15 décembre 1198

Référence: Potthast, n° 476.

Rai(mundo) Petragoricensi episcopo concedit, ut, si forte laici suo nomine decimas a monasteriis, ecclesiis vel clericis suae diocesis duxerint exigendas, sit eis liberum quod ita postulabitur denegare. XVIII kal. januarii, anno 1°.

Edition: Etienne Baluze, Epistolarum Innocentii III, romani pontificis, libri undecim accedunt, tomus primus, 1682, Liber I, epistola 465.

Edition: Migne, Patrologie latine, 1855, CCXIV, 433-434, n° 462.

Quod laici decimas a clericis exigere non possint.

Rad. Petragoricen. episcopo.

Quoniam indignum est, et rationi contrarium, ut laici, qui personis ecclesiasticis decimas tenentur exolvere, eas a clericis rerum ordine praepostera confusione turbato extorquere praesumant, ad petitionem tuam universis monasteriis, ecclesiis, et clericis tue diocesis duximus indulgendum, ut si forte quilibet laici suo nomine decimas ab eis amodo consuetudinis obtentu longevae vel aliis occasionibus duxerint exigendas, sit eis liberum quod ita postulabitur denegare. Si vero laici, suae animositatis spiritu concitati, violenter aliquid voluerint adversus praesentis indulti beneficium attentare, tua fraternitas appellatione remota eos ecclesiastico interdicto supponat. Datum Laterani, XVIII kal. januarii.