Transcrition:

Cl. R. / déc. 2013

Double du contrat de mariage d’entre Roger Bernard comte de Périgord avec Alionor fille aînée du comte de Vendôme

page 1

In nomine Dei, noverint universi praesentes pariter et futuri quod cum pluribus habitis tractatibus inter magnificum et spectabilem virum dominum Bochardum Dei gratia comitem Vindocinensem, seu eius amicos et gentes duas et egregiae ac spectabilis dominae nostrae dominae Alionordis de Monte Forti comitissae Vindocinensis genitricis suae ex parte una, et magnificum ac potentem virum Rogerium Bernardi Dei gratia comitem Petragoricensem, seu eius amicos et gentes suas ex altera, super matrimonio contrahendo inter dictum dominum comitem Petragoricensem et nobilem domicellam Alionordim filiam primogenitam dicti domini comitis Vindocinensis et egregiae dominae Alionordis de Britannia coniugum, certa pacta, certaeque conventiones habitae et firmatae fuissent ; praefati domini comites volentes et cupientes dictam copulam fieri et complere matrimonium, et pacta et conventiones super eo habitas observari, compleri, et perfici cum effectu. Ipsi inquam domini comites et dicta nobilis domicella ad praedicta de facto et effectualiter processerunt in modum qui sequitur :

In primis quidem praefatus dominus comes Vindocinensis dedit et constituit dictae nobili Alienordi filiae suae cum praefato domino comite Petragoricensi in dotem et nomine dotis, viginti millia librarum turonensium parvorum, et ibidem dictus dominus

page 2

comes Petragorii pro se et heredibus suis, gratis et ex certa scientia confitens et recognoscens dictam summam viginti millium librarum turonensium pro dote et nomine dotis ejusdem nobilis domicellae ab eodem domino comite Vindocinensi habuisse et recepisse numerando integre, et sibi datam, persolutam et numeratam fuisse exceptioni eiusdem summae pecuniae non numeratae, traditae et receptae errore calculi et omni alii auxilio ex certa scientia renuntians, et inde reputans se contentum plenarie et paccatum pro dictis viginti millibis libris turonensibus dotis iuxta pacta inita et praehabita, in et super tractatu dicti matrimonii dedit, donavit et concessit, assignavit et tradidit, sine quasi iure proprio et in perpetuum absque omni et qualibet retentione dictae nobili domicellae Alionordi praesenti et pro se et suis heredibus ac successoribus recipienti mille libras turoneneses renduales annui et perpetui redditus, cum omnimoda iurisdictione alta et bassa, mero et mixto imperio, et eius exercitio, in et super castro, villa seu loco de Caussada Catucensis diocesis et omnibus pertinentiis et territorio, redditibus et emolumentis eiusdem ex integro ad habendum et ad eandem domicellam et suae heredes ac successores ac libere tenendum et possidendum in proprium hereditagium in perpetuum, tam in proprietate, quam in possessione seu quasi pleno iure et faciendo eiudem domicellae et suorum heredum ac successorum omnimodam atque plenariam voluntatem in vita pariter et in morte. De quoquidem castro villa et loca de Caussata, et suis pertinentiis, territorio, redditibus et emolumentis et aliis iuribus suis, dictus dominus comes

page 3

Petragoricensis pro se et suis heredibus ac successoribus se denudavit et spoliavit, et eandem domicellam pro se et suis heredibus et successoribus recipientem investivit et saisivit de eisdem eo meliori modo quo potuit tam de iure quam de facto, se etiam constituens ea nomine dictae nobilis domicellae tenere et possidere quousque de ipsis possessionem adepta fuerit corporalem, quam adipiscendi, intrandi et etiam retinendi propria authoritate per se aut eius haeredes seu alium aut alios deputatos. Idem dominus comes Petragoricensis licentiam, potestatem, et authoritatem plenariam et liberam concessit et tribuit absque requisitione et obtentione alterius licentiae ipsius domini comitis, et alterius cuiuscumque ; obligans se et promittens etiam dictus dominus comes Petragoricensis pro se et haeredibus ac successoribus suis, firma et valida et stipulatione interveniente, praedictae nobili domicellae pro se et suis haeredibus ac successoribus stipulanti et recipienti pro praedictis se tenere de evictione iuris et facti totali et particulari, contra quascumque personas ; et si litis causa vel quaestio dictae domicellae vel ejus heredibus et successoribus moveretur in iudicio vel extra, in, seu pro praedictis rebus et iuribus in toto vel in parte, ipsam litem, causam et quaestionem in se suscipere et ducere usque ad sententiam, a qua non potest apellari, suis propriis sumptibus et expensis, incontinenti cum sibi fuerit denuntiatum, et etiam si sibi non fuerit denuntiatum, max cum ad sui notitiam pervenerit remissa ex nunc per pactum denunciandi necessitate quam necessitatem denuntiandi litem ……. necessitatem huiusmodi ……. quaestionem ac controversiam ducendi quoquomodo de iure, vel aliter ipsi domicellae

