III E 819– 27 juin 1655
Afferme des dîmes du Port et
du Breuilh
Scaichent tous présents et advenir que aujourd'huy
vingt septiesme jour du mois de juingt
mil
six cens cinquante et cinq avant mydy au bourgt de
sainct meard de dronne en perigord en la maison
de
Messire jean mayen prebtre curé du bourgt et
parroisse dudict St meard pardevant moy notaire royal
soubz signé et en presence
des tesmoingtz bas nommes
a esté présent en sa personne ledict
sieur mayen curé
susdict habitant dudict bourgt lequel de son bon gré et vollonté
pour
luy et les sciens hoirs et sucesseurs quelconques
faizant tant pour luy que
pour me jean
de roche greffier dudict St meard
et douchapt
habitant du village de landrodie parroisse
dudict
douchapt # d'ycy absant mais ledict sieur mayen
faizant pour luy auquel a
promis faire
ratiffier et aprouver et
allouer le contenu en ses
présentes a payne de tous despans
dommages
et interestz lequel sieur curé a afferme
comme afferme par ces présentes a hellies
du seyrou laboureur leonard
dupeyrou
aussy laboureur habitans du
village du port et
a jean puypeyroux tailheur
d'abis habitant
du village du breuilh le tout presente
parroisse et
a jean neulet marchant drapier habitant
du bourg de brassac audict perigord tous
quatre présents et pour eux et leurs hoirs
et sucesseurs quelconques stipullant
et acceptant
scavoir le quarteront du disme
de la parroisse
dudict sainct meard appelle du port et du breuilh
au della de la riviere et tout ainsin que les
fermiers devantiers avoient accoustume le jouir
sans soy reserver aucune
chose appartenant au disme
pour la presente annee seullement moyenant
la quantité de dix sept charges de bled
scavoir les
deux tiers froment et l'autre
tiers febves bailharges et advoyne payable
tout ledict bled le dernier jour du mois
d'aoust prochain venant a payne
de tous
despans dommages et interetz
a quoy lesdicts
leonard dupeyrou hellies du seyrou jean
puypeyroux et a jean neulet
ce sont
obligés chascun pour sa quatriesme
partie
seullement et pour cest effect ont oblige et
ypotheque tous et chascuns
leurs biens
meubles et immeubles présents et futurs quelconques
et ont renonce a toutes les renontiations
aux pactes contraires et ce ont promis et jure
aux saincts esvangilles le
livre touché a quoy
de leur vouloir et conssantement y ont
estés jugés et condempnés soubz le scel
royal par moy juré d'y celluy
faict
es presence de louis deladoire
hoste et
guilhou barthouloume
laboureur habitant
du présent bourg tesmoingts cognus
ledict
sieur curé a signé avec ledict deladoire
tesmoingt et non les autres tesmoingts
ny
lesdicts dupeyrou du seyrou et puypeyroux
et neulet pour ne scavoir escrire de
ce faire enquis # ledict de roche
comme affermier du sieur abbé de peyrouze
Mayent prebtre cure de st mer prometant
ce que dessus
L. dalladoyre présent
Delabonne notaire
Royal