<< Retour
E 616 Texte sur la monnaie et la venue de marchands italiens à Périgueux (1304)

Note préliminaire :

Copie du manuscrit (Clichés de G. F. / M. P. / Ph. R.):

cliché n° 1 (partie supérieure) :

 

 

cliché n° 2 (partie inférieure) :

 

 

Billet manuscrit joint au document :

 

cliché n° 4 (verso) :

Transcription (G. Foglia et C. Ribeyrol). Les passages ci-dessous en rouge ont été copiés dans Leydet :

« Conditions ausquelles trois monnoyeurs de Paris et leurs compaignons s'obligerent a Helie Taleyrand comte de Perigort

d'aller battre et fabriquer la monnoye en la comté de Perigort.

Du samedi apres les octaves de La Chandeleur 1304. »

 

En rouge, complément de transcription tirée du tome 9 du fonds Périgord de la BnF (Prunis & Leydet), f°s 15-17.

 

1 – A tous ceux qui ces lettres verront, Pierre de Dicy, garde de la prevoste de Paris, salut: Sachent tout que par devant nous establis en leur

2 presentes persones messires Banquolo, Hugolini et Lape Arniguo citoyens de Florence [---] recognurent en droit par devant nous que il avoient

3 pris et receu de haut homme et noble monseigneur Helye Taleyrand conte de Pierregort sa monnoie de Pierregort a faire en maniere deue de Pas-

4 ques prochaines à venir en deus ans continuelment a conter pour euls et pour leurs compagnons en la fourme en la maniere et par les condicions

5. qui s'ensuivent cest a savoir que les diz Banquolin, Hugolini et Lape pour euls et pour touz leurs compaignons de leur compaignie sint tenuz et on en

6 convenant de faire ladite monnoie blanche aus poys ou a la loy de trois deniers et une maille [1] de argent et esterlins leaus et a vint

7 sols et sis deniers pour march de Troyes. Derechief, que euls pour euls et pour leur compaignons de toutes choses que il ouverront en la

8 dite monnoie doivent et sont tenuz par convent fait, donner, rendre et paier au devandit Conte cest a savoir pour chacune livre de la dite monnoie

9 nuef deniers d'ycelle monnoie. Derechief, de ycelle livre il doivent et sont tenuz par convent fait entre euls oultre les nuef deniers de rendre à ceuls

10 de Angolesmes deus deniers et autre Ityer Boduni un denier. Derechief, aus peronnoixs les trois parz d'un denier. Derechief, a levesque de Pierregort

11 les trois partz de un denier de ladite monnoie. Derechief au gardes de ladite monnoie trois pomoises lesquels gardes ledit Conte mettra en la

12 monnoie se come il verra que il fera a faire et cinsint toutes choses contees audit Conte et aus autres desusdit, ils seront tenus et doivent

13 par convent fait paier et rendre quatorze deniers et poitevine de ladite monnoie pour chacune livre de la dite monnoie laquelle il ouverront et

14 feront d'ycelle monnoie. Derechief, il est ordone, fait et et convent entre euls au bail de la dite monnoie et de la recepte de ycelle que se le dit march

15 de la dite monnoie estoit fait ou ouvrez oultre les diz vint sols et sis deniers de ladite monnoie que ce qui feroit oultre les diz vint sols et

16 sis deniers dela dite monnoie egaus parties entre euls pour moitie egaument sera de partie et devisee entreus. Derechief il est plus fait et

17 convenant entre euls que se la dite monnoie estoit ouvre ou fust faite de maneur loy que de trois deniers et une maille de argent de

18 esterlins le march. Si come il est dit le [m---s] pour la moitie entre le dit Conte et les receteurs sera devisié. Derechief se il avenoit

19 que la ditte monnoie courust aveques les tournoys de Paris bons selont la loy en quoy il estoient au temps Saint Loys jadis Roys de

20 France [---] seront pris que pour quinze deniers de la dite monnoie de Pierregort que ce malus entre ledit Conte et les diz preneurs soit