page 4

et suis spectare posset expresse remisit ….. domicellae et jure et dictas res ab omni persona perpetuo defendere et authorisare et habentes in proprietate, possessione et quasi facere [prae-----ibus] (*) aliis ipsam domicellam possessorem et veram dominam …. et impedimento cessentibus et amotis et si redditus et emolumenta dicti loci de Caussada et pertinentibus annuatim … summam mille librarum turonenesium rendualium et annui et perpetui redditus supradictis non sufficerent ad perficiendum dictas mille libras turonenenses renduales et annui ac perpetui redditus, idem dictus comes Petragoricensis illud quod deest et restat, deesset et restaret de dictis mille libris turonensibus rendualibus et annui et perpetui redditus dedit, donavit et concessit, assignavit et tradidit seu quasi in loco seu castro de Monte Alzaco, et inde in loco de Moleriis pertinentiis ac territoriis, redditibus et emolumentis eorumdem, et etiam cum omnimoda iurisdictione, alta et bassa, mero et mixto imperio et eorum exercitio, et inde eaque in aliis locis terrae suae Caturcinii magis propinquiis usque supplementum integrum mille librarum turonenesium rendalium et annui ac perpetui redditus praedictarum ad habendum similter et possidendum in perpetuum in proprium haereditagium una cum dicto loco de Caussata tam in proprietate quam in possessione et quod pleno jure ad faciendum eiusdem domicellae suam et haeredum ac suorum successorum omnimodam ac plenariam voluntatem in vita pariter et in morte, de quibus quidem locis et pertinentiis

page 5

ac territoriis redditibus et emolumentis ac juribus quibuscumque suis usque ad supplementum dicti desiderii ; similiter se denudavit, totaliter spoliavit, et dictam domicellam et suos investivit et saisivit de eisdem, se etiam constituit tenere et possidere quousque de eisdem possessionem adepta fuerit corporalem quam intrandi et etiam retinendi propria authoritate vel licentiam plenariam et de particulari tenere eidem domicellae et suis vluit, et se efficaciter obligavit ac solemni interveniente stipulatione promisit cum clausulis superius insertis eidem iterum expressatis, quas pro repetitis etiam haberi voluit pro ut de loco de Caussata praedicto sunt superius expressatae, acto tamen quod dictus comes Petragoricensis tenebit dicta viginti millia librarum turonensium dotis et gaudebit ac percipiet dictas mille libras turonenses renduales annui et perpetui redditus pro eis ut est praemissum datas, assignatas, pro sustentatione onerum matrimonalium quamdiu vixerit in humanis et post decessum eiusdem domini comitis Petragoricensis dictae mille librae turonenses renduales annui ac perpetui redditus et loca, redditus et emolumenta, etiam cum omnibus aliis iuribus suis quibuscumque super quibus datae, assignatae, et traditae existunt, eidem domicellae vel suis haeredibus et successoribus ex tunc in perpetuum tanquam suum proprium haereditagium remanebunt totaliter pro facienda eiusdem domicellae et suorum heredum ac successorum perpetuo omnimoda atque plenaria voluntate in vita pariter et in morte, absque exceptione, contradictione ac impedimento quibuscumque, viginti millibus librarum dotis praedictae remanentibus haeredibus domini Petragoricensis comitis antedicti, praeterea praefatus

