Cartulaire Normand de Philippe-Auguste,
Louis VIII, Saint-Louis et Philippe-le-Hardi
par Léopold Delisle
1882
(Gallica N0007058)
N° 908. 1277, av. 14 octobre.
Supplicat regie majestati Archambaldus cornes
Petragoricensis quod mandetur cantori Rothomagensi et magistro Egidio de
Calceya , castellano Paciaci, ut ipsi diligenter inquirant de consuetudine
Normandie que tangit causam que vertitur inter Heliam Talerandi, filium dicti
comitis, ex una parte, et cambellanam de Tanquarvilla, ex altera, cum personis
autenticis et fidedignis et aliis quas procurator dictorum comitis et ejus
filii eisdem duxerit nominandas, et quicquid de dicta consuetudine invenerint
reportent cum probacionibus dictarum partium sub sigillis suis ad proximum
parlamentum Omnium Sanctorum (1).
(Orig. au
supplément du Trésor des Chartes, carton J. 1030, n°. 53.)
(1) Les olim ne donnent aucun document du parlement de la Toussaint
1277. Ce recueil donne la session de l'Epiphanie 1278 ( n. s.),
immédiatement après la session de la Madeleine 1277. T. II, p.
97.
N° 909. 1277, 14
octobre.
Philippus, Dei gratia, Francorum rex, dilectis suis magistro R. cantori Rothomagensi, et Egidio de Calceia clerico suo (1), salutem et dilectionem. Mandamus vobis quatinus in causa que vertitur coram nobis inter comitem Petragoricensem et Galeranum filium suum, ex una parte, et cambellanam de Tancarvilla, ex altera, recipiatis probationes secundum articulos quos vobis mittimus sub contrasigillo nostro clausos, receptis primitus a partibus predictis juramentis in causa predicta, et probationes hujusmodi sub sigillis vestris clausas nobis ad proximum pallamentum remittatis(2). Damus autem per presentes litteras omnibus quorum interest in mandatis, ut in hiis que ad premissa pertinent vobis pareant et intendant. Actum Parisius die jovis post festum Beati Dyonisii, anno Domini M°. CC°. septuagesimo septimo.
(Original sceau
perdu au supp. du T. des Ch., carton J. 1030 , n°. 42. )
(1) En 1264, furent rapportées à la cour du
roi deux enquêtes faites par Gilles de la Chaussée, clerc du roi. Olim, t. I, p. 193 et 201.
Antérieurement à l'année 1278, il avait exercé les
fonctions de « custos regalium episcopatus Morinensis. » ib. t. II, p. 122.— Sur ce
personnage, voy. plus haut, n°. 907, et plus loin n°. 922 et 923.
(2) Nous ne voyons rien dans les Olim qui se rattache à ce
procès.
N°. 985. 1281, 2 février.
Philippus, Dei gratia, Francorum rex. Notum facimus universis,
tam presentibus quam futuris, quod, in nostra constitutus presentia, dilectus
et fidelis noster Archambaldus cornes Petragoricensis confessus est et
recognovit quod ipse et Helyas Talerandi, primogenitus ejus, ac Philippa,
ejusdem primogeniti uxor, vendiderant et nomine venditionis perpetuo
quitaverant carissimo fratri et fideli nostro Petro, Alenconis et Blesensis
comiti, medietatem cujusdam domus dicte Hosteriche, cum pertinenciis suis, site
Parisius, ultra magnum pontem, que fuit recordationis inclite carissimi patrui
nostri Alfonsi, comitis Pictavensis quondam, et Johanne ejus uxoris tenendam
habendam et possidendam ab eodem fratre nostro et ejus heredibus sive
successoribus quibuscumque, pro septingentis et quinquaginta libris
turonensium, sibi integre persolutis, et promisit idem Archambaldus comes se
defendere et garantizare dicto fratri nostro et ejus heredibus sive
successoribus res predictas venditas ab omnibus et contra omnes, seque facturum
et curaturum quod dictus Helyas et Philippa dictam venditionem non revocabunt
in futurum ratione minoris etatis vel aliqua alia ratione, ad hoc obligans
eidem Petro se et heredes suos, omnia bona sua. In cujus rei testimonium,
presentibus litteris nostrum fecimus apponi sigillum, salvo in omnibus jure
nostro et jure quolibet alieno. Actum Parisius anno Domini millesimo
ducentesimo octogesimo primo, mense februario.
