<< Retour

Chartes de l’abbaye de Cluny

Collection de documents inédits sur l’histoire de France

Première série – Histoire politique

Par Alexandre Bruel

Tomes I-VI

1876-1903

 

BnF n° N0028908-N0028911, N0036701, N0111244.

 

Il existait au moins quatre cartulaires de cette importante abbaye. Ils sont notés A, B, C et D. Ils contiennent plus de 5000 chartes. Les trois premiers sont conservés à la bibliothèque de Cluny. Le quatrième, noté cartulaire D a été acquis par la Bibliothèque Nationale et y est conservé depuis 1902.

 

Il existait déjà à cette époque dans le fonds latin et le fonds des érudits à la BnF, de nombreuses chartes originales et des copies provenant de Cluny, dont celles de Lambert de Barive qui en a laissé près de 5000 faites entre 1770 et 1790 et conservées dans le fonds Moreau. Quelques chartes de Cluny sont également conservées au British Museum. Mais beaucoup ont été perdues ou dispersées à la Révolution.

 

Quelques chartes se rapportent au Périgord, et à deux églises en particulier : la Rochebeaucourt et Roncenac (Sanctae Mariae de Aguriaco), autrefois au diocèse de Périgueux, aujourd’hui en Charente.

 

 

 

Charte 475 - 937, juin.

CHARTA BERNARDI, COMITIS PETRAGORICENSIS, QUA MONASTERIUM SARLATENSE SANCTI SALVATORIS ODONI CLUNIAGENSI ABBATI TRADIT.

 

Voir sur ce même site Gallia Christiana, Instrumenta Sarlatensis Ecclesiae

 

Dispositor ordintorque miriticus omnium rerum Deus, qui ut scriptum est, quos vult humiliat, et quos vult exaltat. Certum est quia multos quos modo exaltat, in saeculo venturo humiliabit, qui de ipsis bonis superbientes, sub potenti manu illius humiliari dedignantur ; quapropter justum est ut homo subditus sit Deo, et de iis quae ab ipso percipit, eidem placere studeat. Quod ego Bernardus, gratia Dei comes Petragoricensis, haec omnia considerans, monasterium S. Salvatoris quod vocatur Sarlatum, quod modo minime regulariter degit, sub jure meo retinere timui, et in ordine monastico restituere dignum duxi. Quocirca notum sit omnibus tam praesentibus quam futuris, quod ego consentiente uxore mea Garsinda, praedictum locum cum omni abbatia [et] ad eum pertinentia in potestate S. Salvatoris de mea dominatione transposui, pro anima videlicet patris mei, et matris meae, et praedecessoribus propinquis, et pro me et uxore mea, et filiis et filiabus nostris, pro fratribus quoque nostris, et amicis fidelibus, et specialiter pro illis qui praedictum locum et habtatores deffenderint. Igitur, ut dictum est, trado praefatum locum Deo et domno Oddoni Cluniacensi abbati, atque Adacio coabbati ejus, et monachis quos ibi vel adduxerint vel congregaverint, ut videlicet ipsi et successores eorum tam coenobium quam omnem abbatiam sine ulla contradictione teneant, ut post illorum discessum, qualem voluerint secundum regulam S. Benedicti abbatem eligant, et sibi constituant : sint autem et ipsi monachi in subjectione Regis ad locum salvum faciendum, et non ad aliquid persolvendum nisi solas orationes Caeterum contestor atque adjuro omnes propinquos atque successores nostros, cunctosque illius coenobi vicinos tam praesentes quam futuros, per tremendum sanctae Trinitatis nomen, et meritum be            torum sanctorum quorum reliquiae inibi continentur, ut nullus vel monachus, seu quilibet homo res eorum inquietare, aut in potestate alicujus redire praesumat ; quod si quis haereditatem dispossidere tentaverit, maledicatur per universum orbem, et audiat : [1] Deus meus, pone illum ut rotam et sicut stipulam ante faciem venti, et confundatur in saeculum saeculi et pereat ; non sit cohaeres Dei nostri nisi resipuerit, sed sit particeps Pharaoni, qui ait : [2] Deum nescio, et Israel non dimittam. Ego Bernardus hoc datum a me factum nutu Dei disponente, ratum perfectumque in perpetuum esse volo cum stipulatione subnixa. Signum Bernardi comitis qui hoc donum fecit, et scribere rogavit, et manu propria firmavit, S. Guillelmi, S. Arnaldi, S. Gauberti, S. Bernardi, S. Ramnulphi, S. Alduini, S. Gaufredi, S. Heliae, S. Amalgerii, S. Fulcherii, S. Oldolrici. Data in mense Junio, regnante Deo, et domino [3]Ludovico imperante.

 

[1] Psalm. 82, 14

[2] Exod. 5. 2

[3] Scilicet Ludovico Transmarino circa an. 937

 

 

 

Charte 3810 - 1102, 29 mai.

BULLA PASCALIS PAPAE II, QUA MONASTERIUM SANCTI MARTIALIS LEMOVICENSIS ABBATI CLUNIACENSI SUBJUNGIT ET BONA EJUS SUB SUA PROTECTIONE SUSCIPIT.

 

Bibli. nat. lat. nouv. acq. 2182, n° 23 cop. 41-94.

