10 mai 1198

Référence: Potthast, n° 149.

A(demaro) Pictavensi et R(aimundo) Petragoricensi episcopis et Arnaldo archidiacono Petragoricensis ecclesiae mandat, ut ad abbatiam Caduniensem accedentes quidquid corrigendum ibi invenerint tam in capito quam in membris corrigant, et eadem abbatia redeat ad ordinem Cisterciensem, a quo formam religionis sumpsit. VI id. maii, anno 1°.

Edition: Etienne Baluze, Epistolarum Innocentii III, romani pontificis, libri undecim accedunt, tomus primus, 1682, Liber I, epistola 146.

Edition: Migne, Patrologie latine, 1855, CCXIV, 128, n° 146.

Mention : http://www.guyenne.fr/Publications/Etat_Dupuy/etat_de_l_eglise_du_perigord_t2.htm (note critique de l’abbé Audierne, concernant le chapitre XII).

Ut Caduniense reformatum monasterium instaurent.

(vide lib. 2, epist. 144).

A. Pictaven. et R. Petragoricen. episcopis, et Arnaldo archidiacono Petragor. ecclesiae.

Insinuatio dilecti filii Ay. abbatis Cadunien. nobis exposita patefecit, quod cum ab antiquo abbatia Cadunien. non solum pastorem, sed etiam habitum et regularem observantiam de Cistercien. ordine suscepisset, tam in temporalibus quam in spiritualibus coelestium donorum proficiens incrementis, tandem per quosdam indisciplinatos filios voluntatis propriae sectatores, qui cervices suas indomitas ab illo jugo suavi et salutari minus licenter excutere praesumpsere, ad tantae desolationis miseriam peccatis exigentibus jam devenit, ut a malitia inhabitantium in ea (sicut testimonio plurimorum didicimus) defectum minetur pariter et ruinam. Volentes igitur tantae dissolutionis materiam per vestram solicitudinem amputari, discretioni vestrae per apostolica scripta praecipiendo mandamus, quatenus ad locum pariter accedentes, quicquid corrigendum inveneritis, tam in capite, quam in membris, auctoritate freti apostolica, solum Deum habentes prae oculis, corrigatis, et monitione diligenti praemissa, ut ad ordinem Cistercien. redeant, a quo formam religionis sumpserunt, ad emendationem ipsius loci, tam in capite, quam in membris, prout expedire videritis, procedatis, quod statueritis facientes per censuram ecclesiasticam nullius contradictione vel appellatione obstante firmiter observari; solicite satagentes ut conspitationes et vitium proprietatis radicitus extirpentur. In quo si quis monachorum moriens fuerit vel fratrum inventus, christiana careat sepultura. Nullis obstantibus literis etc. veritate tacita impetrate. Quod si omnes etc. duo vestrum etc. Datum ut supra (Romae, VI idus maii).