(Original
scellé au Tr. des ch., Alencon
, n°. 12, carton, J. 226. )
N° 1201. 1258, mai.
C’est la forme de la pais qui est devisée entre les rois de France et de Angleterre.
Li rois de France doura au roi de Angleterre toute la
droiture que li rois de France a et tient en ces III esvechiez è es
citez, c'est à dire de Limoges, de Caors el de Pierregort, en fiez et en
domaines, sauf l’omage de ses frères se il aucune chose i tienent
dont il soient si home, et sauves le choses que li rois de France ne puet metre
hors de sa main par letres de lui ou de ses ancesseurs, lesqueus choses li rois
de France doit purchacier à bone foi vers ceus qui ces choses tiennent
que li rois d’Engleterre les ait dedenz la Toz Sains en I an, ou faire
lui eschange avenable à l’esguart de prodes homes qui soient nomez
d’une part et d’autre, le plus convenable au profit de II parties.
E uncore li devant diz rois de France dorra à roi d’Engleterre la value de la terre de Agenois en deniers
chacun an, selonc ce qu’elle sera prisée à droite value de
terre par prudes homes nomez d’une partie et d’autre; et sera la
paie faite au Temple à Paris chacun an à la quinzainne de
l’Acension la moitié et à
la quinzainne de la Toz Sainz l’autre; è s’il avenoit
que celle terre eschaist de la contesse Johanne de Poitiers au roi de France o
à ses oirs, il seroit tenuz ou ses oirs de rendre la au roi
d’Engleterre ou à ses oirs, è rendue la terre il serait
quittes de la ferme; è, s’elevenoit à autres
qu’au roi de France è à ses oirs, il dorroit au roi
d’Engleterre lo fié de Agenois ovec la ferme devant dite;
è, s’elle venoit en demaine au roi d’Engleterre, li rois de
France ne seroit pas tenuz de rendre celle ferme; è, se il estoit
egardé par la cort le roi de France que por la terre de Agenois li rois
d’Engleterre metre ou rendre aucuns deners par raison de gagiere, li rois
de France rendrait ces deners, ou li rois d’Engleterre tendret è
auroit la ferme tant qu'il eust eu ce qu’il auroit mis por celle gagiere.
De rechief, il sera enquis en bone foi è de plain à la requeste
le roi d’Engleterre par prodes homes à ce esleuz d’une part
et d’autre, se la terre que li cuens de Poitiers tient en Cahorsin de par
sa fame fu do roi d’Engleterre donée ou bailliée ovec la
terre de Agenois par mariage ou par gagere o tot ou partie à sa suer qui
fu mère le conte Raymond de Tholose dairréenement mort; è
s’il estoit trové qu’il eust einsi esté, è
celle terre eschaoit au roy de France ou à ses hoirs do
décès la contesse de Poitiers, il la donroit au roi
d’Engleterre ou a ses hoirs; è s’elle eschait à
autre, è il eut trové par celle enqueste tote voies que elle eust
esté einsi donée ou baillie cum il est dit desus, après le
décès la contesse de Poitiers, il donroit le fié au roi
d’Engleterre è à ses hoirs, sauf l’omage de ses frères, se
il aucune chose i tenoient, tant cum il vivroient. De rechief, après le
décès le conte de Poitiers, li rois de France ou ses hoirs roi de
France dorra à roi d’Engleterre ou à ses oirs la terre que
li cuens de Poitiers tient ores en Xanttonge outre la rivère de la
Charente, en fiez è an domaines qui soient outre la Charante, s'elle
eschaeit au roi de France o à ses hoirs; è s’elle ne li
eschaoit, il porchacera en bone manère par eschainge ou autrement, que
li rois d’Engleterre et ses hoirs l’aient , o il li fera avenable
eschange à l’esgart de prodes homes qui serunt nomé
