17 juin 1245

Copie : http://www.guyenne.fr/ArchivesPerigord/BNF/Tome34/BnF_T34.htm (fol. 48 r°)

Extrait : http://www.guyenne.fr/ArchivesPerigord/BNF/Tome34/BnF_T34.htm (fol. 48 bis r°)

Mention : http://www.guyenne.fr/archivesperigord/SHAP/T23_1896/Geraud_Malayoles.htm

Mention : http://www.guyenne.fr/Publications/Etat_Dupuy/etat_de_l_eglise_du_perigord_t2.htm

Bulle du pape Innocent IV en faveur de l’abbaye de Ligueux. Datée de Lyon decimo quinto Kalendas Julii anno primo (1244) (Dupuy s’est trompé : c’est la deuxième année du pontificat d’Innocent IV).

Bulle de protection accordée par le pape Innocent IV à l’abbaye de Ligueux

Innocentius episcopus servus servorum Dei, dilectis in Christo filiabus abbatissa monasterii Liguriensis ejus que sororibus tam praesentibus quam futuris regularem vitam professis in D. P. M. quotiens a nobis petitur quod religioni et honestati convenire dinoscitur, animo nos decet libenti concedere ac petentium desiderus congruum suffragium impartiri. Ea propter dilectae in Christo filiae vestris justis postulationibus clementer annuimus et monasterium Liguriense Petragor. dioec., in quo divino estis obsequio mancipati, sub beati Petri et nostra protectione suscipimus, et praesentis scripti privilegio communimus imprimis siquidem statuentes ut ordo monasticus qui secundum Deum et beati Benedicti regulam in eodem monasterio institutus esse dinoscitur perpetuis ibidem temporibus inviolabiliter observetur. Praeterea quascumque possessiones quaecumque bona idem monasterium in praesentiarum juste et canonice possidet, aut in futurum concessione pontificum largitione regum, vel principum, oblatione fidelium, seu aliis modis, praestante domino poterit a firma et eis quae vobis successerint, et illibata permaneant in quibus haec propriis &c. necnon et possessiones cum pratis, vineis, terris, nemoribus, usuagiis et pacuis in bosco et plano, in aquis et molendinis, et omnibus aliis libertatibus et immunitatibus suis, sane novalium vestrarum terras propriis sumptibus colitis, de quibus aliquis hactenus non percipit, sive de vestrorum animalium nutrimentis nullus a vobis decimas exigere vel extorquere praesumat. Liceat quoque vobis personas liberas et absolutas et seculo fugientes ad conversionem recipere et eas absque contradictione aliqua retinere, prohibemus insuper ut nulli sororum vestrarum post factam in monasterio vestro professionem fas sit, sine abbatissae suae licentia, nisi arctioris religionis obtentu, de eadem loco discedere et disecdentem non absque communium litterarum vestrarum cautione nullus audeat retinere. Cum autem generale interdictum terrae fuerit, liceat vobis clausis, non pulsatis campanis, supp... (3 ou 4 mots déchirés) dum modo causam non dederitis interdicti crisma vero, oleum sanctum, consecrationes altarium seu basilicarum, et benedictiones monialium a dioecesano suscipietis episcopo, siquidem catholicus fuerit et gratiam et commu... (3 ou 4 mots déchirés) te Romanae sedis habuerit et ea vobis voluerit sine pravitate aliqua exhibere. Prohibemus insuper et infra fines parochiae vestra nullus, sine assensu diocesani episcopi, et vestro, capellam seu oratorium de novo construere liceat salvis privilegiis pontificum Romanorum, ad haec novas et indebitas exactiones ab archiepiscopis, episcopis, archidiaconis, seu decanis, aliisque omnibus ecclesiasticis saecularibus personis, a vobis omnino fieri prohibemus sepulturam quoque ipsius loci liberam esse decernimus, ut eorum devotioni et extremae voluntati qui se illic sepeliri deliberaverint nisi forte excommunicati vel interdicti sint, aut etiam publice usuarii, nullus obsistat, salva tamen justitia illarum ecclesiarum a quibus mortuorum corpora assumuntur ; decimas praeterea et possessiones ad jus ecclesiarum vestrarum spectantes quae a laicis detinentur, redimendi et legitime liberandi de manibus eorum, et ad ecclesias ad quas pertinent revocandi libera sit vobis, de nostra autoritate facultas obeunte vero te nunc ejusdem loci abbatissa vel earum qualibet tibi succedentium, nulla ibidem qualibet surreptionis astucia seu violentia praeponatur, nisi quam sorores communi consensu, vel sororum major pars consilii sanioris secundum Deum et beati Benedicti regulam providerint eligendam, paci quoque et tranquillitati vestrae paterna in posterum sollicitudine providere volentes, auctoritate apostolica prohibemis ut infra clausulas locorum seu grangiarum vestrarum, nullus rapinam seu furtum facere, ignem apponere, sanguinem fundere, hominem temere capere vel interficam seu violentiam audeat exercere. Praeterea omnes libertates et immunitatis a praedessoribus nostris Rom. pontificibus monasterio vestro concessas, necnon libertates et exemptiones secularium exactionum a regibus et principibus vel aliis fidelibus rationabiliter vobis indultas auctiritate apostolica confirmamus et presentis scripti privilegio communimus. Decernimus ergo ut nulli omnino hominum liceat praefatum monasterium temere perturbare, aut ejus possessiones auferre vel ablata retinere imperdire, seu quibuslibet exactionibus fatigare sed omnia integra conserventur earum pro quarum gubernatione ac sustentatione concessa sunt, usibus omnimodis pro futura salva sedis apostolicae auctoritate et diocesanorum episcoporum canonica justitia ; si qua igitur in futurum ecclesiastica secularis persona hanc nostram constitutionis paginam sciens, contra eam temere venire temptaverit, secundo, tertiove commonito, nisi reatum suum congrua satisfactione correxerit, potestatis, honorisque sui dignitate careat ream que si divino judico existere de perpetrata iniquitate cognoscat, et a sacratissimo corpore et sanguine Dei et domini redemptores nostri Jesu Christi aliena fiat atque in extremo examine districtae subjaceat ultioni. Cunctis autem eidem loco sua jura servantibus sit pax Domini nostri Jesu Christi quatenus et hic fructum bonae actionis percipiant et apud disctrictum judicem praemia aeternae pacis inveniant. Amen.