 

Pascalis, episcopus, servus servorum Dei, dilecto filio Ademaro, abbati Lémovicensis cenobii, quod in honore beati Martialis edificatum est, ejusque successoribus regulanter substituendis in perpetuum. Officii nostri nos hortatur auctoritas pro ecclesiarum statu sollicitos esse, et que recte statuta sunt stabilitare. Proinde nos religionis statum, qui per te potissimum instauratus est in beati et apostolici confes­soris Marcialis monasterio, augeri et provehi cupientes, juxta predecessoris nostri sancte memorie Urbani secundi statuta[1] presentis decreti pagina stabilimus, locum ipsum sicut hodie est et sicut ab episcopo atque canonicis Lemovicensis ecclesie dispositum noscitur, semper sub disciplina, dispositione et custodia Cluniacensis abbatis persistere, et ut, obeunte abbate, nullus ibi qualibet subreptionis astutia vel violentia preponatur, nisi quem prefatus abbas illic vel successores ejus secundum Dei timorem previderit eligendum. Porro, pro tue religionis petitione et monasterium ipsum et quecumque ipsius sub tutela apostolice sedis perpetuo confovenda suscipimus. In quibus hec propriis nominibus duximus exprimenda : In Petragoricensi pago, abbatiam Sancti Sori confessoris; in pago Lemovicensi, ecclesiam Sancte Marie et Sancti Nicolai in Castro Albuzonis, cum cimiterio et sepultura ejusdem castri, et cetera que predecessoris nostri supradicti Urbani secundi [in] privilegio continentur; quecumque preterea in presenti vestrum cenobium juste possidet, sive in futurum juste atque canonice poterit adipisci, firma vobis vestrisque successoribus et illibata permaneant. Decernimus ergo ut nulli, etc.[2], salva Lemovicensis episcopi canonica reverentia, siquidem catholicus fuerit, et gratiam atque communionem aposto­lice sedis habuerit; alioquin, quandiu forte [quod absit!] Lemovicensis ecdesia catholico pastore caruerit, vobis vestrisque successoribus liceat ordinationum sive consecrationum quarumlibet gratia, catholicum quem malueritis episcopum adire, et ab eo que sunt oportuna suscipere. Item constituimus ut secundum antique consuetudinis modum, absente episcopo, beati Martialis abbas, precipue cum majoribus canonicis, Lemovicensis ecclesie curam gerat, et episcopalis electio ex ejus potissimum arbitrio disponatur. Presente quoque episcopo, non sine ejusdem abbatis consilio graviora ipsius ecclesie negocia peragantur. Hoc quoque presenti capitulo subjungimus, ne pro communi parrochie interdictione vel excommunicatione, monasterium vestram interdicto excommunicationive subdatur, ut tamen[3] excommunicati illic vel interdicti nequaquam ad divina officia admittantur. Si qua sane ecclesiastica secularisve persona hanc nostre constitutionis paginam, etc.[4] Amen. Amen. Amen.

Scriptum per manum Raineriis[5] scrinarii regionarii et notarii sacri palatii. Ego Pascalis secundus, sancte Romane sedis episcopus. Data Laterani, per manum Johannis, sancte Romane ecclesie diaconi cardinalis, IIII kalendas junii, indictione X[6], incarnationis Dominice anno millesimo C° III°[6], pontificatus autem domni Pascalis secundi pape III°.

(Au dos :) Exemplar privilegii de abbatia Sancti Marcialis Lemovicensis.

 

[1] Nous publions cette bulle d'après le ms. lat. n. a. 2182, que M. Delisle qualifie «copie contemporaine». La transcription assez fautive d'ailleurs de L. de Barive, nous paraît avoir été prise sur ce parche­min dont les dimensions sont les mêmes que celles qu'il a relevées. C'est d'après ce texte que la bulle a été publiée par M. Pflugk-Harttung, Acta, I, 74. Enfin, il y a une troisième copie dans la collection Baluze, t. 86, f° 287 «ex vetustissima membrana Cluniacensi». Ces termes conviennent bien à l'ancienne copie du ms. 2182 , qui provient de Cluny.

[2] Voyez une bulle du pape Urbain II, en date du 12 avril 1096. (Bullarium Cluniac, p.27, col.I. Ci-dessus n°3704)

[3] La copie porte : cum.

[4] Ut supra, n° 3701.

[5] La copie de L. de Barive porte, à tort, Baini.

[6] Si les années n’étaient pas ici comptées suivant le style pisan, il faudrait II au lieu de III. En effet, le 29 mai 1102 répond bien à la troisième année du pontificat de Pascal et à la dixième indiction.

 

 

Charte 3812 – 1102-1109

CHARTA QUA WILLELMUS, PETRAGORICENSIS EPISCOPUS, ECCLESIAM SANCTAE MARIAE DE AGURIACO APUD MONTEM BERULFUM MONACHIS CLUNIACENSIBUS ET SANCTI JOHANNIS DE RUNCINIACO DAT.

 

Copie B. p. 26

 

Notificare volumus fidelibus universis presentibus atque futuris, quod domnus Willelmus, Petracoricensis episcopus, dedit Deo et Sancto Petro Cluniacensi, et Sancto Johanni de Runciniaco, ecclesiam Sancte Marie de Aguriaco, apud Montem Berulfum, videntibus et audientibus duobus monachis, Arnaldo de Villa Boenc, socio ac camerario domni Hugonis abbatis, et Arnaldo ejusdem loci priore; et hoc donum viderunt et audierunt Aymericus de Vals et Rotbertus de Vals.

 

 

Charte 3954 - 1121

CHARTA QUA WILLELMUS, PETRAGORIGENSIS EPISCOPUS, DAT MONASTERIO CLUNIACENSI ECCLESIAM SANCTI THEODORI DE ROCABOVISCURTE.

 

Voir sur ce même site Gallia Christiana, Instrumenta Ecclesiam Petragoricensem.

 

Willelmus Dei gratia Petragoricensis episcopus venerabili abbati cluniacensis monasterii domino Pontio, et successoribus ejus regulariter substituendis in perpetuum. Sapientium auctoritate provisum est temporum suorum gesta stili officio perpetuare, ne posteritatis memoria obliterari futurorum intercapedine queat. Notum itaque tam praesentibus quam absentibus praesentis scripturae apicibus fieri volo, quod ego ex officii nostri necessitate erga omnes dioecesis nostrae ecclesis curam gerens, et in perpetuum habendam concedo, Deo et sancto Petro apostolorum principi, domno quoque Pontio abbati supradicti monasterii et successoribus suis, ecclesiam S. Theodori de Rocaboucort, consilio clericorum Patragoricae sedis, Willelmi scilicet de Nanclart, Arnaudi, Willelmi, Iterii de Sauzet, et aliorum plurimorum qui nobiscum intererant, dantibus pariter et concedentibus canonicis ejusdem ecclesiae, Iterio videlicet, Gardra, et Helva de Sauzet, Petro Iterio, Geraldo Ferrono, atque Petro Hugone, aliisque quampluribus ; laudante etiam atque confirmante domno Girardo Engolismensi episcopo,  et sanctae Romanae Ecclesiae legato, praesentibus clericis Engolismensis ecclesiae Ricardo, et Willelmo fratre suo ejusdem legati nepotibus, Eudrardo vero capellano, atque Theaumo ejus notario. Ut autem donum istud absque alterius calumnia certum habeatur, et ratum perduret, hanc cartam sigilli nostri munimento consigno, et praedictum abbatem Cluniacensem investio, sub eorundem clericorum nostrum testimonio : monachorum vero Pontii prioris de Berbezil, Geraldi Roberti prioris de Monte-Berulfi, Arnaudi prioris de Rocenac. Factum est autem hoc donum anno ab Incarnatione Domini M. C. XXI. Calixto papa in sede apostolica praesidente, atque in Francia Ludovico rege regnante, ubique Domino J. Christo imperante. Amen.

