E 752

Vidimus daté de 1309 de l'acte de vente, daté de 1276, de la terre de Colombiers par Pierre de Bornazel et son fils au profit d'Adémar de Magnac, chanoine de Saint Front de Périgueux.

Notes préliminaires (Cl. R.) :

• Photos: G. F., M. P., Ph. R. / transcription Cl. R.
• notre transcription est restée inachevée, notamment dans sa dernière partie. Si le lecteur veut bien nous communiquer ses corrections de nos fautes de paléographe amateur et surtout son interprétation des dernières lignes du document, nous le remercions d’avance pour la leçon qu’il nous donnera.
• document cotté n° 171 du chapitre 30 (Nontron) de l'inventaire des archives du château de Montignac par Jean Fabre évêque d'Aure en 1546 (registre E 607)

 

1 . Nos officialis curie lemovicensis, notum fecimus universis, [---------m nostr-m][1], infrascriptum, sequentes litteras non abolitas, non

rasas et in aliqua parte sui viciatas, excepta tamen quadam rasura in dictione Nativitatis, sigillo religiosi viri abbatis de

Petroza, cisterciensis ordinis, vero et integro, ut prima facie apparebat, sigillatas, vidisse et diligenter inspecxisse et

de verbo ad verbum transcripsisse quorum tenor scriptur in hec verba:

« Universis & singulis presentes litteras visuris et audituris

Nos Petrus de Bornazeu et Ademarus filius eius salutem et veritatem presentibus adhibere, ad universorum et singulorum noticiam

tenore presentium volumus pervenire quod nos, non coacti nec decepti, nec vi nec dolo inducti, nec machinatione aliqua

circumventi, set spontanea ac libera animi voluntate ducti, confitemur et recognoscimus pro nobis & nostris heredibus presentibus et futuris

vendidisse, dedisse et concessisse in perpetuo domino Ademaro canonico Sancti Frontonis Petragoricensis & omnibus suis heredibus presentibus et futuris,

terram deu Columbier quam Petrus de Manhac tenet & speciam terre deu Richos sitam prope terris Marie de Podio domicelle

10. et unam eminam frumenti in terra de la [Mos---eyra][2] censualem reddendam in festo nativitatis beate Marie annuatim & las Brossas

Folcoyenshas & balhiam deu Toylhar et quadam speciam terre sita juxta maynile de La Cotilha & solarium quod quondam

fuit deu Folcoynos situm apud Milhac juxta stratam publicam a superiori parte & decem & novem denarios censuales, videlicet decem

denarios in solario quod quondam fuit Falvelli milite, novem denarios in orto qui fuit Hel. Botoy pro decem & octo libris lemovicensis

monete nobis solutis quas confitemur nos habuisse & recepisse ab eodem dicto domino Ademaro de Manhac in pecunia

numerata & sic quicquid juris possessionis et proprietatis habebamus in predictis, transferentes exnunc in eundem dictum Ademarum et

heredes suos devestivimus nos pro nobis & nostris heredibus presentibus & futuris et investivimus dictum dominum Ademarum, pro se suis-

-que heredibus universis, promittentes, ad Sancta Dei Evangelia prestito corporaliter juramento, quod contra premissa & contenta in litteris

istis in parte vel in toto per nos vel per alios non venire, tacite vel expresse, renunciantes super premissis scienter et

sponte omni foro usu, consuetudini, locali et generali, & beneficio juris canonico & civili, scripto et non scripto, et omnibus aliis

20. exceptionibus, rationibus et deffensionibus juris & facti per quas contra premissa venire possemus vel aliquo premissorum. In cuius rei testimonium

presentes litteras eidem domino Ademaro concedimus sigillo religiosi viri abbatis de Petroza cisterciensis ordinis sigil-

-latas et nos Guillelmus, humilis abbas de Petroza ad instanciam et requestam dictorum Petri de Bornazeu & Ademari

filii sui sigillum nostrum presentibus litteris duximus apponendum in testimonium et munimen. Datum VI idus martii anno Domini

M° CC° septuagesimo sexto »,

quam litteram predicto sigillo sigillatam dilectus in Xpo Hel. de Manhac capellanus de Razes presens

in jure promisit bona fide & sub obligatione bonorum suorum pro se & Petro fratre suo se exhibiturum, in judicio Iterio

de Manhac de Nontronio, domicello sollempniter stipulanti quicumque & quotienscumque, in judicio vel extra, dict. [l---][3] induxerit

ad predicta observand. & faciend. fuit per Petrum Chastaneti clericum curie lemovicensis juratum cui super hoc commisimus vices nostras scriptis

sententialiter condempnatus [qu.][4] quod premissa nobis fideliter retulit prout vidit[5] & inspexit et [--][6] acta sunt eorum eo per presentes litteras sigillo

suo sigillatas, ad cuius relationem fidem plenam adhibentes, sigillum curie lemovicensis duximus presentes litteras apponendum in testimonium

30. premissorum. Actum IX° kal. martiis anno Domini quo infra et datum Lemovicis XIIII kal. Anno Domini millesimo tricentesimo nono.