2 novembre 1217

 

Référence: pas dans Potthast.

Edition: Horoy, Medii Aevi bibliotheca patristica, Series Prima, tomus II, Honorii III, 1879, n° LI.

Notice: Pietro Pressutti, I regesti del pontefice Onorio III, dell’anno 1216 all’anno 1227, vol. I, 1884

Notice: Petrus Pressutti, Regesta Honorii papae III, jussu et munificentia Leonis XIII pontificis maximi, ex Vaticanis archetypis, aliisque fontibus edidit, 1888, n° 854.

Priori Sancti Caprasii, V. et B. archidiaconis Agennensibus.

Injungit ut inducant abbatem et capitulum Sancti Frontonis Petragoricensis ad recipiendum in canonicum Raimundum clericum, qui licet admoniti obedire recusaverant.

Lateranii, IIII non. nov. anno secundo.

Original: Reg. Vat., lib. 2, epist. 695, fol. 166. – Dilectis filiis.

Copie: mss. La Porte du Theil, Collection Moreau, Bibliothèque nationale de France.

Extrait: http://www.guyenne.fr/ArchivesPerigord/BNF/Tome30/BnF_tome30.htm (fol. 332 r°)

Mention: http://www.guyenne.fr/ArchivesPerigord/BNF/Tome37/BnF_T37.htm (fol. 317 r°)

 

 

Ut praebenda reservetur clerico Raymundo.

 

Ad priorem S. Caprasii et archidiaconum Agennensis dioecesis.

Honorius, etc., dilectis filiis ... priori sancti Caprasii, R. et C. archidiaconis Agennensi.

Dilectis filiis ... abbati, et capitulo sancti Frontonis Petragoricen. dudum dedisse recolimus in mandatis, ut dilectum filium Raymundum clericum reciperent in canonicum et in fratrem dilectis filiis ... sancti Amandi, et de Castris abbatibus, Petragoricen. dioecesis et magistro J. poenitentiario Petragoricen. sibi ad hoc monitoribus deputatis ; qui licet ad receptionem clerici memorati juxta mandatum apostolicum ipsos monuerint diligenter, iidem tamen mandato nostro et [...] monitoribus aures suas more aspidis obturantes, non solum id facere renuerunt, verum etiam reverentia nostra prorsus abjecta, super hoc contempserunt, tamquam inobedientiae filii respondere, sicut iidem monitores per suas nobis litteras intimarunt. Nolentes igitur quod de ipsius clerici provisione misericorditer inchoaverimus relinquere imperfectum, praesertim cum de moribis et scientia commendetur, et in ecclesia sancti Frontonis dicatur ab adolescentia sua servisse humiliter et devote, capitulo memorato nostris damus litteris in praeceptis, ut eumdem saltem hac vice juxta primi mandati nostri tenorem liberaliter in canonicum et fratrem admittant et sincera tractent in Domino caritate, non obstante quod idem abbas profectus est in subsidium Terrae Sanctae. Quocirca discretioni vestrae per apostolica scripta mandamus, quatenus, si ipsi praeceptum nostrum super hoc non curaverint adimplere, vos eos ad id per censuram ecclesiasticam appellatione postposita compellatis, nisi aliquid rationabile objectum fuerit, et probatum per quod id fieri non debeat, vel non possit. Quod si non omnes, etc., duo vestrum, etc. Datum Laterani, quarto nonas novembris, anno secundo.