 

 

Charte 3957 – 1122, 9 janvier.

BULLA CALIXTI PAPAE II, AD PONTIUM, CLUNIACENSEM ABBATEM, QUA El CONFIRMAT DONATIONEM ECCLESIA SANCTI THEODORI DE ROCHABOVISCURTE A WILLELMO, PETRAGORICENSI EPISCOPO, FACTAM.

 

Bibl. nat. cop. 50-190; E. 45, XL[1].

 

Calixtus, episcopus, servus servorum Dei, karissimo in Christo filio, Pontio, Cluniacensi abbati, ejusque successoribus regulariter substituendis in perpetuum. Religionis monastice modernis temporibus speculum, et in Galliarum partibus documentum Beati Petri Cluniacense monasterium, ab ipso sue fundationis exordio, sedi apostolice in jus proprium est oblatum. Proinde patres nostri sancte recordationis, Johannes undecimus et alii ad nostra tempora pontifices ecclesie Romane, locum ipsum singularis dilectionis ac libertatis prerogativa donarunt, et universa ei pertinentia privilegiorum suorum sanctionibus munierunt. Propterea, fili in Christo karissime, Ponti, quem nos in Viaennensis ecclesie regimine positi, nostris per Dei gratiam manibus, in abbatem consecravimus, et personam tuam et locum cui, Domino auctore, presides, totis dilectionis visceribus amplectentes, et quieti vestre et ecclesiarum vestrarum attentius providentes, ecclesiam Sancti Theodori de Rochabovecourt, cum omnibus pertinentiis suis, laudantibus ipsius ecclesie clericis, a venerabili fratre nostro Willelmo, Petragoricensi episcopo[2], tibi et ecclesie Cluniacensi humiliter et devote donatam auctoritate apostolica, tam tibi quam successoribus tuis perpetuis temporibus confirmamus, et presentis privilegii pagina committimus[3]. Si quis igitur, ausu temerario impiaque presumptione contra Deum et sanctos ejus apostolos, contra animam suam, hoc nostre apostolice auctoritatis privilegium in aliquo inffin­gere temptaverit, incunctanter se noverit nostre apostolice maledictionis aculeo transpunctum, nostre apostolice excommunicationis telo perfossum, nostri etiam apostolici anathematis gladio transverberatum, nec, nisi per dignam satisfactionem, saluti pristine reparandum. Ei vero qui conservator extiterit, sit pax Domini nostri Jesu Christi, quatinus et hic fructum bone actionis percipiat, et apud districtum judicem premium eterne pacis inveniat. Amen. Amen. Amen. Ego Calixtus, catholice ecclesie episcopus, subscripsi. Datum Laterani, per manum Grisogoni, sancte Romane ecclesie diaconi cardinalis [ac] bibliothecarii, V idus januarii, indictione XV, incarnationis Dominice anno M° C° XXII°, pontificatus autem domni Calixti secundi pape[4] anno vero IIII°[5].

 

[1] Imprimé dans la Bibl. Clun., col. 581, d'après E. et dans le Bull, p. 41, col. 1, n° 1, d'après la Bibl. Clun..; Mansi, XXI, 207; Coquel., 11, 182. Dans tous ces livres, qui se sont copiés les uns les autres, on lit à la date, comme dans le ms. E., V kal. januar. (28 déc. 1122), sauf Mansi qui donne 1120; mais la copie de Lambert de Barive, prise sur l'original, porte V id. januar. (9 janv. 1122), date qui concorde seule avec les autres indications.

[2] Voy. ci-dessus n° 3954.

[3] E. communimus.                                                                                                                        

[4] Le monogramme du pape et les cercles se trouvent dans le ms. E.                                              

[5] La Billiotheca Cluniac. et Mansi portent anno II au lieu de IV, c'est pourquoi ce dernier et après lui Jaffé datent la bulle de 1120. LœyenfeId (n° 6876) hésite entre 1120 et 1121. Les deux bullaires la datent du 28 décembre 1122, qui équivaut pour nous à 1121, l'année étant alors comptée de Noël. En datant la bulle du 9 janvier 1122, nous la reculons seulement de douze jours.

 

 

 

Charte 4088 – 1144, 24 octobre.

CHARTA QUA GAUFRIDUS, PETRAGORICAE SEDIS EPISCOPUS, CONCEDIT MONACHIS CLUNIACENSIBUS FACULTATEM ELIGENDI CAPELLANUM DE ROCHENAC.

 

Bibl. nat. or. 235; cop. 61-38; D. 529, 530, 532[1].

