30 juillet 1204

Référence : Potthast, n° 2273.

Assalito canonico concedit, ut, non obstante defectu natalium, usque ad sacerdotii gradum per ecclesiasticos ordines valeat promoveri et tam praebendas quam dignitates recipere, quibus ordo sacerdotalis non fuerit annexus. III kal. aug., anno 7°. Bréquigny, II, 539.

Edition : Feudrix de Bréquigny, La Porte du Theil, Diplomata, chartae, epistolae, et alia documenta ad res Francicas spectantia, pars altera quae epistolas continet, tomus secundus, tome 2, 1791.

Edition: Migne, Patrologie latine, 1855, CCXV, 406, n° 120. (Migne donne VII kal. augusti, alors que du Theil donne III kal. augusti).

Dispensatio pro defectu natalium.

N... (1)

De eodem argumento.

Ad hoc Deus, in apostolica sede constituit plenitudinem ecclesiasticae potestatis, ut, diligenter inspectis variis circumstantiis, personarum, et rerum, temporum, et locorum, nunc rigorem exerceat, nunc mansuetudinem anteponat, interdum exequatur justitiam, interdum gratiam largiatur, prout in causis diversis diverso modo viderit dispensandum. Ea propter, dilecte in Domino fili, tuis amaris devicti lacrymis, et devotis supplicationibus inclinati, cum pro te multorum religiosorum virorum laudabile receperimus testimonium, et nos ipsi noverimus te in literali scientia laudabiliter profecisse, devotioni tuae auctoritate praesentium indulgemus, ut, non obstante defectu natalium, usque ad sacerdotii gradum per ecclesiasticos ordines valeas promoveri, et tam praebendas, quam dignitates recipere, quibus ordo non fuerit sacerdotalis annexus, ita dumtaxat, ut vitam duxas honestam, ne paternae incontinantiae appareas imitator, quatenus cum magis te reddideris gratiosum, majorem gratiam debeas obtinere. Verum, cum venerabilis frater noster, O (2) Hostiensis episcopus, olim in partibus vestris apostolicae sedis legatus, vobis dederit in mandatis, ut praefatum Assalitum in canonicum reciperetis et fratrem, tandem, quia contra ipsum fuit exceptum a vobis, quod ei natalium defectus obstaret, ipsumque propter hoc recusaretis recipere, idem A. ad praesentiam nostram accedens, ad ... Burdegalensem archiepiscopum, et … Albaterrensem abbatem literas impetravit, ut compelleremini ad receptionem illius, sed vos, ad nos voce appellationis emissa, Bernardum pro vobis presbyterum, et ipse pro se magistrum P. Haimerici Boiol, ad nostram praesentiam destinatis, quibus petentibus suas rationes audiri dilectum filium, L. (3) tituli sanctae Crucis presbyterum cardinalem, dedimus auditorem, per quem auditis quae fuerunt proposita coram eo, venerabili fratri nostro ... episcopo, et dilectis filiis W. Alboini, subdiacono nostro, canonico Lemovicen. sub expressa forma literas duximus destinandas, a quorum examine idem A. cum sibi videret imminere gravamen, vocem ad nos appellationis emisit. Cum igitur quam praetendebatis adversus cum execptio, sit per nostram dispensationem abolita, prout superius est expressum, discretioni vestrae per apostolica scripta mandamus, atque praecipimus, quatenus eum, pro reverentia beati Petri et nostra, in canonicum et fratrem, nisi aliud obsistat canonicum, admittatis, ne apostolicae benignitati, quae illum ad beneficium ecclesiasticum percipiendum admittit, videamini contraire. Alioquin noveritis nos dilectis filiis ... cantori, et Arnaldo de Montel et Guidoni Guahan canonicis, Lemovicensibus, in mandatis dedisse, ut vos ad hoc per censuram ecclesiasticam, appellatione remota, compellant. Datum ut supra (Laterani, III kal. augusti, anno septimo).

(1) Deest inscriptio, tam in apographo Vaticano quam in apographo Conti; verum, ex epistoli libri sexti jam citata, patet decano et capitulo ecclesiae S. Aredii directam fuisse.

(2) De eo jam dictum est saepius.

(3) Vide epistolas libri quinti V, not. 1, libri septimi I, not. 2.