5 décembre 1198
Référence: Potthast, n° 455.
(Raimundo) Petragoricensi episcopo concedit, ut in ecclesia sua S. Stephani et in ecclesia b. Frontonis in qua curam gerit abbatis, statuat et corrigat cum majore parte capituli, quae corrigenda et statuenda duxerit. non. decenbris, anno 1°.
Edition: Etienne Baluze, Epistolarum Innocentii III, romani pontificis, libri undecim accedunt, tomus primus, 1682, Liber I, epistola 445.
Edition: Migne, Patrologie latine, 1855, CCXIV, 421-422, n° 445.
Datur illi potestas
visitandi coenobia, et ecclesias constituendi corrigendi abusus, etc.
Episcopo Petragoricen.
Cum nobis, licet immeritis, in specula sedis apost. constitutis omnium ecclesiarum sit generalis cura commissa, nos attente convenit ac solicite providere ut per studium nostrae solicitudinis in statu debito valeant conservari. Et quoniam ubique praesentia corporali adesse non possumus, per fratres et coepiscopos nostros, qui sunt in partem solicitudinis evocati, ad rectum ordinem reduci volumus quae in eis in ordinate fuerint attentata, et in statum congruum reformari; ut personae constitutae in eis ad ecclesiastica obsequia prosequenda juxta doctrinam canonicam divinae servitutis cultibus vigilanter intendant, et cunctis recto progredientibus ordine Dominus et propitiator noster digne in ministrorum suorum operibus collaudetur. Nos igitur, venerabilis in Christo frater, tuis justis precibus grato concurrentes assensu, ut in ecclesia sancti Stephani, in qua pontificalis administrationis officium assumpsisti, et in ecclesia beati Frontonis, in qua curam geris abbatis, super correctione ordinis et aliis ecclesiasticis constitutionibus cum majori parre capituli, prout ipsis ecclesiis expedierit, valeas ordinare seu statuere quod fuerit statuendum, et corrigere corrigenda, liberam tibi sublato appellationis obstaculo auctoritate apostolica tribuimus facultatem, nisi a paucioribus juxta constituta Lateranen. concilii rationabile aliquid objectum fuerit et ostensum. Nulli ergo etc. Datum ut supra (Laterani, nonis decembris).