 

Gaufridus, Dei gratia Petragorice sedis episcopus, Petro, Cluniacensis monasterii abbati, et fratribus ejus in perpetuum. Notum fieri volumus, tam presentibus quam futuris, quod Rainaidus, pie recordationis predecessor noster episcopus, dedit canonice et concessit clericorum suorum consilio, Hugoni, predicti monasterii abbati, et successoribus suis ecclesiam Sancti Johannis de Rochenac[2]. Porro cum Cluniacensis monasterii monachi ad prefatam ecclesiam ab abbate suo missi in ea vellent eligere capellanum, quem postmodum episcopo Petragoricensi presentarent, surrexerunt quidam sacerdotes, qui quasi hereditario jure et profana successione predicte ecclesie capellaniam invaserunt, et quorundam nobilium laicorum perverso patrocinio, reluctantibus monachis, usque ad nos tenuerunt. Quod quia injustum atque profanum visum est domino Innocentio pape, cui de supradicto illicito ausu conquesti fuerint, et nobis, qui querelam eorum de eadem injuria multotiens suscepimus, justitie cui deesse non debemus incumbentes, atque etiam apostolice jussioni obedientes, sepedicte eeclesie capellaniam damus et concedimus, ut supradicta nefanda hereditas perpetuo destruatur, Petro, abbati Cluniacensis monasterii, ac successoribus suis[3] tali tenore ut monachi, ecclesie de Rochenac idoneam personam eligant in capellanum, quem post­modum Petragoricensi episcopo, prout justum est, presentare provideant. Damus et concedimus dicto Petro abbati Cluniacensis monas­terii et omnibus monachis ejusdem loci in posterum. Hec autem donatio facta est in manu Helie, prioris ecclesie de Rocenac, consilio clericorum Petragorice sedis, Petri de Nanclar[4] archidiaconi, Gaufridi de Vern archidiaconi[5], Petri de Chauze archidiaconi, Constantini[6], Raimundi Brantosmensis abbatis, H.[7] Goetti de Sancto Asterio, Rannulfi prioris de Anissa. Et ut hec nostra donatio certior et fîrmior habeatur, hanc cartam sigillo nostro muniri fecimus[8] et propria manu subscripsimus. + Signum Gaufridi episcopi. Signum P[etri] de Nanclar archidiaconi. Signum G[aufridi] de Vern archidiaconi[9]. Signum P[etri] de Cauze archidiaconi. Signum Constantini. Signum Iterii de Peiregors, archidiaconi. Signum Helie de la Crobta. Signum Petri de Cauciada.

 

(Au dos :) Carta episcopi Petragoricensis, de eligendo capellano in ecclesia de Rocenac.

 

[1] Nous ne donnons ici que la copie de l'orig. 235; mais nous faisons connaître les variantes d'une autre copie datée, que Lambert de Barive a transcrite. Le texte de ces deux pièces se trouve aussi dans le cart. D, n° 529 (incomplet) et 531. Il y en a même une troisième peu différente sous le n° 530. L'original transcrit par Lambert de Barive portait au dos : «Carta Gaufredi, Pitagoricensis (sic) episcopi, quod monachi de Rocenac eligant capellanum in ecclesia de Rocenac, et ipsum electum presentent Pitagoricensi episcopo. »

Nous ferons remarquer que la charte de l'évêque Geoffroi rappelle la donation de l'église de Saint-Jean de Ronsenac faite par son prédécesseur Rainaud à l'abbé Hugues, donation que nous ne possédons plus, et qui devait être datée de 1081 à 1099.

[2] La copie de Lambert de Barive ajoute ici: «cum omnibus ad eandem ecclesiam pertinentibus.»

[3] L. de B. : «in perpetuum habendam.»

[4] Les mots en italiques sont en interlignes dans l'original.

[5] Ibid. et D. 531 : «Iterii de Petragoris archidiaconi.»

[6] Ibid. et D. 531 : « Helie de la Cropta, Pétri de Cauzada.»

[7] Ibid. et D. 531. Helie, au lieu de H.

[8] Le sceau sur lacs de cuir est à moitié brisé.

[9] La copie de Lambert de Barive et D. 531 se terminent ainsi à partir de cette signature : «S. Iterii de Petragoris archi­diaconi. S. Petri de Chauze archidiaconi. S. Constantini. S. Helie de la Cropta. S. Petri de Chauzada. Facta est autem hec carta VIIII kal. novembris, anno vero ab incarnatione Domini MCXLIIII, epacta III, concurrente IIII , indictione VI, praesidente in sede Romana domino Innocentio papa, Ludovico rege in Francia regnante, atque Aquitanorum duce existente». Nous en avons tiré la date de cette charte.

 

 

Charte 4115 – 1146, 9 septembre

EPISTOLA EUGENII PAPAE III, AD RAYMUNDUM, PETRAGORICENSEM EPISCOPUM, SUPER RESTITUTIONE ECCLESIAE DE ROCABOVISCURTE AB ILLO FACIENDA MONACHIS CLUNIACENSIBUS QUI EX EA A CLERICIS EXPULSI FUERANT.

 

Bull. Clun., p. 60, col. 1, no2; D. Bouq., t.XV, p. 441.

 

Eugenius Episcopus, servus servorum Dei, venerabili fratri Raymundo Petragoricensi Episcopo, salutem et Apostolicam benedictionem. Ad tuam credimus notitiam pervenisse, quoniam nos contrversiam, quae inter dilectos filios nostros Cluniacenses Monachos, et clericos, de Rochaboviscurti, super Ecclesiam ipsius loci jamdiu agitata est, diligenter audivimus, et cum fratribus nostris super ea diu contulimus. Auditis siquidem utriusque partis rationibus, et diligenter inquisitis, quoniam ex utriusque partis confessione Monachos fuisse in possessione cognovimus ; judicavimus ut si Monachi duobus aut tribus testibus idoneis in venerabilium fratrum nostrorum Lamberti Engolismensis, et Geraldi Lemovicensis, probaverint, quod ipsi eos de possessione ejusdem Ecclesiae violenter expulerunt, ipsa possessio eis restitueretur. Nunc autem, sicut praefati fratres nostri litteris suis nobis significaverunt. Sed Monachi ipsi, sicut litteris nobis significaverunt, restitutionem possessionis ab illo, qui Abbas dicitur, et aliis Clericis, qui praefentes aderant, secundum judicium nostrum, minis et contumeliis repulsi, cum iterata querimonia ad nos remissi sunt. Quia igitur Cluniacensis Monasterii justitiae minime deesse debemus, et eorum clericorum inobedientiam et contumaciam ulterius ferre non possumus : per Apostolica tibi scripta mandamus atque praecipimus, quatenus infra triginta dies, postquam praesentia scripta susceperis, Ecclesiam ipsam cum ornamentis et caeteris pertinentiis suis Monachis Cluniacensibus plenarie restituas. Si vero clerici contradicere praesumpserint, eos excommunicatos publice denunties, et tamdiu excommunicatos teneas, donec juxta mandatum nostrum restitutio compleatur. Facta autem restitutione, si clerici, qui ante Monachorum expulsionem in ipsa Ecclesia ordinati erant, de proprietate agere voluerint, in praesentia praefatorum Episcorum juxta tenorem aliarum litterarum nostrarum causa audiatur, et sine canonico terminetur. Alios autem clericos, qui post Monachorum expulsionem in ipsa Ecclesia intrusi sunt, nequamquam ad causam de proprietate admitti volumus.

