Pau / E751
Transcription Cl. R. / juin 2009.
Note préliminaire (Cl. R.) : Nous ne disposons pas des autres manuscrits listés sous cette cote par R. Villepelet.
Photo : G. F., M. P., Ph. R.
Transcription (C.R.):
Universi has litteras inspecturis, frater Aymericus abbas de Bosco Cavo (1) Cisterciensis ordinis salutem / et pacem. Noverint universi quod Stephanus Bossarts de parrochia de Vilars & Helias Bossarts clericus et P. fratres / filii dicti Stephani & Hel. de Chabans, clericus, avunculus eorumdem in nostra presentia constituti non decepti non coacti nec ab aliquo circumventi / set spontanea voluntate ducti vendiderunt, dederunt et resignaverunt domino G. de Manhac militi de Nontronio & / heredibus sive successoribus suis totum ius quod habebant vel habere poterant pro se et suis in quodam petia terre sita in parrochia / de Milhac super maynamentum de La Iaufrenia : pro XII sol. Lemovicens. monete quos supradicti Staphanus & Hel. & P. & / Hel. recognoverunt se habuisse et recepisse integre ab eodem milite in pecunia numerata pro venditione & donatione & re/signatione superius nominata. Promittentes juramento super Sancta Dei Evvangelia prestito corporali se contra dictam venditionem / & resignationem & donationem per se vel per alios aliquo tempore non venturos tacite vel expresse, et se non scituros aliqu. per qu. / supradicta valeant inposterum revocari ; renunciantes exceptioni non numerate pecunie, & omni consuetudine, usagio, juri / canonico et civili. Per quod possent in posterum contra premissa venire, vel contra aliqua premissorum. Promittentes siquidem pro se et suis / antedicto militi & suis successoribus plenam inposterum facere garentiam. Ad quem faciendam obligaverunt penitus se et suas. / In cuius rei testimonium ad instantiam predictorum St. & Hel. & P. & Hel. Memorato militi nostras dedimus patentes litteras / sigilli nostri munimine roboratas. Datum die dominica post festum Beati Luce, anno Domini M° CC° LX° II°.