page 6

dominus comes Petragoricensis pro se et haeredibus et successoribus suis zx conventione praehabita dedit, constituit et assignavit eidem domicellae praesenti et recipienti pro doario seu sponsalitio suo, seu in donationem propter nuptias alia mille libras turonenses renduales annui et perpetui redditus cum omnimoda iurisdictione alta et bassa, mero et mixto imperio et exercitio eorumdem in et super tota sua terra de Caturcinio et de Tholos. et alia terra sua dictis locis magis propinqua nisi sufficeret terra praedicta ad dictas mille libras et redditibus emolumentis, territoriis ac pertinentiis eorumdem, et primo tam in locis superis expressatis, si qua restant, ultra libras mille turoneneses renduales annui ac perpetui redditus, pro haeritatgio perpetuo, ut praedicitur, assignatas et datas, quam aliis locis non expressatis terrae praedictae de Caturcinio et Tholos., et alterius magis propinquae, quasquidem mille libras turonenenses renduales annui et perpetui redditus pro doario seu sponsalitio seu in donationem propter nuptias, ut est dictum, assignatas, habebit libere et tenebit dicta domicella, quamdiu vitam duxerit, inhumanis super vixerit dicto domino comiti Petragoricensi, et eas et loca ac terram super quibus sunt assignatae recipiet, et et habebit et recipere et habere poterit sua propria authoritate irrequisita licentia ipsius domini comitis haeredum et aliorum quorumcumque incontinenti post decessum dicti domini comitis Petragoricensis ipsa domicella absque dilatione et contradictione ac impedimento quibuscumque, pr facienda eiusdem voluntate ad totam vitam suam, ut est dictum, et ipsa domicella vita finita ad haeredes dicti domini comitis Petragoricensis, libere revertentur, promisit etiam dictus dominus comes Petragoricensis, firma interposita stipulatione

page 7

et per pactum solemne dictae domicellae stipulari assidere ac assituare et assignare primo dictas mille libras turonenses renduales annui et perpetui reddictus, pro haeteditagio in perpetuum datas et traditas in et super castro villa et loco de Caussata et aliis superius nominatis, ut super similter plenius cavetur et deinde dictas alias mille libras turonenses eo modo quo supra cavetur, pro doario seu sponsalitio seu in donationem propter nuptias ad vitam ipsius domicellae, ad simplicem et primam requisitionem dictae domicellae vel suorum amicorum et eandem de isdem mille libris turonensibus rendualibus, annui et perpetui redditus, in perpetuum pro haeritagio datis, necnon et villis seu castris, terra et locis ac iuribus suis quibuscumque super quibus, ut est matius praemissum, dictae mille librae renduales annui et perpetui redditus, erunt assituatae, assissae, ac etiam realiter assignatae, ut est dictum, in vacuam et realem possessionem et quasi inducere et se spoliare et denudare totaliter de eisdem in iudicio ut utilius fieri poterit ad utilitatem eiusdem domicellae et suorum haeredum ac successorum ipsius in fidem et homagium domini nostri regis recipi faciendo, ideo tamen quod ipsa domicella, pro haeredibus suis jus bonum proprietatis habeat de eisdem pleno jure tam in proprietates, quam in possessione et quasi et non ponit in eis impediri quatenus libere percipere et gaudere valeat eisdem, salvo quod dictus dominus comes Petragoricensis eas percipiat ad vitam suam prout supeius est expressum, et fuit actum et in pactum solemne

page 8

vallatum, stipulatione deductum inter dictum dominum comitem Vindocinensem et dictame eius filiam ex una parte et dictum dominum comitem Petragoricensem ex altera, quod dictae assituatio, assignatio, et assissio, tam dictarum mille librarum in haereditagium perpetuum datarum, quam aliarum mille librarum pro doario, seu sponsalitio et in donationem propter nuptias constituarum dictae domicellae fient et fieri debent juxta et ad aestimationem fiedam per quatuor probos viros duos videlicet a qualibet parte eligendos et deputandos qui dictam facient aestimationem iuxta, et secundum quod redditus dictae terrae, valorem et arrendam dare consueverunt, aut juxta et ad praetium et valorem pro quo ipsa terra de Caturcinio et Tholos. Tradita fuit … aliter a praedecessoribus dicti domini comitis Petragoricensis, per dominum nostrum regm, et eius inclitae recordationis

