<<Retour

Source : Bulletin SHAP, tome XXIII (1896).

VARIA

pp. 106-108.

VENTE

par Pierre Begnaud à Hélie, son frère aîné, d'une borderie appelée Larnaudie, située dans la paroisse de Sénilhac et mouvante de la fondalité de Guillaume de Barrière, chevalier.

 

Du vendredi après la fête de Saint Martin d'hiver, 1319.

Universis presentes litteras inspecturis Petrus Regnaldi, filius quondam Bernardi Regnaldi, parochianus ecclesie de Senelhaco, salutem et fidem presentibus adhibere.

Noveritis quod ego dictus Petrus non coactus, non deceptus, non vi, metu vel dolo inductus vel machinacione aliqua circumventus, sed certus de jure et facto meis cercioratus plenius et instructus pro me et meis heredibus et successoribus universis vendo, concedo, perpetuo penitus atque quitto Helie Regnaldi seniori, fratri meo, presenti ementi et recipienti pro se suisque heredibus et successoribus quibuscumque quidquid juris, accionis, peticionis, proprietatis, possessionis, successionis, racionis vel alterius deverii habeo et habere possum et debeo, quomodolibet de jure et de facto, usu, consuetudine seu qualibet alia racione in borderia seu tenencia vocata de Larnaudia, sita in parochia de Senelhaco supra dicta, inter tenenciam vocatam la Sansonia ex una parte et tenenciam de la Perada ex alia, et borderiam de la Chapbaudia ex reliqua. Et premissa omnia et singula vendita, concessa et quittata vere cedo ego dictus venditor pro me et meis eidem emptori et suis et tilulo perfecte ac legitime vendicionis, cessionis et quittacionis huiusmodi transfero totaliter in eundem emptorem et suos perpetuo pleno jure ad habendum, tenendum, utendum, retinendum, excolendum, explectandum et perpetuo ac pacifice possidendum et quasi possidendum et faciendum exinde deinceps tanquam de re sua propria suam et suorum omnimodum in perpetuum voluntatem et ipsum emptorem in premissis venditis, concessis et quittatis, tanquam in rem suam, facio et constituo verum dominum, proprietarium, procuratorem, actorem ac eciam possessorem precio sexaginta et quinque solidorum currentis monete quod precium ego dictus venditor recognosco me habuisse et integre recepisse ab eodem emptore, racione venditionis huiusmodi in bona pecunia numerata. Et devestiens me ego dictus venditor pro me et meis de omnibus et singulis premissis venditis, concessis et quittatis et nichil michi neque meis retinens in eisdem ipsum emptorem presentem et recipientem pro se et suis investio de premissis cum nota presencium litterarum in signum possessionis vel quasi corporaliter tradite de eisdem et in corporalem possessionem vel quasi eumdem emptorem de premissis induco pacificam et quietam, et promitto ego dictus venditor pro me et meis eidem emptori sollempniter stipulanti pro se et suis me facturum et portaturum eidem emptori et suis de et super premissis, venditis, concessis et quittatis bonam, firmam ac efficacem in judicio et extra tociens quociens necessarium fuerit de jure et de facto garentiam, securitatem et liberam deffensionem de quolibet evincente vel evincere attemptante et a quibuslibet et contra quoscumque qui ipsum emptorem vel suos super premissis aliquathenus molestarent, perturbarent, inquietarent, causam vel questionem moverent vel aliquid exinde exigerent seu peterent ab eodem vel suis in futurum salvis et exceptis directo dominio et aliis deveriis debitis domino Guillelmo Barrieyra, militi, perpetuo annuatim. Et insuper promitto me effecturum et curaturum ipsum emptorem et suos premissa vendita libere, licere, habere, fenere, uti et perpetuo pacifice possidere sub et cum deveriis supradictis. Pro quibus omnibus et singulis in presentibus litteris contentis, tenendis, servandis et complendis perpetuo sine infractione quacumque, ego dictus venditor obligo eidem emptori et suis me et quoscumquo heredes et successores meos et omnia et singula bona mea mobilia et immobilia, presencia et futura ubicumque sint, consistant et quocumque nomine nuncupentur ; et renuncio ego dictus venditor, sciens et prudens super premissis omni foro usui, consuctudini locali et generali et excepcioni doli mali in futurum, accioni, condicioni ob causam, cum causa et sine causa et de uno acto et alio scripto et de magis acto et minus scripto vel e converso et exceptioni non numerate pecunie, non habite, non tradite et non recepte et spei numeracionis et tradicionis future et beneficio restitucionis in integrum et juri per quod deceptis quomodolibet subvenilur et juri dicenti generalem renunciacionem non valere nisi quathenus est expressa et omnibus aliis auxiliis et beneficiis juris et facti quibus juvari possera adveniendum contra premissa vel aliquid premissorum per me aut per alium seu alios casu aliquo tacite vel expresse juramento a me ad sancta Dei evangelia super hoc prestito corporaliter tacto libro pro tenendo et complendo premissa et pro non veniendo contra quoquo jure aut aliqua alia racione.

