Ordinationes Factae per Venerabiles
Patres Abbates Sancti Jouini, Nantolii, S. Augustini,
S. Maxentii.
Praesidentes in Capitulo
Provincialis Lemovicis celebrato, praesentibus & consentientibus
Veneralibus Patribus Domnis sancti Cypriani prope Pictavium, sancti Joannis Angeliacensis, Sancti
Eparchii, sancti Savini, Sanctae Crucis Talmundi, Nobiliacensis, sancti Sulpitii, sancti
Martialis, sancti Amantii, sancti Martini, de Meyniaco, de Bacjaco, sancti
Genulphi, de Vallibus, Vosii, Monasterium Abbatibus; necnon & Venerabilibus
Prioribus Claustralibus Lucionensi, Sarlatensi, Provinciarum Biturigensium,
& Burdegalensium.
M. CCC. LXVII.
1. In primis Statutum est quod licet in Canone Missae de
Domno nostro Papa habeatur mentio specialis, tamen ex filiali affectione, in
quolibet Provinciarum Monasterio hujus Ordinis, singulis mensibus amodo missa
Sancti Spriritus solemniter celebretur, in qua convenient Abbas & alii
administratores & Monachi pro salute & incolumitate Sanctissimi in
Christo Patris Domini Domini Urbani Papae & sui Sancti Collegii
Cardinalium, ut post decursum praesentis vitae perveniant ad vitam sempiternam.
2. Item, Quia quanto administratores hujus Ordinis,
administrationibus & bonis temporalibus specialiter praedontantur, tanto
debent se ostendere modestiae & obedientiae prae aliis dono fulgere;
Statutum est quod ipsi in Monasterio ad divina Officia conveniant, videlicet ad
nocturnas vigilias, sive Matutinas, Primam, Tertiam, Missam, Vesperas &
Completorium, nisi ex causa necessaria Priori Claustrali primitus exposita
abstinuerint, & de ipsius licentia speciali; quam tamen licentiam ipse
parce concedat, alioquin ipsi Officiarii in Capitulis quotidianis quibus adesse
tenentur, nisi ex causa, ut praemittitur, & de licentia fuerint, veniam
petere & disciplinam regularem recipere teneantur; quod si fordan
contentiosi aut inobedientes extiterint, in disciplina hujusmodi recipienda
humiliter & devote, administrationibus & officiis eo ipso privantur
& ex tunc vacantia censentur, non obstantibus quibuscumque consuetudinibus
quae reputantur verius corruptelae.
3. Item, Prohibetur quibuscumque Monachis officiariis
& aliis administratoribus ne infra septa Monasterii jaceant, aut comedant
in cameris, sed in dormitorio vel domo, ad hoc per Abbatem ordinata soli
jaceant, & cum aliis Monachis comedant communiter, quacumque consuetudine
nonobstante, nisi ex causa necessaria & cum licentia, ut praemittitur,
antedicta, alioquin disciplinae subjaceant supradictae, vel quotidianam
portionem non recipiant consuetam, in usus pauperum convertendam; quod si
obstinati & inobedientes extiterint in praemissis, eo ipso poenae
subjaceant in articulo proximo contentae.
4. Item, Quia fraudari non debent denario in vinea Domini
operantes, Statutum est quod administratores & Priores ac alii hujus
Ordinis, deveria & pensiones & alia onera sive Messagia subire
debentes, pro Abbate, Conventu, aut singulis de Conventu seu familiaribus
eorumdem, integre satisfaciant, vel amicabiliter conveniant cum eisdem;
Alioquin si inobedientes extiterint in praemissis, post monitionem Abbatum
certo tempore pro eprum arbitrio moderandam, administrationes & officia
supradicta, perpetuo, eo ipso interdicuntur eisdem, ac Abbates juxta facultatum
& administrationum praedictarum receptarum deffectum per eas supplere
teneantur, & ipsis sic revocatis ad Claustrum, sicut uni ex aliis
Claustralibus providere, vel alium Claustralem in aliquo de prioratibus
assignare.
5. Item, Statutum est quod omnes alii & singuli
Monachi, administratores, praepositi, Decani & alii hujus Ordinis juxta
professionem emissam, caste vivant & honeste in locis sibi commissis,
tantum coram Deo peccaverunt, convertentur; alioquin si diffamati publice de
adulterio aut lapsu cernis fuerint, eo ipso suis prioratibus administrationibus
& officiis, quacunque appellatione postposita, privantur omnino, ne Ordo
propter talium dissolutionem aliquod dispendium patiatur; & alii
administrationes, prioratus, aut officia nonhabentes, redduntur inhabiles ad
habendum, & aliis poenis, quae pro gravioribus culpis consueverunt infligi,
puniantur; & si incorrigibiles fuerint, perpetuo carceri mancipentur.
6. Item statutum est quod omnes alii & singuli Monachi
teneantur semel in anno, quaecumque bona detinent, etiam nonrequisiti in
capitulo suo generali revelare suo Abbati & realiter veraciter assignare,
alioquin reputentur inhabiles & indigni ad quodcumque Ecclesiasticum
beneficium obtinendum, & alias ut proprietarii privantur; Administratores,
Priores, & alii Officiari computum & rationem de bonis per eos quoquo
modo detentis ex Officiis antedictis, reddere teneantur in capitulo praedicto;
quod si in fraude fuerint deprehensi, tertiam partem mobilium per ipsos
detentorum, in Fabrica Monasterii infra octo dies, post deprehensionem
hujusmodi convertere teneantur, alioquin poenae subjaceant contentae in
articulo.
7. Item, Statutum est quod omnes & singuli Monachi,
administratores, mantellos fissos ad latus, vestes superiores curtas &
fissas, nec non & caucia non fissa cum corneta, & alia inordinata
habentes, in manibus Abbatum vel Priorum Claustralium ad hoc per Abbates
commissorum, infra mensem a tempore publicationis hujusmodi, resignare &
tradere teneantur, secundum dispositionem eorum, in usus pios convertenda,
alioquin quoniam talibus utentes publice, facti sunt in Ordinis nostri
opprobrium & derisum, beneficiis & officiis eo ipso privantur, &
alii non habentes, per annum redduntur inhabiles ad habendum.
8. Item, Statutum est quod illi qui de Ordine mendicantium
ad nostrum ordinem sunt translati, infra mensem a tempore publicationis
hujusmodi, legitimam licentiam translationis suae Praesidentibus vel eorum
alteri exhibere, & copiam de ea tradere teneantur, de qua traditione facta,
scriptura autentica vel publicum instrumentum; alioquin ex tunc, de ipo ordine,
ipso facto penitus sunt expulsi, nec in aliquo gaudebunt, vel uti poterunt
privilegio Monachali.
9. Item, Quod priores teneantur in prioratibus sibi
commissis cum suis Claustralibus, nonobstante quacumque consuetudine residere
& reparationem aedificiorum intendere diligenter. Quod si prioratus non
sufficiant facultates, resideant in Monasterio vel aliquo prioratuum, &
serviant ut Claustrales, quibus provideatur de fructibus prioratuum
praedictorum, & residuum si supersit, ponatur in reparationem &
utilitatem ipsorum per manus Abbatum, vel eorum quibus ipsi hoc duxerunt
committendum; quod si inobedientes extiterint, ipsis prioratibus &
beneficiis eo ipso priventur.
Datum Lemovicis sub sigilli capituli in talibus consueto.
Die undecima mensis Maii, stante & durante dicto capitulo, anno Domini
MCCCLX septimo.