<< Retour

E 772

Lettres de Jean Chandos, lieutenant du roi d'Angleterre, au sénéchal de Gascogne, touchant la donation de Montcuq

(2 janvier 1361 (v. st.))

_____________________________

Remarques préliminaires :

Copie du manuscrit (Photos Cl. Ribeyrol):

Dos du document:

cliché n° 1 :

cliché n° 2 :

Transcription partielle par l'abbé Leydet in BnF, Fonds Périgord, tome 2:

Jean Chandos viscomte de St Sauveur, lieutenant general ez parties de France pour nostre seigneur le roy d’Angleterre seigneur d’Irlande et d’Aquitaine, aux honorables
le seneschal de Gascoigne et le connestable de Bourdeu etc., salut. Nobles sires le comte de Pierregort nous a signifié en soy complaignant disan que comme le roy de France per le transport fait par le feu comte père dudit complaignant de la terre de Bergerac li fust tenus asseoir de Montcuc pour deux cens soixante livres 10 sols 8 deniers tournois de rente lesquiex il devoit aveoir et prandre des emoluments de Bergerac jusques à tant qu’il lui eu baillé les dits chastel et chatellenies et parmi ce ne pouvoit ni devoit mettre ni instituer gouverneur ny autres officiers en la dite ville sinon à la nomination dudit comte durant le temps qui demeuroit à bailler et delivrer les dits chateaux et chatellenies au dit comte et de ce estoit en saisine et possession au temps que par avant que la dite ville de Brageirac fut prinse par les gens de nostre dit seigneur durant les guerres d’entre les roys nos seigneurs. Pour laquelle prinse le dit comte a esté et encores est tenus desvestis et empoichiez de la saisine en grand prejudice d’icelluy, dit est ainsi et nous a supplié que comme il soit venu à la subjection, foyalté et obeissance de nostre dit seigneur le roy d’Angleterre par vertu de la paix par laquelle il doit reprendre et avoir et li devant estre delivrés ses terres et possession selon le contenu du dict traictié et accord d’icelle nous li voulissions sur ce pourvoir du remede qui appartient … par quoy avons et à chacun … mandons de par le roy nostre seigneur … que si appelle le procureur du roy nostre seigneur vous pourvoyez sur ce audit suppliant de remede de justice selon que vous trouverez son droit y estre et que la paix des rois nos seigneurs le porte … Donné à sarlat le 2 janvier 1361. Par Mr le lieutenent en son conseil, et plus bas : Pigacherie. Et pendoit un sceau perdu, en une bande en parchemin.

<< Retour