Datum Viterbii V. Idus Septembris.

 

 

 

Charte 4216 - 1163

ITERIUS, PETRAGORICENSIS ECCLESIAE DECANUS, ET GAUFRIDUS DE VERNIO, EJUSDEM ECCLESIAE THESAURARIUS, STEPHANO, CLUNIACENSI ABBATI, CONCEDUNT QUIDQUID JURIS HABEBANT IN ECCLESIA SANCTI THEODORI DE ROCABOVISCURTE.

 

Bibl. nat. or. 257 b.

 

Iterius, Petragoricensis ecclesie decanus, et Gaufridus de Vernio, ejusdem ecclesise thesaurarius, et capitulum jam dicte ecclesie, Stephano, abbati Cluniacensi, suisque successoribus in perpetuum. Rebus gestis auctoritatis titulus et quies inconcussa tunc demum comparantur, cum, non pretermissis quibus geste sunt sine fine et modo, solemni scripto commendantur. His enim ordine consequenti sic procuratis, et autenticum est quod geritur, et, omni controversia de medio sublata, scrupulus contentionis sopitur. Eapropter tam presentibus quam successure posteritati significare curamus querelam super ecclesia Sancti Theodori de Rocha Bovis Curti, que inter nos et fratres vestros Cluniacenses monachos diutius agitata est et in Romana curia sepius ventilata, et inde judicibus delegatis frequenter comissa et appellationibus ac aliis per longum tempus suspensa, amicali interveniente compositione, hoc scilicet transactionis modo, in perpetuum sopitam esse. Sane nos cathedrales canonici, huic liti renuntiantes, quicquid juris in querela ista nos habere dicebamus, totum Cluniacensi ecclesie donavimus, et predictam ecclesiam Sancti Theodori benefitio nostro et donatione jure perpetuo quiete et inconcusse possidendam sibi concessimus, hoc pacti et transactionis tenore, ut monachi ibidem residentes singulis annis in Inventione beati Stephani XX solidos Engolismensis monete capitulo nostro sub annua pensione persolvant, et canonicis nostris cathedralibus, si forte ad eos diverterint, ospitalitatis obsequium liberaliter exhibeant. Hec autem facta sunt Petragoris in capitulo nostro, consilio et assensu priorum vestrorum, videlicet Gardrade, prioris Sancti Eutropii; Helie, prioris de Didonia; Helie, prioris de Monte Berulfo; Helie, prioris de Rocenac, et Willelmi, prioris d'Anessa, anno M.C.LX.III, epacta XIIIIma, concurrente VIImo[1], indictione [XI][2]. Porro ut hec transactio auctoritatem et perpetuam quietem in posterum sortiatur, eam solemni scripto comendavimus et sigillo nostro roboravimus[3].

 

(Au dos :) Compositio facta inter Cluniacenses monachos et canonicos Petragoricenses super ecclesia Sancti Theodori.

 

[1] En 1163, le chiffre du concurrent était I.

[2] L’acte n’est point scellé, n’étant qu’une copie du temps.

[3] Pièce ajoutée à la fin du XIVe siècle, et fort difficile à lire. On a répandu sur l’acte de la noix de galle pour faire revivre l’écriture.

 

 

Charte 4598 - 1230 environ

LITTERAE G., PRIORIS SANCTI EUTROPII XANCTONENSIS ET CAMERARII IN PICTAVIA, AD ABBATEM CLUNIACENSEM, PRO CORRECTIONE WILLELMI, SACRISTAE DE RONCENAC.

D. 433.

 

Reverendo ac venerabili patri suo domino Stephano, Dei gratia Cluniacensi electo, frater G., humilis et indignus prior Sancti Eutropii Xanctonensis et camerarius in Pictavia, salutem et tam debitam quam devotam in omnibus obedientiam. Paternitati vestrae significare decrevimus, quod cum ad partes de Roncenac accedissemus, et statum et conversationem monachorum ibidem residentium inquisisemus, quaedam vilis muliercula veniens in nostra praesentia, quendam filiolum suum secum adducens, dicens et asserens quod filium suum, quem secum adduxerat, Willermus, sacrista de Roncenac, genuerat, et de alio de quo ipsa erat praecincta ipsam impraegnaverat, et in praesentia ipsius prioris de Roncenac, et prioris de Monte Berulphi, et de Bercego, et aliorum plurium hoc juravit. Tandem a proborum virorum consulti consilio, videlicet a praedictorum priorum de Roncenac et de Monte Berulphi, dictum mulieris describi fecimus, et ipsi sigillum suum apposuerunt. Quapropter illorum consilio ad paternitatem vestram dictum Willermum transmittimus corrigendum, ut vos secundum vestrum placitum emendetis prout videritis expedire. Declaramus ad haec vobis, quod cum prior de Cartalegua ab isto migrasset seculo, nos de domo consulti ac proborum virorum consilio, domum praecepimus Willermo, sacristae de Roncenac, ex parte vestra, sperantes quod illam de qua Cluniacensis ecclesia [per] quatuor annos suum censum perdiderat emendaret et in bono statu rediret. Ipse vero illuc ire non voluit, et sic se taliter excusavit, quod vos ipsum praebueratis priori de Roncenac coadjutorem, et ab illo loco illum mutare nullatenus poteramus.

