9 mai 1290
Edition : Ernest Langlois, Les registres de Nicolas IV (1288-1292). Recueil des bulles de ce pape publiées ou analysées d’après les manuscrits originaux des archives du Vatican, 1886-1891, n° 2531.
Original : Reg. 45, c. 106, f. 18 r°.
Copie : Laporte du Theil, III, 85.
Copie : Collection Périgord, vol. 30, fol. 489 r° (donné à tort à la date du 9 mars 1290)
Sainte-Marie-Majeure, 9 mai 1290.
De compositione inter regem Angliae et episcopum et capitulum Vasatenses habita.
Venerabili fratri ... Engolismensi et ... Petragoricensi episcopis.
Exhibita
nobis carissimi in Christo filii ... regis Anglie illustris ac venerabilis fratris nostri ... episcopi et dilectorum filiorum capituli Vasatensis petitio continebat quod olim inter eundem
regem, ex parte una, ac episcopum et capitulum prefatos, ex altera, super temporali jurisdictione civitatis Vasatensis ejusque districtus, quam iidem episcopus et capitulum ad se spectare dicebant, ac justitiatu
aliisque diversis articulis materia questionis exorta, tandem mediantibus bonis viris, super premissis omnibus inter partes ipsas
amicabilis compositio intervenit, prout in litteris
inde confectis plenius dicitur contineri. Quare rex, episcopus
et capitulum predicti nobis humiliter supplicarunt ut compositionem eandem, quam in ipsius ecclesie utilitatem redundare asserunt, confirmare de benignitate apostolica dignaremur. Nos itaque, qui ecclesiarum omnium spirituale et
temporale affectamus augmentum,
super premissis per vos plenius
certificari volentes, fraternitati vestre, de qua plenam in Domino fidutiam gerimus, per apostolica scripta
mandamus quatenus utrum, consideratis circumstantiis universis, compositio predicta in prefate ecclesie, ut premittitur, utilitatem redundet, super quo vestras intendimus conscientias onerare, inquiratis, per vos vel per
alios, plene ac sollicite veritatem et quod inveneritis in hac parte nobis fideliter rescribatis. Datum