In quorum omnium et singulorum premissorum testimonium presentes litteras dicto emptori do et concedo sigillo Petragoricensis curie ad nostras preces et instantiam sigillatas. Nos vero offlcialis curie predicte ad preces et instantiam dicti venditoris qui de voluntatibus suis auctoritate nostra ad premissa observanda fuit in scriptis sentencialiter condempnatus sigillum dicte curie presentibus litteris duximus apponendum in testimonium premissorum. Datum die veneris post festum beati Martini yemalis, anno Domini millesimo trecentesimo decimo nono.

Guillelmus Fulcherii, recepit et conscripsit.

 

pp. 288-290.

VENTE

par Hélie Pelete à Hélie de Landric, chanoine de Saint-Front, et à Marie du Puy, veuve de Jean de Landric, de la quatrième partie du tènement de Lauterie, situé dans la paroisse de Trélissac.

 

Du 2 décembre 1485.

Noverint universi et singuli presentes litteras seu presens instrumentum inspecturi, lecturi et audituri, quod anno ab Incarnatione Domini millesimo quadringentesimo octuagesimo quinto, die vero secunda mensis decembris, in villa Petragorarum, in mei que notarii regii curiarum que dominorum officialis et senescalli Petragoricensium jurati testium que infrascriptorum presencia et audiencia, personaliter existentes et constituti venerabilis vir dominus Helias de Landrico, ecclesie Sancti-Frontonis Petragorarum canonicus, et nobilis Maria de Podio, relicta quondam magistri Johannis de Landrico, burgensis dum viveret ejusdem ville, ut tutores et administratores Helie de Landrico, filii quondam dicti de Landrico et ipsius Marie, ville predicte habitatores, pro se et suis heredibus et successoribus universis, ex una, et Helias Peleta, parochie de Trellissaco, eciam pro se et suis heredibus et successoribus quibuscumque, parte ex alia. Jam dictus Peleta dixit , asseruit et pro vero affirmavit quartam partem pro indiviso maynamenti de Lauteria, sitam in predicta parochia de Trelhissaco, movere de dominio directo et feudali dictorum tutorum nomine quo supra, de quo juravit ad et super sancta Dei evangelia, libro tacto, non fecisse vendicionem, alienacionem seu transportum alicui persone seu loco, confrontatam cum pertinenciis maynamenti de Chourac, ex una, et cum pertinenciis maynamenti de la Garinia, ex alia, et cum pertinenciis de la Pessardia, ex alia, et cum pertinenciis del Mas de Coutours, ex alia, et cum pertinenciis del Mas de la Romegière, ex alia, et cum pertinenciis maynamenti de Dorle, ex alia, et cum fonte vocato deus Rossels, ex alia, et cum pertinenciis maynamendi de Chanals, ex alia, et cum terra quam tenet Raymundus Truphy ab ipsis de Landrico, et cum pertinenciis maynamenti de la Donaria, ex alia, et cum nemore vocato de Joliman, ex alia, movente de dominio directo ipsorum de Landrico, ex alia, et cum pertinenciis maynamenti de Lafargo, ex alia, movente a dictis de Landrico, ex alia (sic), et cum pertinenciis del Lac Todoux, moventis ab iisdem de Landrico, ex alia, et cum pertinenciis ipsorum de Landrico, ex alia, et cum filo Cumbe tendentis a puteo de Jolmart ad cumbam deux Fayartz, moventem de dominio eorumdem, ex alia, et cum pertinenciis maynamenti de la Chastelia , ex reliqua parte, cum suis ingressibus, egressibus et pertinenciis universis omnibus sic dictis et assortis.

Idem Helias Peleta gratis et sponte non cohactus, deceptus nec circumventus, sed de jure et facto suis certus ad plenum et instructus, vendidit, cessit, concessit, dimisit ad perpetuum penitus et quictavit se que vendidisse, cessisse, concessisse, dimisisse ad perpetuum penitus et quictasse legitime recognovit et publice confessus est tenore presencium litterarum seu presentis instrumenti supra dictis de Landrico et de Podio nomine tutorio quo supra ementibus, acceptantibus et stipulantibus, dictam quartam partem pro indiviso dicti maynamenti de Lauteria cum suis pertinenciis nec non omnes alias possessiones, sitas circumcirca predictum maynamentum, sibi pertinentes, moventes de dominio directo et feudali dictorum de Landrico cum earum pertinenciis universis et hoc pretio et nomine precii viginti quinque librarum cum dimidia turonensium; quod quidem precium idem venditor habuit et realiter recepit ab eisdem in bona pecunia numerata et electa, de qua ipsos et suos predictos quictavit, cum pacto de non petendo de aliis censibus, redditibus, dominio directo et feudali ac aliis juribus ex jure debitis et solvi consuetis eisdem de Landrico nomine quo supra de quorum dominio movent et existunt.

