12 décembre 1221

 

Référence: Potthast, n° 7776.

Edition: Cironius,  Decretales Honorii III, 1645, lib. 2, tit. 19, de appellationibus, c. 5.

Edition: Horoy, Medii Aevi bibliotheca patristica, Series Prima, tomus IV, Honorii III, 1879, n° LVI.

Notice: Petrus Pressutti, Regesta Honorii papae III, jussu et munificentia Leonis XIII pontificis maximi, ex Vaticanis archetypis, aliisque fontibus edidit, 1888, n° 3616.

Magistro C. archidiacono et officiali Lemovicensibus et archipresbytero de Nonton (Nontron?) diocesis Lemovicensis.

In causa inter priorem monasterii de Lacu Rubeo et F. de Chambaro militem Claromontensis dioecesis super quodam nemore et rebus aliis; quae coram magistro A. canonico Claromontensi non ex delegatione apostolica vertebatur, et idem miles ad Bituriciensem archiepiscopum frustatorie vocem appellationis emittens, officiali Bituriciensi ipsam causam obtinuit delegari, et tandem ad papam appellatum fuit; mandate ut sententias post appellationem denuntient non tenere et causam audient.

Laterani, II idus dec. anno sexto.

Reg. Vat., lib. 6, epist. 82, fol. 170; Decret. H-i, III, lib. 2, tit. 19; De appellationibus, c. 5, ed. Cironius, 167; Decret. Gregorii IX, lib. 2, tit. 28; De appell. c. 66; Boehmer corp., II, 407 (ad ann. 1224); Richter corp., II, 424; Potthast, 670, n. 7776 (absque signo chronol.); Horoy, H-i  opp. omn., IV, 47, n. 56; Friedberg, Corp. Iur. Can., II, lib. II, tit. XXVIII, c. LXVI, p. 441. – Dilecti filii … prior.

Original: Reg. Vat., lib. 6, epist. 82, fol. 170. – Dilecti filii … prior.

 

 

Causa, de quodam nemore, vertente inter conventum de Lacu rubeo ex una parte

et F. de Chamboro ex altera, coram magistro A. Claromontensi,

idem F. frustratorie obtinuit ut coram officiali Bituricensi causa remittatur.

Ex hoc appellatio conventus ad sedem Romanam, et ab Honorio delegatio ejusdem ad archidiaconum Lemovicensem.

 

Ad magistrum C. archidiaconum, et ... officialem, ac archipresbyterum de Houton (Nontron?), dioecesis Lemovicensis.

Honorius, etc., dilectis filiis magistro C. archidiacono et ... officiali Lemovicen. et ... archipresbytero de Houton dioecesis Lemovicen.

Dilecti filii ... prior et conventus de Lacu rubeo transmissa nobis petitione monstrarunt, quod cum inter ipsos ex parte una, et F. de Chamboro militem Claromontensis dioecesis ex altera, super quodam nemore, et rebus aliis coram magistro A. canonico Claromontensi, non ex delegatione apostolica, quaestio verteretur, idem miles ad venerabilem fratrem nostrum Bituricensem archiepiscopum frustratorie vocem appellationis emittens, causam super his ... officiali Bituricen. Obtinuit delegari, coram quo ex parte dictorum prioris et conventus fuit excipiendo propositum, quod cum omisso dioecesano episcopo fuisset ad eumdem archiepiscopum appellatum, ad quem gradatim fuerat appelandum, in causa ipsa de jure procedere non poterat nec debebat; sed quia dictus officialis hujusmodi eorum exceptionem admittere denegabat, ipsi ad nostram audientiam appellarunt. At ille ipsorum appellatione contempta, suspensionis, et interdicti tulit sententias in eosdem. Discretioni vestrae per apostolica scripta mandamus, quatenus si dictas sententias post hujusmodi appellationem inveneritis esse latas, denuntiantes eas penitus non tenere, audiatis causam, et appellatione remota fine debito terminetis, facientes, etc. Alioquin partes ad praedicti officialis remittatis examen. Appellantes, etc. Testes, etc. Quod si non omnes, etc. Datum Laterani, II idus decembris, pontificatus nostri anno sexto.