23 avril 1198

Référence: Potthast, n° 102.

Hospitale s. Spiritus apud Montem Pessulanum a Guidone fundatum et constructum protegendum suscipit ejusque possessiones ac bona et privilegia confirmat. IX kal. maii, indictione I, Incarnationis Dominicae anno 1198, pontificatus anno 1°.

Edition: Etienne Baluze, Epistolarum Innocentii III, romani pontificis, libri undecim accedunt, tomus primus, 1682, Liber I, epistola 97.

Edition: Migne, Patrologie latine, 1855, CCXIV, p. 85, n° 97.

Mention : http://www.guyenne.fr/archivesperigord/SHAP/T7_1880/Bergerac2.htm

Bulle du pape de la même année 1198 constate que l'hôpital de Bergerac appartenait aux Frères du Saint-Esprit: « Domum quam habetis in villa quae dicitur Brageac, tibi, fili, Guido, et successoribus tuis perpetuo subjacere. » (Innoc. pp. III, epist. lib. I, epist. 97. Edit. Baluze, t. 1, p. 53). - Cette lettre est adressée à Guy, fils de Guillaume, comte de Montpellier. Guy avait fondé dans cette dernière ville un hôpital sous l'invocation du Saint-Esprit. Il mourut en 1208 (Voir A. Germain, De la Charité publique et hospitalière à Montpellier au Moyen-âge, d'après les actes originaux, 1859, in-4°; pages 1 à 23 et suiv.).

M. André Delpech nous communique la correction à apporter au commentaire donné ci-dessus par A. Germain : Guy, fondateur de l’Hôpital du Saint-Esprit de Montpellier, et de celui de Bergerac, n’appartient pas à la famille des seigneurs de Montpellier. Aucun document ne nous permet aujourd’hui d’avoir d’information sur son origine familiale. A. Germain et d’autres auteurs, ont voulu lui donner une origine noble, mais on ne sait finalement rien de ce personnage.

De confirmatione et privilegiis ejusdem.

Guidoni fundatori hospitalis Sancti Spiritus, ejusque fratribus tam praesentibus quam futuris regularem vitam professis in perpetuum.

Religiosam vitam eligentibus, apostolicum convenit adesse presidium, ne forte cujuslibet temeritatis incursus aut eos a proposito revocet aut robur, quod absit, sacre religionis infringat. Eapropter, dilecti in Domino filii, vestris justis postulalionibus clementer annuimus, et praefatum Hospitale S. Spiritus apud Montem Pessulanum constructum, in quo divino estis obsequio mancipati, sub beati Petri et nostra protectione suscipimus et praesentis scripti privilegio communimus. In primis siquidem statuentes ut fratres inibi commorantes secundum rationabiles institutiones tuas perpetuo Domino debeant famulari. Praeterea quascunque possessiones quaecunque bona etc. vocabulis. Locum ipsum in quo praefatum Hospitale situm est, cum omnibus pertinentiis suis, domos, vineas, terras, hortos et omnia quae in territorio Montis Pessulani et in locis circum adjacentibus possidetis. Domum quam habetis in Massilia, cum omnibus suis pertinentiis. Domum quam habetis in villa quae dicitur Amillau, cum omnibus pertinentiis suis. Domum quam habetis in loco qui dicitur Clap de mala vetula, cum omnibus pertinentiis suis. Domum quam habetis in villa quae dicitur Mesols, cum omnibus pertinentiis suis. Domum quam habetis in burgo Sancti Juliani de Bridi, cum omnibus pertinentiis suis. Domum quam habetis in villa quae dicitur Bragaac, cum omnibus pertinentiis suis. Domum quam habetis in argentaria de Chacers, cum omnibus pertinentiis suis. Domum quam habetis in civitate Trecen. cum omnibus pertinentiis suis, et domum quam habetis in urbe Roma juxta S. Mariam trans Tyberim, cum domo quae est in loco qui dicitur S. Agatha in introitu urbis Romae, cum omnibus pertinentiis suis. Statuentes ut omnes domos, quas in praesentiarum juste habetis vel in posterum rationabiliter poteritis adipisci, praedicto hospitali S. Spiritus Montis Pessulani, et procuratores earum tibi fili G. et successoribus tuis perpetuo subjacere debeant et humiliter obedire et correctionem tuam et successorum tuorum recipere humiliter et servare. Liceat insuper vobis in domibus vestris, sine praejudicio vicinarum ecclesiarum, cum consensu dioecesani episcopi construere coemeteria ad opus fratrum vestrorum et familiae tantum et oratoria fabricare ; in quibus ad praesentationem vestram instituantur per dioecesanum episcopum capellani, et amoveantur per eum cum deliquerint vel aliter etiam corrigantur. Liceat quoque vobis liberas et absolutas personas e saeculo fugientes, etc. Prohibemus insuper ut nulli fratrum vestrorum, post factam in loco vestro professionem, fas sit absque procuratoris sui licentia, etc. Chrisma vero et oleum sanctum, etc., per dioecesanum episcopum sine pravitate et exactione aliqua vobis praecipimus exhiberi. Obeunte vero te nunc ejusdem loci magistro, etc. Decernimus ergo, etc. Salva sedis apostolicae auctoritate et dioecesani episcopi canonica justitia. Si qua igitur in futurum ecclesiastica, etc. Cunctis autem, etc.

Datum Romae apud S. Petrum per manum Rainaldi domini papae notarii, cancellarii vicem agentis, IX kalend. maii, indictione prima, Incarnationis Dominicae anno 1198, pontificatus vero domini Innocentii papae III, anno 1°.