27 juillet 1233

 

Référence: pas dans Potthast.

Edition: Lucien Auvray, Les registres de Grégoire IX. Recueil des bulles de ce pape publiées ou analysées d’après les manuscrits originaux du Vatican, 1890, n. 1472.

Original:  Reg. 17, f. 73 r°, ann. VII, c. 251.

Copie: mss. Laporte du Theil, Collection Moreau, vol. 1188, f. 148, Biblothèque nationale de France.

Copie: http://www.guyenne.fr/ArchivesPerigord/BNF/Tome30/BnF_tome30.htm (fol. 368 r°)

 

 

Archiepiscopo Viennensi, Apostolicae Sedis legato, legationem in nonnullis Franciae provinciis

ac dioecesibus ad extirpandam radicitus haereticam pravitatem committit.

 

... archiepiscopo Viennensi, Apostolice Sedis legato. Cum ex injuncte. Hinc est quod, de fide ac discretione tua plenam fiduciam optinentes, tibi in Narbonensi, Arelatensi, Aquensi et Viennensi provinciis, et Claromontensi, Agennensi, Albiensi, Ruthenensi, Caturcensi, Mimatensi, Petragoricensi, Convenarum, Lectorensi et Aniciensi diocesibus legationis officium providimus committendum, conceso tibi nichilominus ut in Auxitana, Burdegalensi et Ebredunensi provinciis, et diocesibus Cathalonie, Terraconensis provincie, et diocesi Lemovicensi, illos qui contra negotium pacis et fidei in provinciis et diocesibus tibi commissis aliquid molirentur, valea cohercere, cum, etsi ex parte sint ibi extirpata vitia et plantate virtutes, adhuc sit locus diligentiori culture, ne vel extirpata repullulent vel plantata torpescant, sed potius adhuc extirpanda radicitus extirpentur, ut plantatio latior habeatur. Ideoque fraternitatem tuam monemus attente, per apostolica tibi scripta in virtute obedientie firmiter precipiendo mandantes quatenus, legationem pro Christo suscipiens, eam juxta datam tibi a Domino gratiam studeas laudabiliter exercere, ut, recta regens et dirigens indirecta, aspera convertas in plana. Datum Anagnie, VI kalendas augusti, anno septimo.