d’une part è d’autre. E de ce que li rois de France dorra a roi d’Engleterre è
à ses hoirs en fiez et en demainnes, li rois d’Engleterre è
si oir feront homage lige au roi de France et à ses hoirs rois de
France, è ausi de Bordiaus, et de Baionne, et de Gascoigne, et de tote
la terre que il tient deca la mer d’Engleterre en fiez et en demaines,
è des illes, s’aucune en i a que li rois d’Engleterre
tiengne qui soient du roiaume de France; è tendra de li comme pers de
France et dus de Aquitaine; è de toutes ces choses devan dites fera li
rois d’Engleterre servises avenables juqu’à tant que il fust
trové queus servises les choses devraient, et lors il seroit tenuz de
fere les tieus cum il seraient trovè; de l’omage de la
conté de Bigorre, de Armeignac è de Falançat, soit ce que
droiz en sera. De rechief, li rois de France dorra au roi d’Engleterre ce
que V° chevalier devroient couster raisonablement à tenir II anz
(1), à l’esgart des prodes homes qui seront nomez d’une part
et d’autre, è ces deners sera tenus à paier li rois de
France à Paris au Temple à VI paies par II anz: c’est a
savoir à la quinzainne do la Chandeleur qui vient prochainement la
première paie, c’est à dire la sisiesme partie, è a
la quinzainne de l’Ascension ensuiant l’autre paie, è à
la quinzene de la Toz Sainz l’autre, è ausi des autres paies en l’an
ensuiant; è de ce dourra li rois de France ses lettres pendenz et lo Temple ou l’Ospital ou
ambdeus emsemble em pleige; è li rois d’Engleterre ne doit ces
deners despendre fors queu u servise Deu ou de l'iglise ou au profit du roiaume
d’Englelerre, è ce par la veue des prodes homes de la terre esleuz
par lo roi d’Engleterre et par les hauz homes de la terre. E
par ceste pais fesant quittera li rois d’Angleterre et si dut fil
à roi de France è à ses enceseurs et à ses hoirs et
à ses frères se li rois d’Angleterre ou si anciseur aucune
droiture ont ou orent unques en chose que li rois de France tiengne ou tenist
unques ou si anciseur ou si frère, c'est à savoir en la
duché è en tote la terre de Normandie, en la conté et en
tote la terre d'Anjo, de Turaine et du Maine, è en la conté
è en tote la terre de Poitiers ou aillors en aucune part du roiaume de
France, è es illes s’aucune en tiennent li rois de France ou si
frère ou autre d’eus, è touz arrérages; è
ausi quittèrent li rois d’Engleterre et si dui fil à tor
ceus qui de par le roi de France ou de par ses anciseurs ou de ses
frères tiennent aucune chose, par don, par eschange, ou par vente, ou
par achat, ou par accenssement, ou en autre semblable manière, en la
duché et en tote la terre de Normandie, en la conté et en tote la
terre d’Anjo, et de Torene et dou Maine, et en la conté et en tote
la terre de Poitiers ou aillors en aucune part ou réaume de France ou es
illes desus dites, sauve au roi d’Engleterre è à ses hoirs
lor droiture ès terres dont il doit faire au roi de France homage lige
par ceste pais, si cum il est desus devisez, è sauf ce que li rois
d’Engleterre puisse demander sa droiture, si la cuide avoir en Agenois,
et avoir la se la cort le roi de France le juge, e ausi de Cahorsin. E dorra il
rois d’Engleterre au roi de France les letres qu’en dit que il a du
roi Richart, son frère, de quitance de toutes ces choses par eschange
que il en ot, se il puet ces letres trouver ou avoir; è s’il ne
les puet avoir ne trover, il dorroit ses lettrez pendenz au roi de France
