19 août 1237
Référence: pas dans Potthast.
Edition: Lucien Auvray, Les
registres de Grégoire IX. Recueil des bulles de ce pape publiées ou analysées
d’après les manuscrits originaux du Vatican, 1890, n. 3837.
Original: Reg. 18, f. 316 r°, ann. XI, c. 206.
Copie: mss. Laporte du Theil, Collection Moreau, vol. 1191, f. 358, Bibliothèque nationale de
France.
Mention: http://www.guyenne.fr/archivesperigord/SHAP/T48_1921/Abbayes_T48.htm
Decano, cantori et Guidoni dicto Blanc, canonico ecclesiae saecularis Sancto Aredii, Lemovicensis dioecesis mandat quatenus causam inter eorum. Salvitate, et abbatem conventumque Caroffensis ... eadem ecclesia de Salvitate ... ad priores ... videlicet magistrum Bertranmnum, canonicum Sancti Frontonis Petragoricensis, ejusque collegam, examinandam remittant; alioquin eas ad secundos judices, videlicet cantorem Petragoricensem ejusque collegam, redire cogant.
... decano,
... cantori et Guidoni dicto Blanc canonico ecclesie secularis Sancti Aredii, Lemovicensis dioecesis. Exhibita nobis Guido, rector ecclesie de Salvitate petitione monstravit quod, cum ... abbas et
conventus Caroffenses, Pictavensis diocesis, contra ipsum super eadem ecclesia, quam canonice se proponat adeptum, ad magistrum Bertramnum, canonicum Sancti Frontonis Petragoricensis, et suum collegam venerabilis fratris nostri ... archiepiscopi Viennensis, Apostolice sedis legati, litteras impetrassent; lite pendente coram
judicibus antedictis, prefati abbas et conventus quasdam a nobis super eodem negotio ad ... cantorem Petragoricensem et ejus collegam obtinuerunt litteras contra eum, nullam facientes de prioribus mentionem. Qui cum ad locum non tutum citarent eundem, ad quem, propter inimicitias capitales et etiam guerrarum discrimina, per
se vel per procuratorem accedere non audebat, cum duo procuratores, ad petendum locum tutum destinati
ab eo, in via capti fuerint et carcerati custodie mancipati, dictus rector, qui ob causas predictas copiam judicum premissorum habere non poterat, coram ... de Figiaco, ... de Montepensato et
... de Vallibus archipresbiteris
et aliis bonis viris contestatione proposita et causa appellationis expressa, videlicet quod, propter metum corporis, sibi non erat prefatos judices adire securum, ne in eum ipsi ex hoc tanquam in contumacem procederent, ad nostram audientiam appellavit. Prescripti vero judices legi[tima] ejus
appellatione contempta in eum excommunicationis sententiam protulerunt. Ideoque mandamus quatenus, si est
ita, dictam excommunicationis sententiam denuntiantes penitus non tenere, ac revocato
etc. usque attemptatum,
partes ad priores judices remittatis; alioquin eas ad secundorum audientiam judicum redire cogatis, appellantem etc. Testes,
etc. Quod si non omnes etc. Datum
Viterbii, XIIII kalendas septembris, anno undecimo.