitiam pervenisse, quoniam nos contrversiam, quae inter
dilectos filios nostros Cluniacenses Monachos, et
clericos, de Rochaboviscurti, super Ecclesiam ipsius loci jamdiu agitata est,
diligenter audivimus, et cum fratribus nostris super ea diu contulimus. Auditis siquidem utriusque partis
rationibus, et diligenter inquisitis, quoniam ex utriusque partis confessione
Monachos fuisse in possessione cognovimus ; judicavimus ut si Monachi
duobus aut tribus testibus idoneis in venerabilium fratrum nostrorum Lamberti
Engolismensis, et Geraldi Lemovicensis, probaverint, quod ipsi eos de
possessione ejusdem Ecclesiae violenter expulerunt, ipsa possessio eis
restitueretur. Nunc autem, sicut praefati fratres nostri litteris suis nobis
significaverunt. Sed Monachi ipsi, sicut litteris nobis significaverunt,
restitutionem possessionis ab illo, qui Abbas dicitur, et aliis Clericis, qui
praefentes aderant, secundum judicium nostrum, minis et contumeliis repulsi,
cum iterata querimonia ad nos remissi sunt. Quia igitur Cluniacensis Monasterii
justitiae minime deesse debemus, et eorum clericorum inobedientiam et
contumaciam ulterius ferre non possumus : per Apostolica tibi scripta
mandamus atque praecipimus, quatenus infra triginta dies, postquam praesentia
scripta susceperis, Ecclesiam ipsam cum ornamentis et caeteris pertinentiis
suis Monachis Cluniacensibus plenarie restituas. Si vero clerici contradicere
praesumpserint, eos excommunicatos publice denunties, et tamdiu excommunicatos
teneas, donec juxta mandatum nostrum restitutio compleatur. Facta autem
restitutione, si clerici, qui ante Monachorum expulsionem in ipsa Ecclesia
ordinati erant, de proprietate agere voluerint, in praesentia praefatorum
Episcorum juxta tenorem aliarum litterarum nostrarum causa audiatur, et sine
canonico terminetur. Alios autem clericos, qui post Monachorum expulsionem
in ipsa Ecclesia intrusi sunt, nequamquam ad causam de proprietate admitti
volumus.
Datum Viterbii V. Idus Septembris.
Privilège
d’Anastase IV. (vers 1154)
Privilegium
Anastasii Papae IV. ad fratres Cluniacenses de
Ecclesia de Rocaboviscurti super controversia qua erat inter eos et clericos.
Anastasius Episcopus servus servorum Dei,
dilectis filiis Monachis Cluniacensibus in Ecclesia de Rocaboviscurti
commorantibus, salutem et Apostolicam benedictionem. Controversam, quae inter
vos et clericos Ecclesiae, in qua constituti estis, super jure proprietatis
ipsius Ecclesiae agitatur, venerabilibus fratribus nostris G. Lemovicensi, et
B. Xantonensi Episcopis audiendam terminandamque commisimus. Ideoque per
praesentia vobis scripta mandamus, quarinus cum ab eis propter hoc fueritis
evocati, occasione seposita eorum praesentiam adeatis, et quod exinde inter vos
judicaverint, suspiatis irrefragabiliter et servetis.
Datum Laterani IV, Nonas Martii.
Extrait
d’un privilège de Clément V. (1311)
Privilegium
Clementis Papae V. ad
……..
…. de Lehuno in sanguine terso, de
Nogento Retrodi, et de Gacicuria, de Gaya, de Vergeyode Vendopera, de
Mostereto, et de Marmissa, de Turribus super Maternam, de Carrennaco, de
Moyraco, de Roncenaco, et de Sancto Cosma, Ambianens. Carnotens. Agennens.
Petragoricens. Et Constantiens. Dioecesum prioratus eidem Monasterio Cluniacnsi
subjectos, cum omnibus prioratus, domibus, membris, grangiis, bonis, juribus,
et pertinentiis eorumdem in quibusque Dioecesibus constitutis ;
……..
Datum Avenione, Idibus Octobris,
Pontificatus nostri anno VI.
Extrait
d’un privilège de Jean XXII. (1327)
Privilegium
Ioannis Papae XXII. quod
Decani non solventes Abbati et Conventui Clun. suam
contingentem de quator millibus librarum super tredecim Decanibus debitis, ipso
facto sunt excommunicati, et contumaces post mensem sint ipsis Decanatibus
privati.