è des barons et des prelaz et des prodes homes qui i furent, de
tesmongnage de la quintance que li rois Richart en fist. E aura encore ou
serement è es letres pendens le roi d’Engleterre, que puis celle
quitance nulle droture il ne li dona en nulle de ces choses, è ceste
meisme quittance au roi de France è aus autres devan diz fera li rois
d’Engleterre ferre à sa suer, la contesse de Leicestre, pro (sic) soi et por ses hoirs et les
enfanz meismes de ceus qu’il en requerra. E li rois de France clamera
ausi quitte au roi d’Engleterre se il ou si anceseur li firent onques
tort de tenir son fié sanz li faire homage et sanz li rendre son
servise, et touz arrérages. E pardunrunt et quitterunt li uns a l’autre touz mautalanz de
contenz et de guerres et touz damages et toutes mises qui ont fait ou faites de
cà ou de là en guerres ou en autres manières. E por ce que
ceste pais fermement è establement sanz nulle enframgnance soit tenue
à torjors, li rois d’Englelerre et si II fil et sa soeer, la contesse
de Leicestre, et si anfant jurront ces choses à tenir tant comme
à chascun apartendra; è à ce tenir obligerunt eus et leur
oirs par leur letres pendenz; è de ce dorra seurté li rois
d’Angleterre des chevaliers des terres devan dites meismes que li rois de
France li dorra, et des villes, selonc ce que li rois de France l’en
requerra, et la forme de la seurté des homes et des villes por le roi
d’Engleterre sera tele: il jurrunt que il ne donrunt ne cousuel, ne
force, ne aide, par quoi li rois d’Angleterre ne si hoir venissent
encontre la pais; è s’il avenoit (que Dex ne vuelle) que il
venissent encontre, è il ne le vossissent amender puis que li rois de
France ou si oir rois de France les en auraient fet requerre, cil qui la seurté
auraient fete, dedenz les III mois que li rois de France les en auroit fait
requerre seroient tenu d’estre aidant au roi de France è à
ses oirs contre le roi d’Engleterre et ses oirs, juques à
tant que ceste chose fust amendée souffisaument à l’esgart
de la cort le roi de France; è sera renovelée ceste seurté
de X anz en X anz à la
requeste du roi de France ou de ses hoirs rois de France. E ausi de ceste pais
tenir li rois de France obligera sol et ses hoirs par ses letres pendanz
è jurera, il et ses filz ainnez ou si II fil ainzné la pais
à tenir en bone foi tant cum à chacun apartendra.
(Original
scellé des sceaux d'Eude, archevêque de Rouen, et de Raoul,
archevêque de Tarantaise, au Tr. des Ch., Angleterre, III, n° 4, carton J. 629. Un vidimus et
confirmation de ce traité, par Henri III le 20 mai 1259, se trouve dans
la nouvelle édition de Rymer; mais on y cherche vainement le texte de la
ratification que nous allons publier au n° 1209. — La ratification de
saint Louis a été publiée en latin et en français,
dans cette même collection, et en français par M. Bonnin , Reg. visit. archiep. Rothum., p. 763.
La transcription de ce document dans le registre d'Eude Rigaud témoigne
la part qu’il prit à la conclusion de cet important traité.
L'apposition du sceau de ce prélat à l'acte qu'on vient de lire
en est une preuve. Enfin ce fut lui qui le 3 décembre 1259 lut
publiquement à Paris, dans le jardin du roi, le texte définitif
du traité. Reg. visit.,
p. 349.)
(1) Cette somme fut fixée à
134000 livres tournois. Pour le paiement de cette somme, on trouve plusieurs
quittances de Henri III copiées au Tr. des Ch., reg. XXX, n° iiiixxx - iiiiexxxviii.
N°
1209. 1959, 13 octobre.
