6 septembre 1274

 

 

Référence : Potthast, 20914.

Priori praedicatorum, archidiacono et guardiano minorum fratrum Petragoricensibus et archipresbytero ecclesiae de Dupla mandate, ut canonicatum in ecclesia saeculari s. Asterii Petragoric. dioc. Helyae Sasomoto, vicariam autem in eadem Hugoni de Rabeo canonico conferant. VIII id. sept. an. 3°. Sbaraleao, Bullar. Francisc., III, 220, n° 55. – Cum sicut accepimus.

Edition : Joannis Hyacinthi Sbaraleae, Bullarium franciscanum romanorum pontificum constitutions, epistolas, ac diplomata continens tribus ordinibus minorum, clarissarum et poenitentium, etc., tomus tertius, 1765., p. 220, n° LV.

Notice : Jean Guiraud, Les registres de Grégoire X (1272-1276) – Recueil des bulles de ce pape publiées ou analysées d’après les manuscrits originaux des archives du Vatican, 1892-1893, n° 413.

Priori praedicatorum et guardiano minorum fratrum Petragoricensibus et archipresbytero ecclesiae de Dupla mandat ut canonicatum in ecclesia saeculari s. Asterii, Petragoricensis diocesis, Helyae Sasomoto, vicariam autem in eadem Hugoni de Rabeo canonico conferant.

… priori predicatorum et … guardiano minorum fratrum Petragoricensibus ac … archipresbitero ecclesie de Dupla. Cum sicut accepimus. – Datum Lugduni, VIII idus septembris, anno tertio.

Original : Reg. ann. III, n° 43, f. 145

Copie : http://www.guyenne.fr/ArchivesPerigord/BNF/Tome34/BnF_T34.htm (fol. 139 r°)

Copie : http://www.guyenne.fr/ArchivesPerigord/BNF/Tome34/BnF_T34.htm (fol. 218 r°)

Extrait : http://www.guyenne.fr/ArchivesPerigord/BNF/Tome34/BnF_T34.htm (fol. 143 r°)

 

 

Permutationem quamdam canonicatus et vicaria in ecclesia S. Asterii Petragoricen. dioecesis fieri permittit, mandatque, ut admittatur. (Ex reges. Vatic. pontif. epist. 43, anni 3).

 

Gregorius etc. Dilectis filiis ... priori praedicatorum, et ... guardiano minorum fratrum ordinum Petragoricen., et ... archipresbytero ecclesiae de Dupla Petragoricen. dioecesis, sal. et ap. ben.

 

Cum, sicut accepimus, dilecti filii Hugo de Rabeo canonicus, et Helyas Sasomotus perpetuus vicarius in ecclesia seculari Sancti Asterii Petragoricen. dioecesis canonicatum, et locum, quos idem Hugo, ac perpetuum vicariam, quam dictus Helyas in eadem ecclesia, in qua non est certus canonicorum numerus, nec distinctio praebendarum numerus, nec distinctio praebendarum, obtinent, ad invicem permutare affectent ; nos ipsorum supplicationibus inclinati, discretioni vestrae per apostolica scripta mandamus, quatenus, si est ita, libera per vos, vel per alium, aut alios ab Hugone et Helya praedictis, canonicatus, loci, et vicariae praedictorum resignatione recepta, canonicatum, et locum praedicta eidem Helyae, praefatam vero vicariam eidem Hugoni auctoritate nostra, si ejusdem ecclesiae utilistas id exposcat, conferre, et assignare curetis ; ipsosque in illorum corporalem possessionem inducatis, et defendatis inductos, facientes eumdem Helyam loco ipsius Hugonis in canonicum, et in fratrem ; ac praedictum Hugonem ad praedictam vicariam in perpetuum vicarium in dicta ecclesia recipi, ac eis de illorum juribus, et proventibus plenarie responderi, dicto Helyae stallo in choro, et loco in capitulo cum plenitudine juris canonici assignatis ; non obstantibus aliquibus ejusdem ecclesiae contrariis consuetudinibus, vel statutis juramento, confirmatione sedis apostolicae, sive quacumque firmitate alia roboratis ; aut si aliqui super receptione, ac provisione sua in eadem ecclesia specialiter, aut in illis partibus generaliter nostras, vel praedecessorum nostrorum Romanorum pontificum, seu legatorum dictae sedis litteras impetrarunt, quibus per hoc nolumus quoad assecutionem aliorum beneficiorum aliquod praejudicium generari ; seu si ... abbati et capitulo ejusdem ecclesiae a dicta sede indultum existat, quod ad receptionem, vel provisionem alicujus minime teneantur, et ad id compellis ; sive interdici, suspendi, vel excommunicari non possint ; aut quod de beneficiis ad collationem suam spectantibus nulli valeat provideri per litteras apostolicas, quae de indulto hujusmodi plenam et expressam non fecerint mentionem ; sive qualibet alia indulgentia dictae sedis, de qua, cujusque toto tenore de verbo ad verbum oporteat in nostris litteris specialem mentionem fieri ; et per quam effectus hujusmodi gratiae impediri valeat, vel differri ; contradictores per censuram ecclesiasticam appellatione postposita compescendo. Proviso, quod super iis nulla prorsus pravitas intercedat. Quod si non omnes iis exequendis interesse potueritis, duo vestrum ea nihilominus exequantur.

Datum Lugduni, VIII idus septembris, pontificatus nostri anno tertio.