praedecessorem ad electionem et obtionem domini comitis Vindocinensis praedicti cuis electioni et obtioni videlicet juxta et secundum reditus valerent arrendari consueverunt communiter, vel secundum, juxta et ad praetium et valorem pro quo alias traditae fuerunt aestimationem fieri velit statur et stari debet contradictione cessante quocumque promittentes ipsae parte et earum quaelibet sibi ad invicem per pactum solemni stipulatione vallatum, circa dictam faciendam et complendam et assituationem, assignationem ac etiam aestimationem nullum impedimentum malitiose se praestare vel aliquid aliud facere quod deseri possit, fuit etiam actum, et in pactum solemne deductum expresse inter partes praedictas quod si ex dicto matrimonio infans seu infantes masculi ex ipsis domino

page 9

comite Petragoricensi et domicella nati superstites extiterint post ipsum dominum comitem Petragoricensem quod primogenitus ipsorum filiorum masculorum vel aliud de post natis eorumdem, sit et erit comes Petragoricensis et haeres universalis ejusdem domini comitis Petragoricensis, et totius terrae suae Et fuit etiam actum et conventum expresse in pactum cum omni stipulatione solemni deductum intr ipsas partes, quod in casu quod dicta domicella dicto domino comiti Petragoricensi supervixerit extantibus liberis masculis ex ipsis duobus legitime procreatis, medietas viginti millium librarum turonensium dotis, si sibi fuerit res tituta, aut medietas dictarum mille librarum turonensium annui et perpetui redditus eidem in haeritagium datarum et assignatarum pro eis, ad ipsos liberos masculos, post decessum eiusdem domicellae, sine ad alias convolaverit nuptias, sine non, libere revertatur. Aliam vero medietatem retinebit et habebit ipsa domicella in casu proxime dicto, de qua ordinare poteri, ad eius perpetuam et liberam voluntatem, et in casu quo ipsa domicella praedecessert relictis liberis, sine non, quod possit facere testamentum, et legare ad pias causas de dicta dote usque ad summam duorum millium librarum turonensium et infra et retinere et obligare et deputare dictas mille libras turonenses annui et perpetui redditus pro haereditagio datas et assignatas per duos annos post suum obitum computandas pro solvendis legatis praedcitis non obstante quo supra actum fuerit quod dictus dominus comes Petragoricensis eas percipiat ad vitam. Et nihilominus fuit actum et concordatum inter praedictas partes et in pactum solemne deductum quod

page 10

omnia jocalia et res mobiles et se moventes quas dicta domicella portabit et ponet in potestate dicti domini comitis Petragoricensis justo praetio estimabuntur et ipsa res vel earum aestimatio eidem domicellae salvae remanebunt, et eas vel earum aestimationem recuperabit et portabit integre ipsa domicella, nisi ipsa easdem alienaverit absque licentia domini comitis Petragoricensis praedicti. Quasquidem donationem, concessionem et assignationem et traditionem et quasi dictarum mille librarum turonensium rendualium annui et perpetui redditus, pro doario seu sponsalitio seu in donationem propter nuptias ad vitam ipsius domicellae, necnon promissiones, pacta et conventiones et omnia et singula superius contenta, et eorum quodlibet quatenus ipsum tangunt et tangere possunt perpetuo grata, rata, firma habere, tenere, observare, complere ac perficere et in nullo contrafacere vel venire per se seu per aliam interpositam personam verbo vel facto in iudicio extra valida stipulatione interveniente, promisit dictus dominus comes Petragoricensis dictis domino comiti Vindocinensi et domicellae filiae suae et eorum cuique stipulantibus et recipientibus haeredibus ac successoribus suis et mihi Bertrando comitis notario publico infrascripto tanquam publico nomine omnium illorum quorum interest vel intererit solemniter stipulanti pacto etiam expresso interveniente. Recognoscens etiam omnia