 

 

Charte 4763 - 1240, 18 juillet

BULLA GREGORII PAPAE IX, QUA CONFIRMAT POSSESSIONES MONASTERII MOISSIACENSIS.

 

Bibl. Nat. or. 323[1]

Cette charte nous apprend que le monastère de Moissac avait des possessions en Périgord : les prieurés de Sadillac et de Cénac et et l’église de Done? (Donia), sans doute dans le canton de Sigoulès.

 

Gregorius, episcopus, servus servorum Dei, dilectis finis abbali monasterii sanctorum apostolorum Petri et Pauli de Moysiaco, Cluniacensis ordinis, ejusque fratribus tam presentibus quam futuris regularem vitam professis, in perpetuum. Quotiens a nobis petitur quod religioni et honestati convenire dinoscitur, animo nos decet libenti concedere ac petentium desideriis congruum suffragium impertiri. Eapropter, dilecti in Domino filii, vestris justis postulationibus clementer annuimus et monasterium sanctorum apostolorum Petri et Pauli de Moysiaco, Catturcensis diocesis, in quo divino mancipati estis obsequio, sub beati Petri et nostra protectione suscipimus, et presentis scripti privilegio communimus. In primis siquidem statuentes, ut ordo rnonasticus, qui secundum Deum et beati Benedicti regulam atque institutionem Cluniacensium fratrum in eodem monasterio institutus esse dinoscitur, perpetuis ibidem temporibus inviolabiliter observetur. Preterea quascumque possessiones, quecumque bona idem monasterium impresentiarum juste ac canonice possidet, aut in futurum concessione pontificum, largitione regum vel principum, oblacione fidelium, seu aliis justis modis, prestante Domino, poterit adipisci, firma vobis vestrisque successoribus et illibata permaneant. In quibus hec propriis duximus vocabulis exprimenda : locum ipsum in quo prefatum monasterium situm est, cum omnibus pertinentes suis; villam Moysiacam cum omnibus pertinentiis suis; Sancti Michaelis, Sancti Jacobi et Sancte Ma­rie de Portu capellas, et de Guilaran; Sancti Ansberti et de Puncta hospitalia, cum ecclesia Sancti Ansberti[2], decimis et aliis pertinentes suis; Sancti Laurentii, Sancti Christofori de Biarose, Sancti Petri de Bodor, Sancti Martialis, Sancti Stephani de Licac, de Guarda, et Sancti Petri de Biule ecclesias,. cum villis in quibus ecclesie ipse consistunt, decimis et aliis pertinentiis eorumdem; Durivelleris, de Piscatoriis et de Mavise villarum prioratus, cum eisdem villis, decimis et aliis perti­nentiis eorumdem; ecclesiarn ville de Boixha, cum eadem villa, decimis et aliis pertinentiis suis; de Calciata, de Bruniguel, de Lapeirosa et de Cos prioratus[3], cum decimis et aliis pertinentiis eorumdem; Sancti Martini, Sancti Vincentii de Auteiaco, Sancte Liberate, Sancti Amancii, Sancti Martini, Sancte Marie, Sancti Petri de Casex, Sancti Saturnini de Bos, Sancti Johannis de Pertica, Sancti Saturnini, que conjuncta est ecclesie Sancti Petri de Ciriaco, Sancti Petri de Brugariis, Sancte Marie de Troilo, de Gogornaco, de Gratacunba, Sancti Lupi de Malausa, de Salx, Sancti Sulpicii et Sancti Mauricii ecclesias, curn decimis et aliis pertinences suis; [dominium] castrorum[4]………….              

