13 mai 1223

Référence: pas dans Potthast.

Edition: Horoy, Medii Aevi bibliotheca patristica, Series Prima, tomus IV, Honorii III, 1879, n° CVI.

Notice: Petrus Pressutti, Regesta Honorii papae III, jussu et munificentia Leonis XIII pontificis maximi, ex Vaticanis archetypis, aliisque fontibus edidit, 1888, n° 4357.

« Preposito de Subterranea Lemovicensis diocesis, penitentiario, et P. Plaissac canonico Lemovicensibus ». Ut nullum denuntient esse excommunicationis sententiam latam a decano et L. archidiacono Petragoricensibus in cantorem et capitulum sancti Frontonis Petragoricensis eo quod contradixerunt provisioni ab eis factae de quibusdam canonicatibus in eorum ecclesia Sancti Frontonis, quum ipsi litteras obtinuerint a (Conrado) Portuensi episcopo apost. sedis legato ut dictam ecclesiam ordinarent, sed ipsius facultatibus prout decuit non inspectis G. cantorem Majoris ecclesiae de Quinta, et G. Bodi Caturcenses archipresbyteros et quindecim alios, quorum nonnullus minus idoneos ac quosdam pueros, nec dum tunc primam tonsuram habentes, in canonicos nominarunt, propter quod Petragoricensis episcopus, qui vice fungitur abbatis ibidem, ad legati, et cantor et capitulum ad papae audientiam provocaverant ; interim dictam ecclesiam, irritum decernentes quod super praemissis extitit attemptatum, de personis idoneis ordinent. Laterani, III idus maii, anno septimo.

Original: Regest., lib. VII, epist. 162, fol. 47. – Ex parte dilectorum.

Copie: mss. La Porte du Theil, Collection Moreau, Bibliothèque nationale de France.

Mention: http://www.guyenne.fr/ArchivesPerigord/BNF/Tome30/BnF_tome30.htm (fol. 332 r°)

Mandat ut ecclesiam S. Frontonis Petragoricen. juxta facultates ipsius de personis idoneis ordinent.

Ad praepositum de Subterranea Lemovicen. Dioecesis, poenitentiarium et P. Plaissac canonicum Lemovicen.

Honorius, etc., dilectis filiis ... praeposito de Subterranea Lemovicen. dioec., poenitentiario et P. Plaissac canonico Lemovicen., salutem, etc.

Ex parte dilectorum filiorum cantoris, et capituli S. Frontonis Petragoricen. fuit propositum coram nobis, quod licet dudum duos de nostro speciali mandato, ac nuper unum, a cujus impetitione apud sedem apostolicam sententialiter fuerant absoluti, ad urgentem venerabilis fratris nostri ... Portuen. episcopi, legati sedis apostolicae jussionem receperint in canonicos et in fratres ... decanus tamen, et L. archidiaconus Petragoricen., susceptis ejusdem legati litteris, ad dictam ecclesiam ordinarunt, ipsius facultatibus, prout decuit, non inspectis, quae diminutae sunt adeo propter guerras quod canonicis residentibus in eadem, nec non beneficiatis et praebendariis suis vix possunt super decem menses beneficiorum suorum stipendia, licet tenuia ministrari. Hujusmodi et alia ipsius ecclesiastica gravamina nolentes audire, perperam in commisso sibi negotio procedendo, L. cantorem majoris ecclesiae de Quinta, et G. Bodiceturcen. Archipresbyteros et quindecim alios quorum quidam minus idonei, ac quidam pueri necdum tunc primam tonsuram habentes, quorum progenitores semper ipsi ecclesiae infesti fuerunt, et nonnulli etiam competenter beneficiati existunt, venerabili fratre nostro ... episcopo Petragoricen. qui vice fungitur abbatis ibidem, propter hoc ad dicti legati, et cantore, ac capitulo supradictis ad nostram audientiam provocantibus, de facto in canonicos nominarunt, in contradictores excommunicationis sententiam jaculantes, quorum quidam, occasione nominatis hujusmodi laicali freti potentia, bona ipsius ecclesiae violenter invadunt. Unde nisi eidem super hoc citius sucurratur, vix adjiciet, ut resurgat. Quocirca discretioni vestrae per apostolica scripta mandamus, quatenus, si est ita, dictam excommunicationis sententiam post appellationem hujusmodi promulgatam denuntiantes penitus esse nullam et irritum, appellatione postposita, decernentes quod super praemissis taliter extitit attentatum; dictam ecclesiam, habito prae oculis solo Deo, auctoritate nostra juxta facultates ipsius, de personis idoneis ordinetis, si videritis expedire, contradictores per censuram ecclesiasticam, sublato appellationis obstaculo, compescentes. Testes autem, etc., nullis litteris veritati et justitiae praejudicanibus. Quod si non omnes, etc. Datum Laterani, III idus maii, pontificatus nostri anno septimo.