Henris,
par la grace de Dieu, rois d’Angleterre, sires d’Illande et dux de
Aquitaine, nous faisons à savoir à touz ceaus qui sunt et qui
à venir sunt, que nous, par la volenté de Dieu, ovec nostre chier
cousin le noble roi Loeys de France avons pais faite et affermée en
ceste manière: c’est à savoir, que il done à nous et
à noz hoirs et à noz successors toute la droiture que il avoit et
tenoit en ces trois eveschiés et ès citez, c’est à
dire de Limoges, de Caorz et de Pierregort, en fiez et en demaines, sauf
l’omage de ses frères, se il aucune chose i tiennent, dont il soient
si homme, et sauves les choses que il ne puet metre hors de sa main par letres
de lui ou de ses ancessors, lesqueles choses il doit porchacier en bone foi
vers ceus qui ces choses tiennent que nous les aions dedenz la Touz Sainz en un
an, ou faire nous eschange couvenable à l’esgart de prodes homes,
qui soient nonmez d’une part et d’autre, le plus couvenable au
profit des deus parties. Et encore li devant diz rois de France nous dorra la
value de la terre de Agenois en deniers chascun an, selonc qu’elle sera
prisiée à droite value de terre de prodes homes nomez d'une part
et d’autre; et sera faite la paie à Paris au Temple chascun an
à la quinzainne de l’Ascension la moitié, et à la
quinzainne de la Touz Sainz l’autre; et s’il avenoit que celle
terre eschaist de la contesse Jehane de Poitiers au roi de France ou à
ses hoirs, il serait tenuz ou ses hoirs de rendre la nos ou à noz hoirs,
et rendue la terre il serait quite de la ferme; et se ele venoit à
autres que au roi de France ou à ses hoirs, il nous dorroit le fié
de Agenois avec la ferme devant dite; et s'elle venoit en demaine à
nous, li rois de France ne serait pas tenuz de rendre celle ferme; et se il
estoit esgardé par la court le roi de France, que pour la terre de
Agenois avoir deussiens metre ou rendre aucuns deniers par raison de gagiere,
li rois de France rendrait ces deniers, ou nouz tendrions et aurions la ferme
tant que nos eussiens eu ce que nous aurions mis pour cele gagiere. De rechief,
il sera enquis en bone foi et de plain, à nostre requeste, par prodes
homes d’une part et d’autre a ce elleuz, se la terre que li cuens
de Poitiers tient pu Caorsin de par sa fame, fu dou roi d’Englelerre
donée ou bailliée ovec la terre de Agenois par mariage ou par
gagiere, ou tote ou partie, à sa suer qui fu mère le conte Raymon
de Tholose darréenement mort; et s’il estoit trouvé
qu’il eust ainsi esté, et celle terre li eschaoit ou à ses
hoirs dou decès la contesse de Poitiers, il la donroit à nous ou
à noz hoirs; et se elle eschaoit à autre, et il eit trouvé
par celle enqueste totevois que elle eust einsi esté dopée ou
baillie si comme il est dit desus, après le decès la contesse de
Poitiers il donroit le fié à nous et à nos hoirs, sauf
l’omage de ses frères, se il aucune chose i tenoient, tant tourne
il vivraient. De rechief, après le decès le conte de Poitiers, li
rois de France ou ses hoirs rois de France donra à nous et à noz
hoirs la terre que li cuens de Poitiers tant ores en Xantonge outre la
rivière de la Charente en fies et en demaines qui soient outre la
Charente, s’elle li eschaoit ou à ses hoirs et se elle ne li
eschaoit il porchaceroit en bone manière ou autrement que nous ou noz
hoirs l’aions, ou il nous feroit avenable eschange à
l’esgart de prodes homes qui seront nomez d’une part et
d’autre.Et de ce que il donra à nous et à noz hoirs en fiez
et en demaines, nos et nos hoirs li ferons homage lige et à ses hoirs
rois de France, et ausi de Bordiax, de Baionne et de Gascoingne, et de toute la
