12 août 1198

Référence: Potthast, n° 345.

(Johanni) Lemovicensi episcopo et abbati S. Eparchii Engolismensis mandat, ut P. de Rocenat et S. archidiaconum Petragoricensem compellant ad bona quaedam restituenda, si consisterit ea I. Petragoricensi decano injuste ablata fuisse. II id. augusti, anno 1°.

Edition: Etienne Baluze, Epistolarum Innocentii III, romani pontificis, libri undecim accedunt, tomus primus, 1682, Liber I, epistola 363.

Edition: Migne, Patrologie latine, 1855, CCXIV, 341-342, n° 363.

Copie : Collection Périgord, tome 27, fol. 104 r°, Bibliothèque nationale de France.

Ut ablata ecclesiae bona detentique reditus restituantur.

Lemovicen. episcopo et abbati S. Eparchii Engolismen.

Veniens ad praesentiam nostram dilectus filius I. Petragoricen. decanus contra P. de Rocenat, et S. archidiac. Petragoricen., G. et Ar. diacon. quaestionem intendit, asserens quod cum decanatum ipsius ecclesiae per donationem dilecti filii nostri Ior. tt. sanctae Pudentianae presbyter. card. tunc in partibus illis apostolicae sedis legati de assensu episcopi et cap. loci illius canonice fuisset adeptus, ipsi redditus et alia bona quae praedecessores ipsius decani per XL annos et amplius pacifice tenuerunt, in ejus praejudicium detinent occupata, et reddere contradicunt, cujus assertione A. clericus, qui ex adversa parte procurator ad sedem apostolicam fuerat destinatus, inficiabatur omnino, dicens quod ea quae illi pro quibus venerat possidebant, nullatenus idem decanus vel praedecessores ejus decanatus nomine tenuerunt. Quia igitur super his nobis veritas non poterat denudari, de utriusque partis assensu discretioni vestrae per apostolica scripta mandamus quatenus si praemissis veritas suffragatur, memoratos archidiac. et alios praedictorum reddituum detentores ad restitutionem illicite detentorum per censuram ecclesiasticam sicut justum fuerit, appellatione postposita compellatis ; audituri si quid fuerit quaestionis, et appellatione remota fine debito decisuri. Testes autem etc. Nullis literis obstantibus, si quae apparuerint praeter assensum partium a sede apostolica impetratae. Datum Reate, II id. augusti.

Note dans collection Périgord : c’est une faute ; au lieu de G. et Ar. diacon. il faut G. archidiacon.