Ego Innocentius catholicae ecclesiae episcopus

Ego Petrus tit. Sti Marcelli, presbiter cardinalis.

Ego Willelmus basilicae 12 apost. presbiter cardinalis.

Ego fr. Johannes tit. Sti Laur. in Lucina presbiter cardinalis.

Ego fr. Hug. tit. Stae Sabinae presbiter cardinalis.

Ego Oto... et Stae Rufinae episcopus.

Ego Petrus Albanensis episcopus.

Ego Willelmus Sabiensis episcopus.

Ego Odo Tusculan. episcopus.

3^ème colonne

Ego Egidius Storum Cosmae et Damiani, diac. card.

Ego Octavianus Stae Mariae in via Lata, diac. card.

Ego Petrus Sti Georgii ad velum aureum, diac. card.

Ego Johannes Sti Nicolai in carcere tulliam, diac. card.

Ego Willelmus Sti Eustachii, diac. card.

Datum Lugduni per manum magistri Martini Stae Romanae ecclesiae vice cancellarii XV kal. julii, indict. III, incarnationis Dominicae anno M° CC° XLV°, pontificatus vero domini Innocentii papae 4, anno secundo.

Original en parchemin; pendait la bulle dont on ne voit que les trois &c....

Voyez la note à côté. Il y a seulement les variantes qui suivent.

Mr. Leydet à lu : de Galeneres, et moi de Sabloneres.

Brunexfart, Brunexsart

de ceurau ou feirrau, feinau

vinentium, viventium

&c.