18 février 1257

 

 

Copie : http://www.guyenne.fr/ArchivesPerigord/BNF/Tome35/BnF_T35.htm (fol. 4 v° et 19 r°)

 

 

Bulle du pape Alexandre IV par laquelle il recommande les religieuses de Ste Claire aux maire, consuls et communauté de Périgueux, et de les favoriser de leurs processions et bienfaits.

 

Alexander episcopus servus servorum Dei, dilectis filiis majori consilio et communi Petragoricensi salutem et apostolicam benedictionem. Opus pietatis fore dinoscitur si personis divini nominis ascriptis cultui favoris auxilium impendatur. Nos igitur de salute vestra solliciti volentes vos ad opus hujusmodi invitare pro dilectis in Christo filiabus abbatissa et conventu monasterii Sanctae Clarae extra muros Petragoricenis ordinis Sancti Damiani quod est novella plantatio. Universitatem vestram rogandam duximus et hortandam in remissionem vobis peccaminum injungentes, quathenus easdem abbatissam et conventum habentes pro divina et nostra reverentia propensius commendatas, ipsam et dictum monasterium benignis beneficiis et opportunis presidiis faveatis ita quod divinae retributionis ex hoc uberius mereamini, et nos devotionem vestram condignis prosequamur actionibus gratiarum. Datum Lateranensi duodecimo calendas martii, pontificatus nostri anno tertio.