page 11

et singula praemissa fuisse pacta et conventa in tractatu matrimonii antedicti, asserens etiam eidem domino, comes Petragoricensis se nihil fecisse, seu ordinasse quominus praedicta omnia et singula firma et stabilia perpetuo maneant et obtineant roboris firmitatem et sic praemissa tenere et complere in nullo contrafacere vel venire nullo modo iuravit ad sancta Dei Evangelia per eum corporaliter sponte tacta sub refectionne damnorum interesse et expensis litis et extra, obligando dictus dominus comes Petragoricensis et hypothecando expresse super praedictis a praedicta eidem comiti Vindocinensi et domicellae, ac mihi dicto notario recipientibus et stipulantibus prout supra se et haeredes suos et bona sua et haeredum suorum mobilia et immobilia presentia atque futura …. Renuntians etiam expresse et sub virtute per eum praestiti iuramenti [-----------] (*) de iure et de facto ut dixit omni exceptioni doli et in factum conditionis sine causa, et ex non iusta causa et ob causam, et juri dicenti donationem ex causa ingratitudinis revocari posse, et factam sine insinuatione judicis non valere et omni beneficio competenti ultra dimidiam circonventis, et iuri dicenti seu caventi dotem et donationem propter nuptias debere aequis passibus ambulare et aequalitatem servandam in dote et donatione propter nuptias, et anthenticae si qua mulier de dote dedit, errorum calculis, consuetudini iuris et facti, omni auxilio, privilegio et beneficio per quod praemissis in totum vel in partem posset modo aliquo obviare, volens et concedens dictus dominus comes Petragoricensis quod dictae renuntiationes quamquam generales existant per inde, et tantum valeant ac etiamoperentur ac si omnes foros utriusque juris civilis et canonici ac consuetudine locorum quibus praemissis obviari posset in aliquo hic fore ut singulariter et sigillatim expressati, et per omnia expresse renuntiatum eisdem et cuilibet ac beneficiis eorumdem

page 12

aut pervenire posset, quod eo casu ipsa nobilis domicella veniat et venire possit ad successionem et partagium tam haereditagium quam aliorum bonorum dicti domini patris sui ac dictae dominae matris suae et cuiuslibet eorum una cum aliis sororibus suis pro portione ad eam de iure vel consuetudine pertinente, reportando tamen dotem sibi superius constitutam, non obstantibus quibuscumque consuetudinibus et renuntiatione praesenti et aliis sibi dictis filiis tamen masculis ex eodem domino comite Vindocinensi, legitime procreatis et descententibus extantibus reservatio hujus modi effectu careat et nullius sit valoris, et subsequenter eodem instanti nobilis vir dominus Guilhelmus Bonifacius miles procurator reverendi patris in Christo ac domini domini Talayrandi Dei gratia divina providentia sacrosanctae Romanae Ecclesiae tituli Sancti Petri ad vincula presbiteri cardinalis fratris dicti domini comitis Petragoricensis de qua procuratione constitit quasdam patentes litteras sigillo dicti domini cardinalis in cera rubea etiam retro sigillo suo impendenti sigillatas ut de earum serie apparebat quarum tenor sic est :

Noverint universi praesentes litteras inspecturi quod nos Talayrandus miseratione divina titul. Sancti Petri ad vincula praesbiter cardinalis facimus, constituimus, creamus ac etiam ordinamus ….. certos ac indubitatos procuratores, actores, factores ac nuntios speciales, videlicet venerabiles viros magistros … de Sancto Asterio, Ademarum de Novavilla canonicum Petragoricensem ac nobilem virum dominum Guillelmum … Caturcensis diocesis familiares nostros et quemlibet eorum in solidum. Ita quod occupantis conditio [pej--] (*) non existat et quod alter eorum inceperit alter eorum valeat et finire dantes et conncedentes eis et cuilibet eorum in solidum plenam et liberam potestatem, generale ac speciale mandatum ratificandi et approbandi pacta concordanda et solemnisanda super matrimonio contrahendo inter magnificum dominum dominum comitem petragoricensem, et nobilem domicellam Alionordim filiam