In civitate Tolosana, monasterium Sancte Marie Deaurate, prioratum Sancti Petri de Quoquinis, hospitale quod dicitur Bernardi Mainaderii; in diocesi Tolosanensi, abbatiam Sancti Petri Lesatensis, monasterium et villam de Conquitis, cum de Vereriis, de Buceto et de Rupecerasea ecclesiis, decimis et aliis pertinentiis suis, castrum de Rupecerasea, prioratum, et villam de Scatalingiis, cum Sancti Saturnini de Begoneg, Sancti Juliani et Sancti Jacobi de Fromishard ecclesiis, decimis et aliis pertinentiis suis; de Gardella, Salvetatis, de Monterebello et Sancti Martini de Maucaco prioratus et villas, cum decimis et aliis pertinentiis suis; Sancti Gervasii de Seirinhaco, Sancti Laufarii et Castri Sarraceni prioratus, cum Sancti Salvatoris et Sancti Germani ecclesiis, decimis et aliis pertinentiis suis; Sancte Marie de Lobaresciis, de Villamaterio, Sancti Rustici, de Assiniano, de Corduba, de Bisingis, de Monteberterio et de Castronieirano ecclesias, cum decimis et aliis pertinentiis suis; in diocesi Lactorensi, monasterium Sancti Genii, curn prioratu de Guacalpuig, prioratum et villam Sancti Nicolai, cum decimis et aliis pertinentiis suis; de Lasancta, de Blanqueto, Sancti Clari de Varenis, de Sarraciaco, de Flamalingo, de Alciano, de Onols, Sancti Martini, Sancti Quiraci, Sancti Hilarii et Sancti Saturnini de Mansionisvilla ecclesias, cum decimis et aliis pertinentiis suis; in diocesi Agenriensi abbatiam Sancti Gervasii de Exis, de Masqueriis et de Pomeriovico prioratus et villas; cum decimis et aliis pertinentiis suis; de Guidorvilla, Sancti Amancii de Tarrago, de Verbegaria, de Angartiaco, de Castello[5] Sancti Lupi et de Christiniaco ecclesias, cum decimis et aliis pertinentiis suis; in diocesi Ruthenensi, monasterium Sancti Johannis de Frigore, de Villanova et de Salmutio prioratus et villas, cum decimis et aliis pertinentiis suis; in diocesi Albiensi, ecclesiam Sancte Marie dels Essornac, prioratum Sancte Marie de Rabastenes, cum Sancte Marie de Castro de Laperussella, Sancti Amancii, Sancti Johannis de Bobole, de Blaunaco et de Puguiallo ecclesiis, decimis et aliis pertinentiis suis; de Securio et de la Pereira prioratus et villas, cum Sancti Petri et Sancti Andreae ecclesiis, decimis et aliis pertinentiis suis; in diocesi Petragoricensi, de Sedilhaco et de Senaco prioratus, cum ecclesia de Donia, decimis et aliis pertinentiis suis; in diocesi Claromontensi, prioratum et villam de B[r]edom, cum decimis et aliis pertinen­tiis suis; in diocesi Narbonensi, Sancte Marie de Cuberiis, Sancti Pauli in Valleolei, de Fenolhades, Sancte Marie de Salella prioratus, cum ecclesia Sancti Martini, decimis et aliis pertinentiis suis; in diocesi Elnensi, abbatiam Sancte Marie Arulensis, cum decimis et aliis pertinentiis suis; in diocesi Gerundensi, monasterium et villam Sancti Petri de Campo Rotundo, cum decimis et aliis pertinentiis suis; necnon et alias possessiones cum pratis, vineis, nemoribus, usuagiis et pascuis, in bosco et plano, in aquis et molendinis, in viis et semitis, et omnibus aliis libertatibus et immunitatibus suis. Sane novalium vestrorum, que propriis manibus vel sumptibus colitis, de quibus aliquis hactenus non percepit, sive de vestrorum animalium nutrimentis, nullus a vobis de­cimas exigere vel extorquere presumat. Liceat quoque vobis clericos vel laicos liberos et absolutos e seculo fugientes ad conversionem recipere [et eos absque] contradictione aliqua retinere. Prohibemus insuper, ut nulli fratrum vestrorum, post factam in monasterio vestro professionem, fas sit sine abbatis sui licentia, nisi artioris religionis obtentu, de eodem loco discedere; [discedentem vero] absque communium litterarum vestrarum cautione nullus audeat retinere. Cum autem gene­rale interdictum terre fuerit, liceat vobis, clausis januis, exclusis excommunicatis et interdictis, non pulsatis campanis, [suppressa voce, divina] officia celebrare, dummodo causam non dederitis interdicto. Crisma vero, oleum sanctum, consecrationes altarium seu basilicarum, ordinationes clericorum qui ad ordines fuerint promovendi, a diocesano susc[ipiatis episcopo, siquidem catholicus fuerit] et gratiam et communionem sacrosancte Romane, sedis habuerit, et ea vobis voluerit sine pravitate aliqua exhibere. Prohibemus insuper, ut infra fines parrochie vestre nullus sine assensu [diocesani episcopi et vestro] capellam seu oratorium de novo construere audeat, salvis privilegiis pontificum Romanorum. Ad hec novas et indebitas exactiones ab archiepiscopis, episcopis, archidiaconis, seu decanis alusque omnibus ecclesiasticis [secularibusve personis] a vobis omnino fieri prohibemus. Sepulturam quoque ipsius loci liberam esse decernimus, ut eorum devotioni et extreme voluntati, qui se illic sepeliri deliberaverint, nisi forte excommunicati vel interd[icti sint aut] publice usurarii, nullus obsistat, salva tamen justitia illarum ecclesiarum a quibus mortuorum corpora assumuntur. Decimas preterea et possessiones ad jus ecclesiarum vestrarum spectantes, que a laicis [detinentur] redimendi et legitime liberandi de manibus eorumdem, et ad ecclesias ad quas pertinent revocandi, libera sit vobis de nostra auctoritate facultas. Obeunte vero te, nunc ejusdem loci abbate, vel tuorum quolibet successorum, nullus ibi qualibet surreptionis astucia seu violencia preponatur, nisi quem fratres communi consensu vel fratrum major pars consilii sanioris secundum Deum et beati Benedicti regulam providerint eligendum; paci quoque et tranquillitati vestre paterna in posterum sollicitudine providere volentes, auctoritate apostolica prohibemus, ut infra clausuras locorum seu grangiarum vestrarum nullus rapinam seu furtum facere, ignem, [impo]nere, sanguinem fundere, hominem temere capere seu interficere, seu violentiam audeat exercere. Preterea omnes libertates et immunitates a predecessoribus nostris Romanis pontificibus monasterio vestro concessas, vel[6] [liber]tates et exemptiones secularium exactionum a regibus et principibus vel aliis fidelibus rationabiliter vobis indultas, auctoritate apostolica confirmamus et presentis scripti privilegio communimus. Decernimus [ergo, ut] nulli omnino hominum liceat prefatum monasterium temere perturbare; aut ejus possessiones auferre, vel ablatas retinere, minuere seu quibuslibet vexationibus fatigare; sed omnia integra conserventur, eorum pro quo­rum [gubernatione] ac sustentatione concessa sunt usibus omnimodis profutura, salva sedis apostolice auctoritate et diocesanorum episcoporum canonica justicia, ac in predictis decimis moderatione concilii generalis. Si qua [igitur in futurum] ecclesiastica secularisve persona hanc nostre constitutionis paginam sciens contra eam temere venire temptaverit, secundo, tertiove commonita, nisi reatum suum congrua satisfactione correxerit, potestati[s honorisque sui careat] dignitate reamque se divino judicio existere, de perpetrata iniquitate cognoscat, et a sacratissimo corpore ac sanguine Dei et Domini redemptoris nostri Jhesu Christi aliena fiat, atque in extremo examine [districte subjaceat ultioni]. Cunctis autem eidem loco sua jura servantibus sit pax Domini nostri Jhesu Christi, quatinus et hic fructum bone actionis percipiant et apud districtum judicem premia eterne pacis [inveniant.] Amen. (Cercles et Bene valete.)

 

[7]Ego Gregorius, catholice ecclesie episcopus, subscripsi.

Ego Johannes, tituli Sancte Praxedis presbiter cardinalis, subscripsi.

Ego Stephanus, Sancte Marie trans Tiberim tituli Calixti presbiter cardinalis, subscripsi.

Ego Romanus, Portuensis et Sancte Rufine episcopus, subscripsi.

Ego Rainaldus, Ostiensis et Velletrensis episcopus, subscripsi.

Ego Guifredus, Sabinensis episcopus, subscripsi.

