Remarques préliminaires :

• document décrit au chapitre 27 (Château Chervix), cotté n° 3 (inventaire Jean Fabre de 1546, registre E 607, f° 285 r°)
• voir notre transcription ci-après.

Copie du manuscrit (Photos Cl. Ribeyrol):

1er cliché :

Dos du manuscrit:

Transcription (Claude RIBEYROL avril 2020)

A tous ceulz qui ces lettres verront, Hugues Aubriot chevalier garde de la prevosté de Paris, salut. Savoir faisons que nous, l'an de grace mil CCC (soixante)

et quinze, mercredi 23ème jour de may veismes vues lettres scellées du grant scel du Roy notre sgr, contenant ceste fourme : Charles par la grace

de Dieu roy de France au seneschal de Lymosin ou à son lieutenant, salut. Savoir vous faisons que pour certaines causes qui à ce nous

ont meu et meuvent nous avons ottroié et ottroions de certaine science et grace especial par ces presentes à nostre très chiere et amée cousine la du-

-chesse de Bretaingne vicomtesse de Lymoges que de toutes les rentes, revenues, proffiz et emolumiens de la dite viconté elle joisse entierement

et les ait et prengue senz contredit comme sa propre chose. Et aussi que le fort et chastel de Chervit lui soit baillié et delivré et à soy certain

commandement realment et de fait veues ces présentes. Et vous mandons et enjoingnons estroitement que des dites rentes, revenues, proffiz et emolu-

-mens vous faites bailler et delivrer ou à ses dictes gens senz contredit, reffuz ou contradiction aucune. Pourveu conteneues que les gages

anciennement ordenez aux chastellenies, gardes et autres officiers de la dite viconté soient paiez sur les revenues, rentes, proffiz et emolumens dessus

diz et vous prenez garde que en ces choses n'ait aucun deffaut car autrement il nous en desplairoit. Donné au bois de Vincennes le XVI

jour de may l'an de grace mil CCC soixante et quinze et de nostre règne le douzième. Ainsi signées: par le Roy, J. Tabari. Et nous en ce

présent transcript(*), avons mis le scel de la dite prévosté de Paris l'an et le jour dessus diz.

Et sur le repli : Collation est faite.

 

(*) msss. effacé à cet emplacement. Nous proposons donc la formule usuelle dans ce contexte.

<< Retour