Transcription (Cl. R.) ci-après :
Copie de la transcription tardive (18ème?)
(Photos Cl. Ribeyrol):
1er cliché :
2ème cliché :
3ème cliché :
4ème cliché :
AD 64/ E 716 / Claude Ribeyrol / mars 2020
Nos, judex vicecomitatus Lemovicensis pro excellentissimo principe et domino
domino vicecomite predicti vicecomitatus, notum facimus universis quod coram
fideli commissario nostro curiaeque predicti vicecomitatus Lemovicensis
jurato subscripto ad hec a nobis specialiter depputato et testibus inferius
nominatis, personaliter constituto egregio et potenti principe et domino
Johanne de Britaignia vicecomite predictae vicecomitatus Lemovicensis domino
que de Aquila et de Securio pro se et suis heredibus et successoribus tam
presentibus quam futuris quibuscumque, ex parte una, et Andoyno Lobart domicello
domino de Campendus etiam pro se et Gaufrido Lobart fratre suo licet absente
sed dicto Andoyno una cum dicto commissario et jurato nostro subscripto
pro ipso Gaufrido sollempniter stipulante, a quo Gaufrido et per quem promisit
et juravit dictus Andoynus ad Sancta Dei Evangelia manualiter, libro tacto,
omnia et singula in presentibus libris contenta facere laudari, approbari,
ratifficari et omologari, ac literas istis cum juramentis renunciationis
obligationis et aliis clausis ad hec necessariis et opportunis in bona et
valida forma concedi facere pena ducentorum scutorum auri dicto domino principi
applicandorum tociens quociens per dictum dominum principem, aut suos seu
ejus procuratorem dicti potestatem habentem requisitus fuit et cuicumque
ipsorum heredibus et successoribus universis parte ex altera, cum lis, questio
debatum et controversia, ac questionis materia essent motae et ortae inter
dictum dominum principem ex una parte et dictum Andoynum Lobart nomine quo
supra ex alia parte. Videlicet de et super hoc quia cum dictus Andoynus
Lobart nomine predicto requireret et supplicaret dicto domini principi quantus
ipse dominus princeps predictum Andoynum Lobart quo supra haberet recipere
et admittere ad homagium quod sibi offerebat facere necnon et omnia jura
et deveria quecumque que predictus Andoynus Lobart nomine predicto posset
sibi debere et teneri facere quojusmodo, tam ratione loci de Lasena parrochiae
de Nexonio, cum omnibus suis pertinensiis quam ratione loci de Valle Onbosquet
parrochiae de Carovico cum pertinensiis suis universis, quam etiam ratione
censuum reddituum et aliorum quorumcumque que solebat tenere condam magister
Guilhelmus Chati cui mediantibus quibusdam personis successerunt predicti
fratres heredes dicto domino principe dicentes et asserentes que premissa
sibi spectabant et pertinebant seu spectare et pertinere debebant ex eo
et pro eo quia dictus condam magister Guilhelmus Chati premissa acquisiverat
et non fuerat investitus de eisdem nec fecerat debitum seu donum quae pro
premissis facere debuerat dicto domino principi nec suis predecessoribus
et per plures alias rationes per dictum dominum principem dictas propositas
et alleguatas. Hinc est que die hodierna subscripta ad instantiam supplicationem
et requestam, nonnullorum nobilium virorum parentum et amicarum dictorum
fratrum, preffatus dominus princeps non inductus vi vel dolo, nec machinatione
aliqua, ymo gratis, sponte, provide et scienter, ut dixit et asseruit, prenominatum
Andoynum Lobart nomine predicto recepit et admisit et premissa sibi dimisit,
et liberavit, et hec cum proactis et conventionibus quae sequntur, videlicet
quae predictus Andoynus Lobart nomine predicto tenet nec sui non potuerunt
nec debebunt praemissa superius declarata transportare seu ponere extra
manus suas aliquomodo, absque [-----] licentia et congedio preffati domini
principis aut suorum, super hoc prius habitis et obtentis et casu quo ponerent
seu transportarent premissa extra manus suas aliquomodo, et casu predictus
Andoynus Lobart nomine quo supra, voluit et expresse consensiit quod dictus
dominus princeps et sui possint et valeant et eisdem licitum sit et premissum
praemissa omnia et singula [re-------] et retineri portio domini nostri
Franciae regis turonensis in patria. Salvo tamen et absqueprejudicio censuum
et reddituum ac aliorum dominiorum quos dictus dominus princeps haberet
modo aliquo in et super premissis superius declaratis quos preffatus Andoynus
Lobart nomine quo supra tenebitur solvere aut solvi facere pertinentiarum
et proprietarios premissorum annuatim terminis debitis et per solvi consuetis,
promittens ulterius prefatus Andoynus Lobart nomine quo supra emendare,
solvere, reffundare ac integre ressarcire omnia dampna sumptus missiones
inter esse doppredicta et expensis quos, quas et quae preffatus dominus
princeps et sui heredes et successores facerent paterentur aut modo aliquo
sustinerent ob moram culpam seu aissidium ipsius Andoyni Lobart nomine predicto
aut suorum et conplementi premissorum ad ipsius domini principis aut suorum
simplex verbum seu juramentum et sine aliqua alia probatione quacumque non
obstante jure dicente aliquem hominem, judicem costem ( ?) seu arbitrum
in re seu causa propria esse non posse, cui juri prenominatus Andoynus Lobart
nomine quo supra, super hoc renunciavit expresse renuncians ulterius super
premissis omnium exceptione doli, mali, fori, loci actionem indebitum conditionem
nobilibus viris domino Bernardo de Bonavalle milite et Petro de Royeyria
domincello testibus ad premissa vocatis specialiter et roguatis die vicesima
secunda mensis junii anno Domini millesimo quadringentesimo tricesimo quarto
Signé P. de Bosco.