Remarques préliminaires :
- mss. en fort mauvais état.
- transcrit par Leydet, BnF, Fonds Périgord, tome 9, recueil n° 2, p. 76. voir ci-dessous la transcription d la donation originale par Jean duc de Normandie.
Copie du manuscrit (Photos Cl. Ribeyrol):
1er cliché (vue d'ensemble) :
Dos du manuscrit:
Transcription par Leydet de la donation originale :
Johannes primogenitus et locum tenens regis Franciae, dux Normanniae, comes Pictav., Andegav. et Cenomaniae, notum facimus universis tam praesentibus quam futuris quod cum Galhardo de Monte Inciso milite olim domino dicti loci de Monte Inciso in senescallia petrag. existente, locus ipse de Monte Inciso, per inimicos et rebelles dicti domini et genitoris nostri ob negligentia quam cura ipsius loci custodiam flagrante guerre dictus miles habuisse dicebatur, occupatus et inde dilecto et fideli comite petrag. laudabilem et dicti domini et genitoris nostri ipsiusque comitis gentibus diligentiam praestante inimicis praedictis ab eodem loco armorum potentia expulsis ad ejusdem domini et genitoris nostri obedientiam reductus, et sub manu dicti domini et genitoris nostri detentus ex tunc fuerit, et teneatur adhuc ab commissam per inimicos et rebelles dicti domino et genitori nostro seu ejus gentibus et adherentia dicti loci rebellioni et perpetrata in ipsius domini et genitoris nostri subjectos multiplicia delicta ac dicti militis negligentiam praedictam, dictusque locus de Monte Inciso cum suis universis pertinenciis et juribus de feudo dicti comitis moveatur et teneatur per dictum militem ab eodem comite ante occupationem praedictam et ad ipsum jura vassalatica ejusdem loci pertineant, nosque idem comes instanter requisivit ut vassalum in dicto loco de Monte Inciso ydoneum non sibi suspectum dare aut locum ipsum et ejus pertinentiis et juribus praedictis relinquere gratiose vellemus, nos igitur matura super hiis habita cum nostro consilio deliberatione attendentesque et nostrae meditationis ex examine revolvente fidei paritatem, sincerum devotionis affectum quas dictus comes et sui praedecessores ad dictum dominum et genitorem nostrum et suos praedecessores quondam Franc. reges longevis temporibus habuerunt, et quibus sicut etiam fidedignorum tenet assertio ejusdem domini et genitoris nostri suique regni dictus comes zelare dignoscitur honorem ac multiplicit. gratuitaque et acceptabilia servitia per ipsum comitem dicto domino et genitori nostro impensa, diu, fideliter et devote, eidem comiti pro se et successoribus suis universis dictum locum de Monte Inciso cum omnimoda, alta, media et bassa jurisdictione, meroque et mixto, imperio, redditibus, proventibus, pedagiis, nemoribus, molendinis, censibus, servitutibus, dominationibus, terris, aedificiis, homagiis, hominibus, juribus et deveriis aliis universis dicti loci et ejus pertinentiarum et quidquid juris in eisdem dicto domino et genitori nostro ob praemissa competit, damus, concedimus tamquam benemerito donatione pura et simplici inter vivos facta perpetuo valitura utile dicti loci Montis Incisi et aliorum praedictorum deveriorum cum directe dicti domini comitis dominio uniendo et soldando ad habendum et tenendum suosque et successorum suorum omnium omnimodas voluntates faciendum auctoritate regia, de certa scientia etc. … retentis tamen superioritate, ressorto et alio jure competenti dicto domino et genitori nostro ante occupationem et captionem praedictas in dicto loco dumtaxat concedente sibi placuerit aedificia in dicto loco et ejus pertinentiis construeri facere valeat, nonobstante quod praemissa primeva aedificia fuerint destructa …. Quae ut firma et stabilia … sigillum secreti nostri majore absente praesentibus litteris duximus apponendum … Actum et datum in Monteplo, anno Domini M° CCC° quadragesimo quarto, mense julii. Et sur le repli, per dominum ducem praesente domino Bellav., et pendoit le sceau dont on voit le trou du cordon, perdu. Ex autograph., in pergam.