………………………………………..

Testibus : Johanne de Fagia, presbytero, cappellano Sancti-Martini de Cumbis, Johanne Abonelli et Petro deus Fieux , ville predicte habitatoribus.

 

pp. 201-203.

ASSENCE

aux frères Pécout, par Guillaume d’Adhémar, prieur commendataire de Lafaye, près Léguilhac-de-l'Auche, du moulin de Sieurac, situé dans la paroisse de Razac,

Du ler novembre 1481.

Noverint universi et singuli has presentes licteras visuri, etc., etc., quod anno Domini millesimo quadringentesimo octuagesimo primo, die vero prima mensis novembris, in loco de Lafaya, diocesis Petragorensis, in mei notarii publici curieque domini officialis Petragorensis commissarii et jurati, testiumque infra scriptorum presencia et audiencia fuit existens et personaliter constitutus venerabilis vir dominus Guillermus Ademari, presbyter, prior commendatarius prioratus de Lafaya prope fontem anceris, diocesis Petragorensis, qui gratis et sponte, etc., etc., etc., volens et affectans condicionem dicti sui prioratus facere meliorem, et. videns molendinum inframencionatum esse multum ruinosum et quasi in absina, pro se nomine sui jamdicti prioratus et suis in eodem successoribus assensavit ad perpetuum penitus et quictavit Petro Leonardo, altero Petro et Anthonio Pecout, fratribus, habitatoribus parochie de Lagulhaco fontis anceris, ibidem presentibus assensantibus tam pro se ipsis et quam pro domino Petro Pecou abinde absente, sed ipsorum presentes pro ipsorum absentibus et nomine ipsorum proprio et privato et non nomine alicujus benefficii sut et suis ac cuiuslibet ipsorum heredibus et successoribus quibuscumque slipulantibus et recipientibus : Videlicet quoddam molendinum ipsius Adaemari nomine predicto situm in parochia de Razaco vocatum de Sieurac, movens de dominio directo et fundalitate dicti prioratus de Lafaya prout confrontat cum terris Guillermi Brachet et suorum fratrum ex una parte et cum terris Anthonii de Langlade ex alia et cum manso Salambrest movente de dominio directo et fundalitate abbacie de Cancellata ex altera, et cum prato vocato de Stagno eciam ex altera et cum terris Petri Robberti ex reliqua suis partibus, una cum omnibus et singulis ipsius molendini preconfrontati introhitibus, exitibus, aygalibus, exclusis et aliis juribus et deveriis universis. Et omne jus omnemque actionem, etc., etc., etc., in eosdem assensatores et suos predictos transtulit, etc., etc. Et hoc sub et pro annuo censu seu redditu medietatis totius multure, bladi, fabarum et milhii provenientium in dicto molendino ad molendum. Item insuper fuit actum, dictum et accordatum inter partes quod ipsi Pecoulz assensatores nominibus predictis tenebuntur prout eciam promiserunt restaurare et reparare et de novo construere et edifficare eorum propriis sumptibus et expensis dictum molendinum et ipsum tenere reparatum in bona et valida forma et tenere bonas molas ad dictum molendinum necessarios. Item insuper promiserunt tradere dicto domino priori et suis predictis medietatem omnium et quorumcumque piscium in dicto molendino seu exclusis eiusdem et eygalibus capiendis. Et cum premissis et ipsorum medietate se devestiens, etc., etc., (formule ordinaire d'investiture, engagements réciproques et serments des parties, renonciations et déclaration de l'official).

Et est sciendum quod de et super premissis fuerint concesse due lictere similes ad utilitatem amborum parcium hinc inde quas solvere promiserunt prefati Pecoulz per pactum expressum videlicet tam suam quam illam dicti domini prioris.

Acta fuerunt haec premissa in modum predictum anno Domini et mense et loco supradictis, presentibus ibidem et audientibus Johanne de Linars, Helia Personne et Petro Barrier, habitatoribus dicte parochie de Lagulhaco, testibus ad premissa vocatis et rogatis.

V. Coapeya(?) recepit et conscripsit

 

Pour copie conforme : Mis d'Abzac de La Douze.

 

(1)               Recherches sur la famille de Grimoard et sur ses possessions territoriales au xive siècle.

<<Retour