terre que nous tenons delà mer d’Engleterre en fiez et en
demaines, et des illes s’aucunes en i a que nos teignons qui soient du
roiaume de France; et tendons de lui comme per de France et dux de Aquitainne;
et de toutes ces choses devant dites li ferons nos servises avenables jusques
à tant que il fust trouvé queus servisez les choses devroient, et
lors nous serions tenu de fere les lex comme il seroient trouvé. De
l’onmage de la conté de Bigorre, de Armeignac et de Folensat soit
ce que droit en sera. Et li rois de France nous claime quite se nous ou nostre
anceseur li feismes onques tort de tenir son fié sanz li fere homage et
sanz lui rendre son servise, et touz arrerages. De rechief, li rois de France
nouz dorra ce que cinc cenz chevaliers devraient couter raisonablement à
tenir deus auz à l’esgart de prodes homes, qui seront nomez
d’une part et d’autre; et ces deniers sera tenuz à paier
à Paris au Temple à sis paies par deus anz: c’est à
savoir, à la quinzaine de la Chandeleur qui vient prochainement la
première paie, cest à dire la sisiesme partie, et à la
quinzaine de l’Ascension ensuivant l’autre paie, et à la
quinzaine de la Touz Sainz l’autre, et ausi des autres paies en
l’an ensuivant; et de ce dorra li rois de France le Temple ou
l’Ospital ou anbedeus ensemble en piège; et nos ne devons ces
deniers despendre fors que u servise Dieu ou de l’yglise ou au profit dou
roiaume de Angleterre, et ce par la veue des prodes homes de la terre esleuz
par le roi d’Angleterre et parles hauz homes de la terre. Et par ceste
pais faisant avons quité et quitons, du tot en tot, nos et nostre dui fil,
au roi de France et à ses ancessors et à ses hoirs et à
ses successors et à ses frères et à leur hoirs et à
lor surcessors, pour nous et pour noz hoirs et pour noz successors, se nous ou
nostre ancessor aucune droiture avons ou eusmes onques en choses que li rois de
France tiengne ou tenist onques ou si ancesor ou si frère, c’est
à savoir en la duchée et en tote la terre de Normendie, en la
conté et en toute la terre d’Anjou, de Tourainne et dou Mainne, et
en la conté et en toute la terre de Poiliers et aillors en aucune parlie
du roiaume de France, ou es illes s’aucunes en tient li rois de France ou
si frère ou autres de par eus et touz arrerages. Et ausi avons
quitté et quittons, nous et nostre dui fil, à touz ceux qui de
par le roi de France ou de par ses ancessors ou de ses frères tiennent
aucune chose, par don ou par eschange, ou par vente, ou par achat, ou par
ascensement, ou en autre semblable manière, en la duchée et en
toute la terre de Normendie, en la conté et en toute la terre
d’Anjou, de Touraine et dou Maine, et en la conté et en tote la
terre de Poitiers ou ailleurs en aucune partie dou roiaume de France ou es
illes desus dites, sauf à nous et à noz hoirs nostre droiture es
terres dont nos devons fere homage lige au roi de France par ceste pais, si
comme il est desus devisé, et sauf ce que nous poissiens demander nostre
droiture, se nous la cuidons avoir en Agenois, et avoir la se la court le roi
de France le juge, et ausi de Caorsin. Et avons pardoné et
quitté, li uns à l’autre, et pardonons et quittons touz
mautalanz de contanz et de guerres et touz arrerages et toutes issues qui ont
esté eues ou qui porent estre eues en toutes les choses devant dites, et
touz domages et toutes mises qui ont esté fait ou faites de cà ou
de là en guerres ou en autres manières. Et pour ce que ceste pais
fermement et establement sanz nulle enfraignance soit tenue à touz jorz,
li rois de France a fait jurer en s’ame par ses procureors especiax
à ce establiz , et si dui fil ont jure ces choses à tenir tant