……..
ac porterea decraverit, et praedicta
concesserit, donaverit, et deputaverit de Lehuno in sanguine terso Ambianens.,
de Nongento Retrodi, et de Gassicuria Carnotens. de
Gaya Trecens. de Vergeyo Eduens. de
Vendopera, de Monsireto, et de Marmissa Ligonen. de
Turtibus super Maternam Remens. de Carennaco
Caturcens. de Moyriaco Agennens. de
Roncenaco Petragoricens. et de sancto Cosma
Constantiens. Dioecesum Prioratus eidem Monasterio Cluniac. subjectos,
cum omnibus Prioratus, domibus, membris, grangiis, bonis, juribus, et
pertinentiis eorumdem in quibuscumque Dioecesibus constituis, ut de ipsorum
fructibus, redditibus, et proventibus universis hujusmodi summa pecuniae per
illos, qui super hoc praemisso modo deputati forent, perciperetur integre
singulis annis, ac etiam colligeretur : …..
……..
Datum Avenioni, Kalendis Maii,
Pontificatus nostri anno XI.
Extrait
d’un privilège de Clément VI. (1342)
Privilegium
Clementis Papae VI. quod nullo modo provideri possit
virtute litterarum Apostolicarum de tredecim Decanatibus Cluniacensis Ordinis
hic nominatis.
……..
…. ordinaverit perpetuis futuris
temporibus observandum, ut ad supplendum defectus, penurias, et indigentias
ipsorum Abbatis et conventus, et ad exonerationem Abbatis dicti monasterii pro
tempore existentisn quatuor millia Librarum Turonesium parvorum de fructibus,
redditibus, et Proventibus de Lehuno in sanguine terso, de Nogento Retrodi, de
Gacicuria, de Moyeraco, de Roncenaco, et de Sancto Cosma Decanatum, qui tunc
Prioratus existebant Cluniacensis Ordinis, Ambianen. Carnoten. Trecen. Eduen.
Lingonen. Remen. Caturcen. Agenne. Petragoricen. Et Constantien. Dioecesum,
a dicto Monasterio dependentium, et per Monachos ejusdem Monasterii solitorum
gubernati, praeter alias pensiones, in quibus illos pro tempore obtinentes Abbati, ….
……..
Datum Avenioni VII. Kalendas Augusti,
Pontificatus nostri anno primo.
Extrait
d’un privilège d’Innocent VIII (1487)
Privilegium
Innocentii Papae VIII. per quod confirmat omnia
privilegia a praedecessoribus suis Ordini Clun. concessa ac praesertim quod
Abbas, et major ac claustralis Priores possint dispensare cum Monachis ab
irregularitates, et eos rehabilitare ; quodque Abbas in Monasteriis
commendatis deputet unum Priorem claustralem, etc.
……..
…. nec non ad exonerationem Abbatis dicti
Monasterii, pro tempore existentis, quator millia librarum Turonensium parvorum
de fructibus, reditibus et proventibus aliquorum Prioratuum eidem Monasterio
subjectorum, annis singulis percipienda, deputarentur, quae per aliquos
discretos, et fideles Cluniacensis ordinis Monachos per Abbatem dicti
Monasterii pro tempore existentem, ordinandos, integre colligerentur : et
ad hoc deputaverat de Zehuno in Sanguineterso, de Nogento Retrodi, de
Gassicuria, de Gaja, de Vergeyo, de Vendopera, de Monsereto, de Marmissa, de
Turribus supra Maternam, de Carrenacho, de Moyraco, de Rosenacho, et de sancto
Cosma Decanatus, qui tunc Prioratus existebant dicti Ordinis, Ambiaven.
Carnoten. Trecen. Eduen. Lingonen. Remen. Caturcen. Agenen. Petragoricen. et Constantien. Dioecesum eidem Monasterio Cluniacensi
immediate subjectos, cum omnibus Prioratibus et pertinentiis eorumdem, ut de
eorum fructibus hujusmodi summa pecuniae percipertur integre annis
sungulis ; ….
……..
Datum Romae apud sanctum Petrum, anno
Incarnationis Dominicae millesimo quadrigentesimo octuagesimo septimo, quinto
idus Aprilis, Pontificatus nostri anno tertio.