<<Retour

Source : Bulletin SHAP, tome XV (1888), pp. 329-.

CHANSON INEDITE DU TROUBADOUR PEIRE DEL VERN (1).

Bibl. nat., ms. fr. 22513, f° 97, col I.

P. DEL VERN.

I                           Ab lial cor amoros,

Dona, soi vas vos aclis,

E soi vos enaisi fis

4               C'amar vos vuelh en perdos

Mais que autra quem des so qu'ieu volria.

E doncx, dona, per chauzimen vos sia

Queus sapcha bo e m'en fassatz semblan,

8     Car ieu vos am lialmen ses enjan.

II                         El cor vey vostras faisos

El dos esgar el bel ris,

…………………….. (2)

12       E non dezir, can pes de vos.

Perol pessar nos ne part nuech ni dia,

Ans es pus ferms on qu'ieu an ni m'estia,

E can me cuch de vos anar lunhan,

16   Ades m'estais, bona dona, denan.

 

III                        Per qu'ieu sai que poderos

No seria que jauzis

Lunh'autra ni quem partis

20             De vos qu'ieu am en perdos,

Con (3) mais ne vey d'autras vas on que sia ;

Pero conosc e sai que fas folia ;

Mas fin'amor non garda pro ni dan

21   Lai on be vol demostrar son talan.

 

IV                        Tant ai sofert talan rescos

C'amicx no m'es tan vezis,

Depus m'amor m'enquéris,

28             Qu'ieu ja pueys sos amixcs fos;

E sel l'afan ; pero si joi n'avia,

Bona dona, tro mielhs lo selaria,

E soi selatz si donc savis d'aitan

32   Que qui nom pot valer, nom tenra dan.

 

V                         D'aitan serai ieu joios

Don'ab que dels huelhs vos vis,

E ja sol nous descobris

36             Mon lial cor temeros ,

E ja [nul] temps pus, dona, nous querria,

C’als nom n'eschai ; pero mais ne volria,

E si amors me autreyava tan,

50   Del sobrepus fos al vostre semblan.

 

(Revue des langues romanes, xxxii, 1888.)

 

(1) Je publie cette pièce fort insignifiante, la seule qu'on ait conservée de son auteur, sur lequel nous ne savons rien, à titre de complément de mon recueil des Poésies inédites des troubadours du Périgord, non pas que je puisse assurer que Peire del Vern était Périgourdin, il aurait pu être Quercinois, comme je l'ai supposé ailleurs, mais seulement parce que la localité dont il a tiré son surnom peut être identifiée, plus vraisemblablement qu'avec aucune autre, avec la petite ville de Vergt, arrondissement de Périgueux, dont le nom, défiguré par la graphie moderne, se montre, dans les documents du moyen âge, sous la forme Vern ou Vernh, (lo) (lat. vernium). — C. C.

(2) Ce vers manque dans le ms.

(3) Corr. Can, ou On ?

<<Retour