17 avril 1254

Référence : Potthast, 15339.

Edition : Cartulaire des abbayes de Tulle et de Rocamadour, J.-B. Champeval, 1903, n° 615, p. 360-362

Notice : Elie Berger, Les registres d’Innocent IV publiés ou analysés d’après les manuscrits originaux du Vatican et de la bibliothèque nationale, 1884-1921, n° 7440.

Quum regula Benedictina ab ipsa sui institutione multum sit rigida et difficilis ad ferendum, fuerintque postmodum per Gregorium nonum et per Bituricensem archiepiscopum, auctoritate Tusculani episcopi, olim in illis partibus apostolicae sedis legati, in monasterio Tutelensi superaddita statuta gravia et diversarum poenarum adjectione vallata, concedit abbati papa ut super observatione statutorum ac praeceptorum ipsorum, quae de substantia regulae non existunt, ipse et successores ejus cum monasterii sui et membrorum monachis, praesentibus et futuris, libere dispensare possint, his casibus dumtaxat exceptis, super quibus in eadem regula dispensatio est interdicta.

P., abbati monasterii Tutellensis, ordinis Sancti Benedicti, Lemovicensis diocesis.

Ex parte tua – Datum Laterani, XV kalendas maii, anno XI°.

Conservator abbas monasterii Terracensis, Petragoricensis dioecesis. Datum ut supra.

Original : Reg., an. XI, n° 595, fol. 82 v°.

Mention: http://guyenne.fr/archivesperigord/Cartulaires/cartulaire_tulle.htm

Acte 615 (17 avril 1254) – Bulle d’Innocent IV, permettant à l’abbé de Terrasson, diocèse de Périgueux, de dispenser l’abbé et religieux de Tulle sur l’austérité de leurs règles. (Baluze donne la date 3 août 1253).

Innocentius episcopus servus servorum Dei, dilecto filio P[etro] abbati monasterii Tutellensis, ordinis Sancti Benedicti, Lemovicensis diocesis, salutem et apostolicam benedictionem.

Ex parte tua fuit nobis humiliter supplicatum, ut cum observantia tui ordinis ab ipsa sui institutione multum sit rigida et difficilis ad ferendum, fuerintque postmodum per felicis recordationis Gregorium papam praedecessorem nostrum, et per venerabilem fratrem Bituricensem archiepiscopum loci metropolitanum, venerabilis fratris nostri Tusculanensis episcopi olim in illis partibus apostolicae sedis legati auctoritate, in monasterio tuo superaddita statuta gravia et praecepta diversarum poenarum adjectione vallata, ne contingat sub tantis oneribus deficere oneratos, providere super hoc paterna sollicitudine curaremus. Attendentes igitur quod expedit calamum quassatum non conteri et in erasione aeruginis vas non frangi, devotionis tuae precibus inclinati, praesentium tibi auctoritate concedimus ut super observatione statutorum ac praeceptorum ipsorum, quae de tuae substantia regulae non existunt, tu ac successores tui, cum monasterii tui ejusque membrorum monachis, praesentibus et futuris, libere dispensare possitis, iis casibus duntaxat exceptis, super quibus in eadem regula est dispensatio interdicta, in quibus casibus dispensandi super poenis adjectis et irregularitatibus quas tui subditi hactenus incurrerunt vel incurrent de caetero, eosque absolvendi ab interdicti, suspensionis, et excommunicationis vinculo quo ipsos ob transgressionem praedictorum statutorum ac praeceptorum involvi contigit vel continget, injuncta sic absolutis poenitentia salutari, libera sit tibi tuisque successoribus de nostra permissione facultas, priori nihilominus monasterii tui ac ipsius successoribus concedendi tibi tuisque successoribus hujusmodi dispensationis et absolutionis beneficium, quandocunque fuerit opportunum, indulgentes auctoritate praesentium potestatem, non obstantibus aliquibus litteris ad eundem Bituricensem archiepiscopum, vel quemcumque alium ab apostolica sede vel ejus legatis, sub quocunque tenore directis, et processibus habitis per easdem, de quibus forsitan oporteat fieri mentionem, et etiam obtinendis. Nulli ergo, etc., concessionis, etc. Datum Laterani, XV kalendas maii, pontificatus nostri anno undecimo.

In eundem modum scriptum est dilecto filio abbati Terracinensi, Petragoricensis diocesis. Datum Asisii, III nonas augusti, anno XI.