21 [un mot effacé]. Derechief seront et sunt tenuz les diz marcheanz au nom que par desus est dit de delivrer hastivement touz homes et marcheanz

22 qui aperceront billon argent ou change a la dite monnoie de denz huit jours apres ce que il auront livre et de ce faire seront tenuz

23 les gardes de la monnoie a leur requestes et se les dites gardes trouvoient a la delivrance de la dite monnoie ycelle monnoie estre menant

24 de un grain et demi que pour ce la delivrance et le fait de la dite monnoie soit alongie et est assavoir que les diz Banquolo, Hugolin et Lape seront

25 et sunt tenuz par convent fait entre euls de restituer le grain et demi se mestiers est et se moins y avoit et se plus y avoit ausint par con-

26 –traire en la delivrance d'ycelle monnoie que le plus ypuissent recouvrer apres en la delivrance de la dite monnoie ensuivant . Derechief, il est

27 acorde et ordone entre eulz que le fort et le feble de ladite monnoie soient ensemble a vint solz et sis deniers si comme dit est. Derechief,

28 il est acorde et convent que les diz marcheanz de quinze jours en quinze jours par convenant fait doivent paier et rendre au diz Conte

29 et aus autres persones desus dites les redevances desus dites a leur propres, despens et missions. Derechief, convenant est que il sunt tenuz de ou-

30 -vrer ou faire ouvrer jusques a la feste de la Magdelaine prochaine a venir jusques a la somme de vint mile marz de ladite monnoie blanche de Pierre-

31 -gordins et promistion les diz mercheanz tretoient pour euls et pour touz leurs compaignons que la dite monnoie au poys et a la loy desus dite

32 bien et loialement et en bonne foy et touz les marchies et les convenantes et toutes les autres choses dites feront et acompliront et garderont

33 fermement toutes exceptions de mal de fraude ostees et arrieres mises et est a savoir que se il avenoit que la façon de la monnoie le Roy fust prolongie

34 laquelle doit de deuz briez temps estre ouvree si comme l'on dit selont la loy en quoy elle estoit faite en temps Sanct Loys, les diz marcheanz et

35 preneur ou receveur 'ne' si seront tenus de garder les choses desus dites jusques a tant que li Roys notre Sires aura la dite monnoie faire ouvrer a l'et-

36 –at ancien et apres ce vindrent en jugement monseigneur Renier des Grimaus, chevalier du Roy et amiraus de la mer, Nofle Deo et Arbictha

37 Baldoni, marcheanz de Florence qui se firent pleges et principals rendeurs et acomplisseurs et chacun pour le tout envers ledit Conte

38 de tenir et enteriner toutes les convenances desus dites et chacune d'ycelle comme leur propre fait et pour toutes les choses desus

39 dites et chacune d'ycelles tenir fermement les marcheanz et les receveurs [d---------es] leurs diz pleges ont obligie et transmis au dit

40 Conte euls leur heirs et chacun pour le tout leurs biens et les biens de leurs héritiers, meubles et non meubles, presenz et a venir ou que ils soient et

41 [----------------] a justice par le prevost de Paris et par toutes autres justices et jurisdiction il porront estre trenez a justice et si ont

42 renoncie en cest fait a toutes excepcions de mal de fraude, a action [---------------] de division de nouvele constitucion, a [cont-----] et

43 coustume de pays, a touz privilege, graces octroies et a octroier a l'estitucion [------------] que il puissent dire euls estre deceu de la moitie oultre

44 juste pris et a toutes autres exceptions et deffensses de fait et de droit par [---------] porroient venir contre ceste lettre et jurerent sus (les)

45 Saintes Evvangiles par devant nous que contre les choses desus dites ne vendront par euls ne par autres au temps a venir en tes-

46 moing de ce nous a la requeste de toutes les persones desus dites qui par devant nous se sunt obliges avons mis en ces lettres

47 le scel de la prevoste de Paris l'an de grace mil trois cent et quatre le samedi apres les octaves des Brandons.


[1]   même chose qu'une obole, et vaut la moitié d'un denier.

<< Retour