page 13

primogenitam magnifici viri domini comitis Vindocinensis et specialem obligationem, traditionem et annui et perpetui reddictus pro hereditagio in perpetuum pro se et heredibus et successoribus suis in loco de Caussada et locis de Monte Alsaco et de Moleriis et aliis magis propinquiis terrae dicti domini comitis et pertinentiis earum et de aliis mille libris dictae monetae annuique redditus annualibus ad vitam ipsius domicellae pro doario seu sponsalitio suo in terra dicti domini comitis Petragoricensem de Caturcinio et Tholosano et aliis magis propinquis … quittando et renuntiando omni juri quod et si quod nobis competit vel competere potest ratione legitimae jure naturae, debitae substitutionis vel legati in quocumque testamento vel alia ultima voluntate facti vel alias et quacumque causa in locis supra quibus assignabuntur, assidentur et tradentur dicta duo millia librarum turonensium parvorum rendualium annui et perpetui redditus cum pacto valido de non petendo aliquo modo in dictis locis vel eorum aliquo rationibus et causis praemissis, quatenus obligationi, assignationi e assignationibus praedictis preiudiciare posse tac insuper praedicta firmandi cum sufficienti [-----ptione] (*) et omnia alia et singula faciendi et exercendi quae in praemissis et circa ea necessaria fuerint, seu etiam opportuna, etiam si mandatum exigant speciale, promittentes nos gratum, ratum et firmum perpetuo habituros quicquid per dictos procuratores nostros et quemlibet eorum actum fuerit in praemissis, seu dictum ratificatum, approbatum, quitatum et renuntiatum, seu quomodolibet procuratum. In cuius rei testimonium praesentes litteras fieri fecimus et sigillorum appensione muniri. Datum Avenione in hospitio habitationis nostrae die decima quinta mensis anno a Nativitate

page 14

Domini millesimo trecentesimo trigesimo octavo, pontificatus sanctissimi in Christo patris domini Benedicti divina providentia papa duodecimi anno quinto, nomine procuratorio eiusdem domini cardinalis ratificavit et pro ipso praesentibus dictis dominis et comitibus et nobili domicella praedicta pro se et suis et me notario ut superius, recipientibus, ratifficavit et approbavit praedictas donationes, concessiones, traditiones, assignationes ac constitutiones, obligationes, pacta et promissiones factas et concessas per dictum dominum comitem Petragoricensem fratrem eiusdem domini cardinalis, et omnia alia et singula suprascripta etiam eidem procuratori singula inter perlectas ac perlecta et per eum, ut asseruit, audita et intellecta ad plenum, renuntians omni juri quod et si quod ipsi domino cardinali comperit vel competere potest ratione legitimae jure naturae debitae substitutionis fidei comisti vel legati in quocumque testamento, seu alia quacumque ultima voluntate factae, vel alias quoquomodo vel ex causa quacumque in locis praedictis de Caussada, de Monte Alzaco et de Moleriis et allis terra Cathurcinii et Tholosani et alia magis propinqua pertinentiis, territorio, redditibus, emolumentis et iuribus eorumdem super et in quibus sunt dictae mille librae turonenses renduales annui et perpetui redditus in haereditagio in perpetuum et aliae mille librae turonenses pro doario seu sponsalitio aut donatione

page 15

propter nuptias ad vitam eidem domicellae assignare, quatenus donationi, concessioni, traditioni, assignationi et constitutioni dictarum summarum et reddituum factis superius et assignationi et assisioni praedictae praejudicare posset, in totum vel in partem, juxta potestatem eidem per dictas litteras attributam. Promittens idem procurator, nomine procuratorio, quod supra dicti domini cardinalis dictae dmicellae pro se haeredibus ac successoribus suis recipienti firma et interposita stipulatione dictum dominum cardinalem nihil petere per se vel suos successores seu alios et volenti praeterire … consentire in praedictis locis et etiam vel eorum aliqua parte in et super quibus sunt dictae … tam pro hereditagio quam donatione propter nuptias … assignatione nec aliquod impedimentum seu turbam donare quominus ipsa domicella per se et heredes ac successores suos eisdem locis et redditibus ac emolumentis et juribus quibuscumque eorumdem gaudere libere valeat modo et formis superius expressatis sub refectione damnorum interesse et expensis litis et extra, obligando nomine quo supra pro jure praedictis per ipsum dominum cardinalem et suos tenendis, ferrandis et complendis dictae domicellae pro se et suis heredibus et successoribus recipienti bona omnia et singula dicti domini cardinalis mobilia et immobilia praesentia pariter et futura. Renuntians omni exceptioni doli et in factum condictioni ob causam et sine causa et ex non justa causa, necnon iuribus dicentibus ac renuntiationem ac transactionem seu pactum non valere nisi … testamenti ac codicilli inspectis et omnibus aliis juribus et consuetudinibus, beneficiis, privilegiis et aliis quibus contra praemissa posset de jure vel de facto … vel venire. Et ibidem etiam nobilis et potens vir dominus Almaricus vicecomes Lautricensis dominus de Ambricio et nobilis domina Margarita de Petragorio (*) eius uxor ac nobilis eorumdem conjugum filius primogenitus autorisatus ibidem a dicto patre suo et cum authoritate et consensu ejusdem omnes praefati domini conjuges et eorum filius et eorum quilibet ad haec specialiter certificati de jure suo et de facto, visis testamentis dictorum dominorum comitum Petragorii quondam bonae memoriae et aliis instrumentis de comitatu et terra infra expressatis facientibus mentionem ut dixerunt pro se et heredibus ac successoribus suis etiam dictus dominus Almaricus vicecomes pro aliis liberis suis et dictae dominae Margaritae et tanquam pater et legitimus procurator eorumdem gratis et ex certa scientia dictis dominis comitibus et ipso nobili domicella pro se et suis et me notario recipientibus