Ego Rainerius, Sancte Marie in Cosmidin diaconus cardinalis, sub­scripsi.

Ego Robertus, Sancti Eustachii diaconus cardinalis, subscripsi.

Ego Riccardus, Sancti Angeli diaconus cardinalis, subscripsi.

Datum Laterani, per manum fratris Jacobi, de ordine fratrum predicatorum, Sancte Romane ecclesie vicecancellarii, XV kalendas augusti, indictione [XIII], incarnationis dominice anno M°CC°XL, pontifi-catus vero domini Gregorii pape noni anno quarto decimo.

 

[1] Le texte est très effacé en quelques endroits et le parchemin lacéré en quelques autres. On trouve dans le fonds Doat, t. 129, fol. 252 et suiv., une copie de cette bulle d'après une transcription en parchemin qui était conservée aux archives du prieuré de la Daurade, à Toulouse. Nous lui avons emprunté quelques variantes.

[2] Saint Ansbert, 2e abbé de Moissac.

[3] La Gallia christiana (t. 1, pr. p. 42) renferme une très courte analyse de cet acte, dans laquelle on lit quelques noms qui se retrouvent plus loin dans notre texte.

[4] De Duroforti, de Monteesquivo, de Malausa, de Bruneqnel, Podio Cornet. Doat, fol. 252 v°.

[5] Doat. Castellas.

[6] Doat,  necnon.

[7] Première colonne.

 

 

Charte 5446 - 1296, 2 juin.

CHARTA QUA GALTERUS DE RANS ET ARNALDUS DE CANTALUPO, ALBANENSIS ET PENESTRINI EPISCOPORUM CAPELLANI, EXEMPTIONEM DECIMARUM ET PROCURATIONUM TREDECIM DECANATIBUS CLUNIACENSIBUS A BONIFACIO PAPA CONCESSAM RECOGNOSCUNT.

 

Bibl. nat. lat. nouv. acq. , 2265, n°44.

 

Galterus de Rans Remensis, et Arnaldus de Cantalupo, Agenensis canonici, reverendorum patrum dominorum B. Albanensis et S. Penestrini episcoporum, sacrosancte Romane ecclesie cardinalium, capellani et nuncii, universis ad quos presentes littere pervenerint, salutem in Domino. Cum prefati domini nostri pro quibusdam arduis negociis sibi ab apostolica Sede commissis, nos ad Romanam curiam duxissent destinandos, nobisque auctoritate apostolica sibi in hac parte commissa mandassent a prelatis et aliis personis ecclesiasticis, exemptis et non exemptis, que a nobis seu ex parte nostra requisite essent de oportunis evectionibus et expensis congruis in eundo, morando, redeundo provideri, super quibus nobis et nostrum cuilibet fidem mandaverint plenariam adhiberi, lata per ipsos dominos nostros excommunicationis sententia in rebelles, prout hec omnia in litteris ipsorum dominorum cardinalium et domini Summi Pontificis plenius intuentur, et nos existentes apud Trenorchium, de curia Romana pro predictis negotiis redeuntes, quoddam privilegium super gratia facta abbatibus et conventui Cluniacensis monasterii per sanctissimum patrem dominum Bonifacium, divina providencia summum pontificem ipsis concessum[1], quod pro exhoneratione dictorum abbatum et indigentie ipsius conventus relevatione, de Leuno in Sanguine Terso Ambianensis, de Nongento Rotrodi et de Gacicuria Carnotensis, de Gaya Trecensis; de Vergeyo Eduensis, de Vendopera, de Mostreto et de Marmissa Lingonensis, de Turribus super Maternam Remensis, de Carennaco Caturcensis, de Moyraco Agenensis, de Rocennaco Petragoricensis, et de Sancto Cosma Constanciensis diocesum quondam prioratus, nunc autem decanatus eidem monasterio Cluniacensi subjecti, cum omnibus prioratibus, domibus, grangiis, membris, grangiis(sic), bonis, juribus et pertinenciis eorumdem in quibuscumque diocesibus constitutis, sub certa forma, mense abbatis et conventus Cluniacensis predictorum ob causas predictas per eumdem Summum Pontificem aplicati ratione fructuum, proventuum et reddituum eorumdem[2], «ab omni decime ac cujuslibet procurationis, impositionis et subventionis prestacione sint exempti perpetuo et penitus habeantur inmunes, salvis duntaxat censibus et aliis juribus dicto Cluniacensi monasterio debitis», et quod ut hujus gratia et «disposicio seu ordinacio inviolabiliter futuris temporibus servaretur, auctoritate apostolica, sub pena excommunicationis quam in eos qui scienter contra ipsam venire aut eam quomodolibet perturbare presumpserint, cujuscumque dignitatis, condicionis aut status existant», idem dominus Papa protul[er]it et districtius inhibuerit, «ne quid adversus illam, quovis quesito colore, occasione vel causa quomodolibet attemptetur, quibuslibet non obstantibus» viderimus et diligenter inspexerimus, viro religioso decano de Paredo procuratore dicti monasterii, nobis dictum privilegium exhibente; volumus et inhibemus quod si nos, ut premittitur, de curia Romana redeuntes, per aliquem ipsorum locorum facere transitum contigerit, aut morari, nulla imposicio vel exactio pro nobis ratione expensarum nobis faciendarum aut evectionum nobis providendarum fiat aut etiam requiratur. In quorum rei (sic) testimonium sigilla nostra presentibus litteris duximus apponenda. Datum anno Domini M° CC° nonagesimo sexto, secunda die mensis junii.

(Au dos :) Ista littera bona erat ad ostendendum legatis et nunciis Sedis apostolice, si aliqua exigant pro procurationibus, evectionibus vel expensis pro prioratibus unitis abbati et conventui Cluniacensi.

 

[1] C'est la bulle du 11 juillet 1295, mentionnée ci-dessus. sous le n° 5418. Elle transforma en doyennés les treize prieurés énumérés dans l'acte et les joignit à là mense de l'abbé et du couvent de Cluny.

[2] Les passages entre guillemets sont tirés de la bulle du 11 juillet 1295.

<< Retour