4 mars 1218
Référence: Potthast, n° 7715.
Edition: Horoy, Medii Aevi
bibliotheca patristica, Series Prima, tomus II, Honorii III, 1879, n° CLIII.
Extrait: Cironius, Decret. Honorii III, 1645, lib. I,
tit.
5, De elect., cap. 2.
Notice: Pietro Pressutti, I regesti
Notice: Petrus Pressutti, Regesta Honorii papae III, jussu et munificentia Leonis XIII pontificis maximi, ex Vaticanis archetypis, aliisque fontibus edidit, 1888, n° 1130.
Abbati Stirpensi
et ejusdem loci et de Exidolio
prioribus Lemovicensis diocesis.
Injungit, ut interdicti
sententiam relaxant capitulo
Sancti Juniani Lemovicensis dioecesis, recepta juratoria cautione a singulis ejusdem capituli eligendi in canonicum Petrum Barbae; quod si forte recusaverint,
in eorum ecclesiam pristinam reducant sententiam et juramenti transgressionem puniant, addit, ut eodem clerico receptor, eligendi praepositum juxta eorum ecclesiae consuetudinem facultatem eisdem concedant.
Laterani, IIII non. martii
anno secundo.
Original: Reg. Vat.,
lib. 2, epist. 917, fol. 226. – Cum bone memorie.
De recipiendo clerico P. in canonicum mandat.
Ad abbatem Stirpen. et priorem ejusdem
loci et priorem de Exidolio.
Honorius,
etc., dilectis filiis abbati Stirpen. et ... ejusdem loci et ... de Exidolio prioribus Lemovicen. dioecesis.
Quum bonae memoriae Innocentius papa praedecessor noster olim suis dedisset litteris in mandatis capitulo Sancti Juniani Lemovicen. dioecesis ut
dilectum filium Petrum Barbe clericum
in canonicum reciperent et
in fratrem, dilecto filio L. archidiacono Lemovicen. et ejus
collegis eidem clerico executoribus deputatis, iidem executores in ipsius loci canonicos dictum clericum juxta mandatum apostolicum recipere recusantes post appellationem ad nos ab eis
legitime, ut dicitur, interjectam excommunicationis, et in eorum ecclesiam interdicti sententias protulerunt. Porro ipsius loci praeposito, qui una cum eorum nuntio appellationem
hujusmodi fecerat, ut asseritur, prosecutus,
subtracto interim ab hac luce,
super confirmatione praedictarum
sententiarum litteris jam a
nobis obtentis per clericum memoratum, dilectus filius noster B. tituli sanctorum Johannis et Pauli presbyter cardinalis, apostolicae sedis legatus, et magister L. Lemovicen. archidiaconus, ex parte legati ejusdem,
per litteras suas inhibuerunt capitulo dicti loci ne absque
nostro vel ejus assensu procederent
ad electionem praepositi faciendam. Quare idem capitulum P. de Montecuculi canonicum suum ad nostram praesentiam destinavit pro absolutione, ac assensu eligendi praepositum postulandis, concessa ei, sicut
per eorum apparebat litteras, libera potestate, ut eorum
vice singulorum et omnium
in praesentia nostra reciperet
clericum antedictum, quod, licet coram
praefatis executoribus, fuerint adimplere parati, nequiverunt tamen ab eis
absolutionis beneficium obtinere. Verum praefato P. fecimus beneficium absolutionis impendi, et praefatum
clericum recipi ab eodem. Nos
igitur finem praedicti clerici laboribus volentes imponere, ac indemnitati
ecclesiae super electione praepositi
praecavere, discretioni vestrae per apostolica scripta mandamus quatenus a singulis de capitulo ipso standi super hoc mandato nostro recepta juratoria cautione, interdicti sententiam relaxantes, ipsis absolutionis beneficium impendatis, et praecipiatis eisdem sub debito praestiti juramenti, ut sine morae dispnedio
in fratrem et canonicum recipiant clericum antedictum, eos, si hoc facere recusarent,
et eorum ecclesiam in pristinas reducentes sententias, et de juramenti transgressione canonice punientes. Postquam autem ipsum receperint,
eligendi praepositum juxta ecclesiae suae consuetudinem, sublato cujuslibet contradictionis, et appellationis obstaculo, concedatis eisdem liberam facultatem, revocato in irritum si quid, postquam nuntius iter arripuit ad sedem apostolicam veniendi, super praeposituro in eorum praejudicium inveneritis attentatum. Sane ne quis
forte causetur eos jus eligendi per diversum temporis amisisse, nolumus quod tempus lapsum ante concessam sibi eligendi licentiam
eis currat, cum constitutis, quae de hujusmodi lapsu temporis loquitur, contra negligentiae vitium fuerit promulgata, et ii dici nequeant negligentes,
quum non possent eligere praesertim quum ex dicti cardinalis
mandato nostram, vel ejus tenerentur
licentiam postulare. Quod
si non omnes, etc., duo vestrum,
etc. Datum Laterani, quarto
nonas martii, anno secundo.