page 16

et stipulantis prout supra ratificaverunt, confirmaverunt et approbaverunt donationes, concessiones, assignationes et constitutiones factas per dictum dominum comitem Petragoricensem dictae nobili domicellae Alionordi de mille libris turonensibus rendualibus annui perpetui redditus pro hareditagio in perpetuum in et super locis et terra superius expressatis et de aliis mille libris turonensibus annui et perpetui redditus ad vitam pro doario seu

page 17

sponsalitio aut donatione propter nuptias et etiam praedictas promitiones et conventiones supradictas, et omnia alia et singula supradicta per eos, et eorum quemlibet, ut assuererunt, audita et plenarie intellecta, renuntiantes etiam et eorum quilibet et quibus supra nominibus omni juri quod et si quod, etiam et eorum cuilibet et aliis liberis suis competit et competere potest, in dicti locis et terra, in et super quibus dictae summae renduales assignatae et traditae, ut superius est dictum, existant, ratione legitimae iure naturae debitae successionis substitutionis fidei commissi, legati in quocumque testamento vel alia quacumque voluntate de facto vel aliter quoquomodo, vel ex quacumque causa, et etiam renuntiantes expresse omni juri eisdem vel aliis suis liberis vel eorum cuilibet competenti et competere potenti in comitatu Petragoricensi et tota terra bonae memoriae domini Heliae Talairandi patris et domini Archambaldi fratris dictae dominae Marguaritae comitum Petraguoricensium quondam et in terra dicti domini nunc comitis Petraguoricensis, ex causis vel rationibus praemissis vel aliis quibuscumque, existentibus tamen liberis masculis et super viventibus ex ipsis domino comite Petraguoricensi et domicella Alionordi … et aliter non promittentes praedicti domini Almaricus et domina Marguarita et Almaricus eorum filius autoritate predicta et quibus pro se et quibus supra firma interposita stipulatione eidem domicellae pro se et suis heredibus et successoribus recipienti

page 18

ac mihi notario praedicto tanquam publicae personae, nomine omnium et singulorum quorum interest vel interesse poterit solemniter stipulanti se vel alios eorum liberos aut eorum aliquem nihil petere vel volenti petere consentire per se vel per aliam interposiam personam in iudicio nec extra verbo ac etiam facto in locis et terrae in et super quibus dicta duo millia librarum turonensium redditus, tam pro haereditagio, quam ad vitam assignatae et traditae sunt superius, nec impedimentum aliquod aut turbam aliquo modo inferre eidem domicellae vel suis haeredicbus et successoribus quatenus eis gaudere valeat et percipere modo superius expressato, promittens nihilominus ut superius se vel dictos liberos vel eorum aliquem nihil petere a modo ex causis praedictis vel aliis quibuscumque in comitatu Petragoricensi et tota terra nominorum quod et qui nunc est comitum Petregorii, extantibus tamen liberis masculis legitimis et super viventibus in ipso domino comite et domicella procreatis, et insuper dicti dominus Almaricus et domina Margaritta conjux et eorum quilibet promiserunt eidem nobili domicellae et mihi notario praedicto ut supra recipientibus stipulantibus se facturos et curaturos cum effectu quod eorum liberi qui sunt aetatis ad hoc sufficientis scilicet masculi quatuordecim annorum et femellae duodecim annorum et alii cum aetatis praedictae fuerint praedicta omnia et singula ratificabunt et approbabunt et confirmabunt et renuntiabunt juri sibi competenti in praedictis locis comitatu et terris modo et forma superius proxime scriptis cum obligationibus et renuntiationibus ac authoritate opportunis et medio juramento ad simplicem et primam requisitionem dicta nobilis domicellae vel suorum amicorum et sic praedicta omnia et singula quatenus eos et eorum quemlibet tangit dicti dominus Almaricus domina Margaritta et Almaricus eorum filius ad Sancta Dei Evangelia sponte tacta corporaliter juraverunt sub refectione damnorum interesse et

