9 avril 1263

Copie : mss. de Doat, vol. 91, abbaye de Belleperche, fol. 163, Bibliothèque nationale de France.

Copie : collection Périgord, vol. 37, fol. 358 r°

http://www.guyenne.fr/ArchivesPerigord/BNF/Tome37/BnF_T37.htm (fol. 358 r°)

Bulle du pape Urbain IV par laquelle il mande au prieur de St Avit Sénieur, diocèse de Périgueux, de faire rendre au monastère de Belleperche, les biens que l’abbé et les religieux avaient injustement aliénés.

Urbanus episcopus servus servorum Dei, dilecto filio priori Sancti Aviti Senioris, Petrag. dioecesis, salutem et apostolicam benedictionem. Pervenit ad audientiam nostram quod tam dilecti filii et conventus moansterii Belleperticae, cistercien. ord., Tholosanae dioc., quam praedecessores eorum, terras, possessiones, redditus, jura, jurisdictiones, et quedam alia bona dicti monasterii datis super hoc litteris, interpositis juramentis, factis renunciationibus et poenis adjectis in gravem ipsius monasterii laesionem, nonnullis clericis et laicis aliquibus, eorum ad vitam, quibusdam vero ad non modicum tempus, et aliis perpetuo ad firmam vel sub censu annuo concesserunt ; quorum aliqui litteras confirmationis in forma communi super his a sede apostolica impetrasse dicuntur. Cum igitur nostra instersit laesis monasteriis subvenire, discretioni tuae, per apostolica scripta mandamus quatinus ea quae de bonis dicti monasterii per concessiones hujusmodi alienata inveneris illicite, vel disctracta, nonobstantibus litteris, juramentis, renunciationibus, poenis et confirmationibus supradictis, ad jus et proprietatem ipsius monasterii, studeas legitime revocare, contradictore per censuram ecclesiasticam, appellatione postposita, compescendo. Testes autem qui fuerint notati, si se contra odio vel timore substraxerint, per censuram eandem appellatione cessante compellas, veritati testimonium perhibere. Datum apud Urbem Veterem quinto idus aprilis pontificatus nostri anno secundo.