Testament de Géraud de Malayoles (1272)
Manuscrit / Transcription /
(1) Manuscrit (Photographe maladroit : Claude Ribeyrol qui a coupé la 1ère ligne !!! )
(2) Transcription : Ferd. Villepelet in Bulletin SHAP n° XXXIII (1906)
In nomine Patris et Filii et Spiritu
sancti. Amen. Noveritis universi et singuli
quod ego G. de Malayolas, miles, sane consciencie, ductus spontanea animi voluntate, salutis anime mee non
immemor, in hunc modum meam facio
testamentum. Relinquo in primis ecclesie de Vernodio II solidos renduales et quatuor solidos et unum denarium pro septimo vigilia et tercennario. Relinquo
cuilibet sacerdotum ibidem commorancium
XII denarios. Relinquo, do et lego ad ornamenta ipsius ecclesie XX solidos. Ecclesie de Parducio relinquo Il solidos censuales, XL solidos ad ornamenta ejusdem
ecclesie, et quatuor solidos pro septimo vigilia et tercennario. Cuilibet
sacerdotum ibidem commorancium relinquo XII denarios. Milicie Templi relinquo XII denarios censuales, hospitali XII denarios
renduales. Abbati et conventui de
Petrosa relinquo XX solidos pro pitancia. Abbati et conventui de Cancellata XX solidos pro pitancia. Abbatisse et conventui de Ligurio relinquo solam
procuracionem. Priorisse et conventui
de Ponte Eyraudi relinquo unam procuracionem.
Priorisse et conventui de Fontanis XX solidos pro pitancia. Universis ecclesiis conventualibus Petragorensis
diocesis cuilibet XII denarios.
Ecclesie de Dopchac X solidos. Ecclesie de Bruc X solidos. Ecclesie de Camposecreti X solidos. Fratribus Minorum relinquo et lego V solidos censuales
vel C solidos de quibus adquirant eos,
Fratribus Predicatorum relinquo et lego V solidos renduales vel C solidos de quibus adquirant eos. Fratribus de Boysseto unam procuracionem. Priorisse de
Veyrinis V solidos. Priorisse de
Bruneyssart V solidos. Priorisse Trium-Sororum
X solidos ; cuilibet ecclesiarum que sunt in castellaniis de Petragoris, de Seneliaco, de Vernio, de Reliaco, de Granolio sancti Asterii, de
Moyssidano, de Montepavonis, de Ribayriaco et de Montagrier, constitute relinquo unum lumen sex denariorum ; ecclesie
de Solac I lumen VI denariorum ;
ecclesie de Podio Sancte Marie unum lumen sex denariorum ; domino episcopo VII solidos ; ecclesie Sancti Stephani Petragorensis XII denarios ; ecclesie
Santi Frontonis Petragorensis XII denarios.
Bertrande uxori mee do et relinquo C
solidos renduales vel quinquaginta libros monete currentis. Ecclesie de Monesteriolo do et lego XII denarios
censuales. Ecclesie Sancti Micahelis
de Duppla XII denarios renduales. Do etiam et lego prioratui de Valas et domui
de Gallorostit cuilibet XII denarios
renduales. Item Petro de Malayolas, filio meo, do, relinquo etiam et concedo C solidos renduales de
terris et redditibus meis propriis,
ad me jure hereditario pertinentibus, et do conquestis meis eidem medietatem dono per integrum et concedo.
Volo etiam et concedo quod dictus
Petrus de terris, redditibus, juribus et proventibus Bertrande, matris sue, uxoris mee, integre medietatem habeat et percipiat, contradiccione aliqua non obstante.
Residuum vero dono, relinquo etiam et
dimitto Stephano de Malayolas, fîlio meo primogenito et ejus heredibus. Exequtores
etiam dicti testamenti mei facio et
constituo dominum Guillelmum do Boycheto, militem, et dominum G. de
Chasanhol, rectorem ecclesie de Dopchac, et G. de Chasanhol, donzellum, nepotem meum, et rectorem ecclesie de Monesteriolo
; conservatores, coadjutores et defensores
hujus testamenti mey facio et constituo
venerabilem officialem Petragorensem et nobilem virum comitem Petragorensem, dominum meum. Discretiones
eorum deprecans precibus quantis
possum quantinus eis placeat quod amore Dei dictum testamentum meum teneri et
custodiri faciant bona fide. In cujus
rey noticiam et munimen presenti scripto apponi rogavi sigilla venerabilis officialis Petragorensis et
domini comitis Petragorensis et gardiani
Fratrum Minorum Petragorensium et prioris Predicatorum, prioris etiam de Gallorostit et cappellani de Dopchac, et meum etiam apposui sigillum ad majoris roboris firmitatem.
Nos vero officialis Petragorensis et
Arcambaudus, comes Petragorensis, et
nos omnes alii in presenti scripto seu presentibus litteris nominati ad preces et instanciam dicti domini G. de
Malayolas, militis, sigilla nostra presentibus litteris apposuimus in
testimonium, premissorum, Actum et datum mense junii, anno Domini M° CC°
septuagesimo secundo. Item cum predictis
aliis exequtoribus hujus testamenti Heliam
de Malayolas, dilectissimum fratrem meum, ego predictus G. de
.Malayolas, miles, exequtorem sepedicti testamenti mey facio et constituo. Datum item ut supra. Ego vero
supradicta Bertranda, uxor domini G. de Malayolas antedicti, premissa omnia
et singula concedo, volo et consentio, et
datum ut supra.