18 juin 1144

Bulle privilège du pape Lucius II en faveur de l’abbaye d’Uzerche.

Mention de Tourtoirac, de Puy-Girault (près de Puyguilhem), Saint-Méard de Gurson, Saint-Rémi, Saint-Géraud-de-Corps, Quinsac, etc.

Edition : Cartulaire de l’abbaye d’Uzerche (Corrèze) du X^e au XIV^e siècle, par J.-B. Champeval, 1901

Copie : http://guyenne.fr/ArchivesPerigord/Cartulaires/cartulaire_uzerche.htm (charte n° 2 et 950 du cartulaire d’Uzerche)

Deux copies de cette bulle existent : Dupuy, vol. 829 et Collection Baluze, vol. 377, Bibl. nat. Paris.

Lucius episcopus servus servorum Dei, dilectis filiis Bernardo, abbati Usercensis monasterii, ejusque fratribus tam presentibus quam futuris, regularem vitam professis in perpetuum. Desiderium quoad religionis propositum et animarum salutem pertinere monstratur, animo nos decet libenti concedere et petentium desideriis congruum impertiri suffragium. Eapropter, dilecti in Domino filii, venerabilis fratris nostri Petri Bituricensis archiepiscopi precibus inclinati, vestris justis postulationibus clementer annuimus, et prefatum monasterium, quod in honore Beati Petri fundatum est, sub ipsius apostolorum principis et nostra protectione suscipimus et presenti scripti privilegio communimus.

Statuentes ut quascunque possessiones, quaecunque bonaidem monasterium in presentiarum juste et canonice possidet, aut in futurum concessione pontificum, largicione regum vel principum, oblatione fidelium, seu aliis justis modis, Deo propicio, poterit adipisci, firma vobis vestrisque successoribus et illibata permaneant. In quibus hec propriis duximus exprimenda vocabulis :

Monasterium Sancti Petri Tusturiaci; Monasterium Agidunense cum omnibus possessionibus et pertinentiis eorum; Monasterium Sancti Medardi cum ecclesiis suis; Sancti Petri de Puniac, Sancti Martini de Montezeux, Sancti Remigii, Sancti Geraldi, et ceteris possessionibus suis; Ecclesiam Sancti Martini de Heremo; Monasterium Sancti Vincentii de Barciaco; Ecclesiam Sancti Petri de Montepesac; Capellam Sancti Jacobi de Landa; Ecclesiam de Por Girolini; Ecclesiam Sancte Marie de Userca, cum decimis et possessionibus suis; Ecclesiam Sancte Eulalie cum decimis suis; Ecclesiam Sancti Salvatoris cum possessionibus et decimis suis; Ecclesiam Sancti Pardulfi de Ves, cum decimis suis; Ecclesiam Sancti Vincentiani, cum decimis et possessionibus suis; Capellam Sancti Johannis Baptiste de Acuto Monte, cum possessionibus et cimiterio suo; Capellam Sancti Petri de Liginiaco; Ecclesiam Sancte Marie Magdalene de Mille Vacas, cum decimis suis; Capellam Sancti Petri de Brolio; Ecclesiam Sancti Martini de Gartempa; Ecclesiam Sancti Preiecti; ecclesiam Sancti Dulcissimi de Chambaret, et Capellam Sancti Nicolay de Monces, cum decimis et possessionibus earum; in Ecclesia Sancte Marie de Castaneto, marcam argenti a canonicis Sancti Leonardi vobis annualiter persolvendam; Ecclesiam Sancti Viti, cum decimis et possessionibus suis; Ecclesiam Sancte Marie de Albassania cum decimis et possessionibus suis; Ecclesia Sancte Marie de Lafaia; Ecclesiam Sancti Martini de Sodemia, et Capellam de Magoteira, cum decimis et possessionibus earum; Ecclesiam Sancti Ylarii de Celom; Ecclesiam Sancti Juliani de Condat, cum decimis et possessionibus earum; Ecclesiam Sancti Eparchii cum decimis et possessionibus suis; Ecclesiam Sancti Silvani cum decimis suis; Capellam Sancte Marie de Castaneto; Capellam Sancte Marie Magdalene Despinaciosa; et Ecclesiam Sancti Bibiani de Niol cum decimis et possessionibus earum; Capellam de Vitrac, cum duobus modiis tritici ab ecclesia Cambolive vobis annualiter persolvendis; Ecclesiam Sancti Angeli et Ecclesiam Sancti Saturnini de Quinsiaco, cum decimis et possessionibus earum.

Liceat autem vobis in parrochialibus ecclesiis quas tenetis honestos eligere sacerdotes qui nimirum diocesanis episcopis representatutr, et si idonei fuerint, curam animarum ab ipsis suscipiant, et illis de spiritualibus respondeant, vobis vero e rebus temporalibus debitam subjectionem exibeant. Obeunte quoque te nunc ejusdem loci abbate vel tuorum quolibet successorum, nullus ibi qualibet subreptionis astucia vel violencia praeponatur nisi quem fratres communi assensu, vel pars consilii sanioris secundum Beati Benedicti regulam providerint eligendum.

Sepulturam vero ipsius loci liberam esse concedimus ut eorum devocioni et extreme voluntati, qui se illic sepeliri deliberaverint, nisi forte excommunicati sint, nullus obsistat, salva justicia matricis ecclesie.

Ad indicium autem hujus a sede apostolica percepte protectionis, bizantium aureum nobis nostrisque successoribus annualiter persolvetis.

Decernimus ergo ut nulli omnimo hominum liceat prefatum monasterium temere perturbare, aut ejus possessiones auferre, vel ablatas retinere, minuere, aut aliquibus vexationibus fatigare; sed omnia integra reserventur eorum pro quorum gubernatione et sustentatione concessa sunt, usibus omnimodis profutura, salva diocesani episcopi canonica justicia et Apostolice Sedis auctoritate.

Si qua igitur in futurum ecclesiastica secularisve persona, anc (sic) nostre constitutionis paginam sciens contra eam temere venire temptaverit, secundo terciove commonita, si non satisfactione congrua emedaverit, potestatis honorisque sui dignitate careat, reamque se divino judicio existere, de perpetrata iniquitate cognoscat, et a sacratissimo corpore et sanguine Dei et Domini Redemptoris nostri Jesu Christi aliena fiat, atque in extremo examine districte ulcioni subjaceat.

Cunctis autem eidem loco justa servantibus sit pax Domini nostri Jesu Christi, quatinus et hic fructum bone actionis percipiant, et apud districtum Judicem premia eterne pacis inveniant. Amen. - Amen. - Amen.

Ego Rainerus presbiter cardinalis tituli Sancte Prisce subscripsi.

Ego Guido presbiter cardinalis tituli Sancte Laurentii et Damasi subscripsi.

Ego Manfredus presbiter cardinalis tituli Sanctae Savine subscripsi.

Ego Ugo presbiter cardinalis tituli Sancti Laurentii in lucinia subscripsi.

Ego Rodulfus diaconus cardinalis Sancte Lucie in septa solis subscripsi.

Ego Johannes cardinalis diaconus Sancte Marie Nove subscripsi.

Ego Guido diaconus cardinalis Sancte Romane ecclesie subscripsi.

Datum apud Montem Sancti Johannis, per manum Baronis, Sancte romane ecclesie subdiaconi, XIIII° kalendas julii, indictione VIIa incarnationis Dominice anno millesimo centesimo X°LIIII° pontificatus vero domni Lucii papae II. Anno primo.