page 19

expensis litis et extra, obligantes et hypthecantes expresse pro praemissis et ad praemissa se et heredes suos ac bona sua et haeredum suorum quaecumque mobilia et immobilia praesentia et futura, renuntiantes expresse omni exceptioni doli et in factum condictioni ob causam et sine causa et ex non justa causa ac restitutioni in integrum et si justa videbitur et juribus caventibus renuntiationem ac transactionem vel pactum non valere nisi verbis testameti ac codicilli inspectis et omnibus aliis juris et facti ac consuetudinis beneficiis auxiliis et privilegiis quibus contra praemissa venire non possent aut ea in totum vel in partem modo aliquoinfirmare, dominus Almaricus de et cum authoritate domini patris sui praedicti asseruit jure se fore maiorem quatuordecim annorum, promittans et sub virtute praedicti juramenti non venire contra praemissa aliqua ratione suae minoris aetatis et restitutionis in integum sub virtute praedicti juramenti et omni alii juri ….. posset deffendi vel juvare obviando qualitercumque praemissa omnia quidem dominus Almaricus recognovit … omnia et singula fuisse factae per dictam dominam suam et per dictum eius filium de et cum authoritate … pariter et assensu quibus pactis eodem loco … de praedictis dictum comitem Petragoricensem et nobilem Alienordim astante sibi domino supradicto comite Vindocino patre suo et consentiente, inter manus reverendi patris in Christo domini J. Dei gratia Coseranensis episcopi matrimonium … consummatum. Acta fuerunt haec apud Rupem Curbam in aula hospitii vocati Novi Egregiae… dominae Alionordis de Monte Fortis comitissae Vindocinensis, die tertia introitus mensis februarii, anno ab incarnatione Domini millesimo trecentesimo trigesimo octavo, illustrissimo principe domino Philippo Dei gratia rege Franciae et Navarrae regnante, in praesentia et testimonio nobilium virorum et dominorum Joannis de Vindocinio de Monteforti, Petri de Petragorio, Petri Vigerii Joannis de Salmarazio, Guilberti Pecuti et Isarni de … filii, nobilis et potentis viri domini de Mirapiscis, venerabilium virorum dominorum Frontii … legum doctoris canonici Caturcensis, Raymondi de Sancta Gemma, Reneti de Sancto Stephano et Simonis de … in legibus licentiatorum, Guilhelmi Fabri rectoris ecclesiae de Dolecuria et magistri Arnaldi Calaretis notarii ac magistri Isarni capellani Castri Novi de Brassiaco Castrensis diocesis notarri publici domini nostri regis, qui de praemissis cum simile recepit instrumentum publicum seu publica instrumenta et mei mei Bertrandi Comitis notarii regii de Calsiata Caturcensis diocesis qui requisitus et mandatus de praemissis grossandum semel vel pluries cuilibet dictarum partium presens publicum instrumentum recepi scripsi et signo meo consueto

page 20

signavi et successoribus stipulantibus et ego Isarnus Cappelli authoritate regia publicus notarius antedictus qui de praemissis recepi consimile instrumentum praesenti publico instrumento facta collatione cum nota seu protocollo meo me subscripsi et signum meum apposui consuetum.

Et ad maiorem firmitatem et in fidem et testimonium praemissorum, in instrumento superius scripto contentorum et quod dicti notarii sunt publici et publica recipere et conficere instrumenta consueverunt, Nos Bouchardus Dei gratia comes Vindocinensis et nos Rogerius Bernardi Dei gratia comes Petragoricensis et Alienordis de Vindosinio ejus consors, et nos Almaricus vicecomes Lautricensis dominus de Ambrico et Marguarita de Petraguorio eius uxor hic sigilla nostra apponi fecimus inpendenti quae vel eorum aliquod vel aliquid si vetustate vel aliter rumpi obprimi vel amoveri contingat nihilominus contenta in dicto instrumento perpetuam obtineant firmitatem.

(*) passages peu lisibles et/ou mot non déchiffré.

<< Retour