comme à chascun apartendra, et à ce tenir ont obligié eus
et leur hoirs par leur letres pendanz. Et nos de ces choses tenir sonmes tenuz
de doner seurté au roi de France des chevaliers des terres devant dites
meismes que il nous done, et des viles selonc ce que il nous requerra. Et la
forme de la seurté des homes et des villes pour nous sera telle: il
jurrunt qu'il ne donront ne conseil, ne force ne aide, par quoi nos ne nostre
hoir venissen encontre la pès; et s'il avenoit (que Dex ne vuelle) que
nous ou nostre hoir venissen encontre, et ne le vousisson amender puis que li
rois de France ou si hoir roi de France nous en auroient fet requerre, cil qui
la seurté auroient faite, dedenz le trois mois que il les en auraient
fet requerre, seraient tenu d’estre aidant au roi de France et à
ses hoirs contre nous et nos hoirs, jusque à tant que ceste chose fust
amendée soufisanment à l’esgart de la court le roi de
France; et sera renouvelée ceste seurté de dis ans en dis anz
à la requeste du roi de France ou de ses hoirs rois de France. Et nous
ceste pais et ceste composicion, entre nous et le devant dit roi de France
afermée, et toutes les devant dites choses et chascune, si conme elles
sunt desus contenues, prometons en bone foi, pour nous et pour noz hoirs et
pour nos successors, au devant dit roi de France et à ses hoirs et
à ses successors faianment et fermement à garder, et que nous
encontre ne vendrons, par nous ne
par autre, en nulle manière, et que riens n’avons fait ne ne ferons par quoi les devant
dites choses, toutes ou aucune, en tout ou en partie, aient mains de
fermeté. Et pour ce que cesle pais fermement et establement sanz nulle
enfraignance soit tenue à touz jourz, nous à ce oblijons nous et
noz hoirs, et avons fait jurer en nostre ame par noz procureors en nostre
presence ceste pais, si conme ele est desus devisée et escrite à
tenir en bone foi tant conme à nous apartendra, et que nous ne vendrons
encontre, ne par nous ne par autre. Et en tesmoignage de toutes ces choses,
nous avons fait au roi de France ces letres pendanz seelées de nostre
seel. Et ceste pais et toutes les choses qui sont desus contenues par nostre
conmandement especial ont juré Eddward et Eadmont, nostre fil, en nostre
présence, à garder et à tenir fermement, et que il
encontre ne vendront par els ne par autre. Ce fu doné à Londres
le lundi prochain devant la feste saint Luc l’evangeliste, lan de le
Incarnacion Nostre Seignour mill CC cinquante nuevisme, el mois de octouvre
(1).
(Original
scellé au Tr. des Ch., Angleterre,
III, n°. 8, carton J. 629. Copie dans le reg. XXX, n°.
iiii°xxvij )
(1) La lettre de Henri III fut ratifiée le même
jour par plusieurs des barons anglais. Le texte de cette ratification se
trouve, mais bien incorrect, dans la nouvelle édition de Rymer, I, I,
390. L’original scellé en est conservé en double exemplaire
au Tr. des Ch., Angleterre,
III, n° 10 et 10 bis. Les noms des barons sont ainsi orthographiés
sur cet original : « Boneface, arcevesque de Cantorbir’, primoz de
tote Angleterre; Walt, evesque de Wirecestr’; Simon de Monfort, conte de
Leicestr’; Rich’ de Clare, conte de Glocestr’ et de Hertfort;
Rog’ le Bigot, conte de Norfolch’ et mareschal de Angleterre; Humfroi de Bonn, conte de Herefort et de
Essex’; Guillaume de Forz, conte de Albemall’; Jehan de
Plessiz , conte de Warewik; Hug’ le
Bigot, justice de Angleterre; Pierres de Savoie; Rog’ de Mortemer; Jehan
Mansel, tresorier de Everwik; Ph’ Basset; Rich’ de Grey; James de
Aldithee, et Pierres de Monfort: conseillers nostre seignor le roi de
Angleterre. »