7 février 1204

Référence: Potthast, n° 2119.

(Petro Raimundo) abbati de Cancellata, magistro B. canonico Albaterrensi Petragoricensis dioc. Et A. de la Faia canonico S. Frontonis Petragoricensis mandat, ut I. Morelli clerico Engolismensis praebendam ei a canonicis ejusdem ecclesiae ablatam restitui faciant. VII id. februarii, anno 6°.

Edition: de Brequigny et La Porte du Theil, Diplomata, chartae, epistolae, leges, etc., 1791, tom. II, I, n° 245.

Edition: Migne, Patrologie latine, CCXV, 276, n° 245.

Copie: http://www.guyenne.fr/archivesperigord/bnf/tome77/bnf_tome77_chartes.htm (fol. 180 r°)

Lettre du pape Innocent III, adressée à l’abbé de Chancelade,

à B. chanoine d’Aubeterre, et à A. de La Faye, chanoine de Saint Front de Périgueux

par laquelle il leur mande de faire jouir de sa prébende, Jean Morel,

clerc, nommé à un canonicat dans l’église d’Angoulême.

Cum dilectis filiis ... de Nantolio, et ... de Beania abbatibus, et ... cantori Xanctonensi, nostras litteras misissemus pro dilecto filio, J. Morelli clerico, super restitutione Engolismensis praebendae, qua se asserit a canonicis ejusdem ecclesiae spoliatum, idem judices, sicut nobis innotuit ex suarum continentia litterarum, super institutione ipsius J. testes recipere curaverunt, et attestationes ipsas sub suis apostolatui nostro transmisere sigillis, cum quibus eodem J. ad nostram praesentiam accedente, ipsi, et dilecto filio El. canonico Engolismensi, dilectum filium, Odonem, subdiaconum et capellanum nostrum, dedimus auditorem, et ipso E. litem nolente super hoc contestari, eo praesente attestationes ipsae apertae fuerunt, per quas constitit evidenter, quod praefatus J. auctoritate apostolica fuit Engolismensis ecclesiae canonicus institutus, et per procuratorem de praebenda ejusdem ecclesiae corporaliter investitus. Quocirca, discretioni vestrae per apostolica scripta praecipiendo mandamus, quatenus, si vobis constiterit eumdem J. esse praedicta praebenda spoliatum injuste, vel contra justitiam non admitti, ipsam et, appellatione remota, restitui faciatis; contradictores, si qui fuerint, aut rebelles, per censuram ecclesiasticam, appellatione postposita, compescentes. Praeterea, quoniam canonici Engolismenses super hoc ad nostram audientiam appellarunt, nec fuerunt appellationem interpositam prosecuti, super restituendis expensis memorato J. quod canonicum fuerit, sublato appellationis obstaculo, decernatis, facientes quod decreveritis per districtionem eamdem firmiter observari. Quod si non omnes, etc. Duo vestrum ea nihilominus exsequantur.

Datum Anagniae, VII id. februarii, pontificatus nostri anno sexto.