E749
Testament (avec codicille) de Guillaume de Magnac
le vieux, chevalier : il partage ses biens entre ses fils, Itier et Guillaume,
laïques ; Hélie et Adémar, clercs ; il fait des legs à Notre-Dame de Rocamadour
; à l'hôpital de Roncevaux ; pour les travaux, des églises de Bourges, de
Limoges ; etc. ( 1252)
- le codicille est cotté n° 230 au chapitre 30 (Nontron)
- il existe une transcription abrégée de ce document, in Leydet, BnF, Fonds Périgord, tome 9, recueil n° 2, f° 71.
Photos numériques G. F., M. P., Ph. R. :
Cliché n° 1:
Cliché n° 2 (codicille):
Transcription (inachevée) (Cl. R.) :
In nomine Patris et Filii et Spiritus Sancti, amen. Ego, Guillelmus de Manhac senior miles loborans in extremis bene compos mentis mee testamentum meum seu ultimam voluntatem meam condo & facio in hunc modum in primis ad honorem omnipotentis Dei et beatissime Virginis Marie pro salute anime mee, lego ecclesie de Nontronio septennarium & tricennarium guatgium et annuale et duodecim denarios renduales maiori ecclesie et quoddam vestimentum, videlicet infulam albam tunicam & amictum & omnia alia per integrum et quendam calicem rectori ecclesiarum de Nontronio quinque solidos duobus vicariis cuilibet tres solidos, priori de Nontronio quinque solidos inter omnia, et duodecim denarios renduales omnibus presbyteris qui meis exequiis interfuerint cuilibet XIII denarios, diaconis septem denarios, maioribus clericis quatuor denarios, minoribus duos denarios, omnibus pauperibus qui interfuerint sepulture mee cuilibet panem, VIII. denarios domui elemosinarie de Nontronio quedam lectum munitum & duodecim denarios renduales, ecclesie Sancti Stephani deu Ledros septennarium & tricennarium & duodecim denarios renduales, ecclesie Sancti Martini Picti totidem, ecclesie de Milhac totidem, ecclesie de Bondezeu sex denarios renduales & duodecim denarios de helemosin., ecclesie Sancte Marie de Fonte Invento sex denarios renduales omnibus ecclesiis de honore et districtu de Nontronio cuilibet septennarium cum luminari, abbatiis de Petrosa, de Bosco Calvo, de Grosso Bosco, et de Leguers & domibus de Fontanis et de Bobonio & de Bosco d’Au & de Chautet cuilibet refectionem quandam, domino Papae obolum aureum, ad edificium ecclesie Biturcen. duodecim denarios, ad edificium ecclesie Lemovicen. duos solidos, ad edificium ecclesie Sancti Martialis Lemovicen. duos solidos, monasteriis sancti Augustini & Sancti Marini & de Regula & pauperibus Sancti Geraldi & leprosis deu Cros Lemovicen. cuilibet locorum duodecim denarios, Predicatoribus refectionem quandam & quinque solidos Fratribus Minoribus totidem, episcopo Lemovicen. guatgium, beate Marie de Podio X. solidos, beate Marie de Rupe Amatoris X solidos, hospitali de Rotidis Vallibus quinque solidos, hospitali de Alto Passu quinque solidos, Terre Sancte X solidos, Margarite nepti mee moniali de Leguors unam tunicam vel viginti solidos, Beate Marie de Buxeria quinque solidos, filiis et filiabus Aymerici de Doa cuilibet quinque solidos, Guidoni de Doa clerico duo sextaria bladi, Amelie de [Cham--nio] & filiabus suis monialibus de Bobonio cuilibet sextarium frumenti, ecclesie de Nontronello II. solidos. Hec autem omnia ordinavi pro salute anime mee que exequenda commisi fidei filiorum meorum qui ad hec se astrinxerunt prestito juramento, dedi etiam eisdem plenariam potestatem corrigendi, emendandi, augendi, non minuendi, si quid in supradictis minus bene appositum fuerit vel etiam pretermissum. Si vero circa hec exequenda negligentes existerent vel remissi, rogo dilectum meum Aymericum de Lobestero militem & eidem precipuo quod ad hec exequenda eosdem compellere totis viribus non differet. [---] vero ordino filios meos in hunc modum, volo & precipio quod Iterius & Willelmus layci & Helias et Ademarus clerici, filii mei, habeant in evantagium omnia adquisita mea ubicumque sint et undecumque habentium. De Geraldo vero filio meo volo quod de alia terra paterna habeat decem libras renduales, et si in hoc contra jus erraverim vel precaverim [ignor----], ad arbitrium prudentum virorum & juris peritorum plenius emendetur. Si vero contra ordinationem hujusmodi dictus Geraldus venire presumpserit minus iuste & contentiones & rixe orientur vel insurgerent inter fratres, volo & recquiro quod per karissimum dominum meum vicecomitem lemovicensem justicia sibi fiat. Datum die lune post exaltationem Sancte Crucis, anno Domini M° CC° quinquagesimo secundo. Quia vero sigillum proprium non habebam, sigillo venerabilis capellani de Nontronio jussi presentes litteras consignari / sigillari (selon la copie retenue).
Et au verso:
Cliché n° 3:
Copie n° 2 :
