1^er décembre 1212

Référence: Potthast, n° 4625.

Monasterium S. Mariae Silvae majoris tuendum suscipit, statuens ut ordo monasticus secundum b. Benedicti regulam ibi perpetuo observetur, omnesque ejus possessiones adeptas vel adipiscendas, quarum plurimas nominatim exprimit, illibatas permanere jubet. kal. decembris, anno 15°.

Edition: Etienne Baluze, Epistolarum Innocentii III, romani pontificis, libri undecim accedunt, tomus primus, 1682, Liber XV, epistola 231.

Edition: François Bosquet, 1635, liber 15, n° 506.

Edition: Migne, Patrologie latine, 1855, CCXVI, 767, n° 231.

De confirmationis privilegiorum.

Abbati monasterii Sanctae Mariae Silvae Majoris, ejusque fratribus tam praesentibus quam futuris regularem vitam professis in perpetuum.

Quotiens a nobis petitur quod religioni et honestati convenire dinoscitur, animo nos decet libenti concedere, et petentium desideris congruum suffragium impertiri. Eapropter, dilecti in Domino filii, vestris justis postulationibus clementer annuimus, et praefatum monasterium, in quo divino mancipati estis obsequio, ad exemplar felicis recordationis Lucii et Celestini Romanorum pontificum praedecessorum nostrorum, sub beati Petri et nostra protectione suscipimus et praesentis scripti privilegio communimus. In primis siquidem statuentes ut ordo monasticus, qui secundum Deum et beati Benedicti regulam in eodem monasterio noscitur institutus, perpetuis ibidem temporibus inviolabiliter observetur. Praeterea quascunque possessiones, quaecunque bona idem monasterium in praesentiarum juste ac canonice possidet, aut in futurum concessione pontificum, largitione regum vel principum, oblatione fidelium, seu aliis justis modis praestante Domino poterit adipisci, firma vobis vestrisque successoribus et illibata permaneant, in quibus haec propriis duximus exprimenda vocabulis. Locum ipsium in quo praefatum monasterium situm est, cum omnibus pertinentiis suis. In eadem villa, ecclesias sancti Petri et sancti Johannis, grangias ad ipsum monasterium pertinentes, scilicet Malforat cum terra de Bunasse, grangiam de Daniaco et de Carenzac cum ecclesia de Narizan, grangiam de Fongravosa et sancti Nicolai de Genizaco et de Montfarto cum pertinentiis earum. Decimas, molendina, colonos et homines, quae specialiter ad monasterium vestrum spectant. Prioratus quoque de Senon, de sancto Lupo, de Castelleto, de Avaron, de Cronhon, de Foncambalada, de Madiraco, de Lopiac, de Belabat, de Banhals, de Benaugias veteri, de Guibon, de Aguliaco, de Ardeniaco, de Darvaco, cum omnibus pertinentiis eorumdem prioratuum. Ecclesias etiam de Spineto, de Camiac, de sancto Leone, de Montiniaco, de Corbeliaco, de sancto Sidonio, de Plazaco, de sancto Germano de Campetez. Prioratus quoque sancti Andreae de nomine Domini, de Podio Dodon cum ecclesiis suis, sancti Christophori, et sancti Severini. Prioratum sancti Martini et sancti Saturnono de Boenes, et sancti Vincentii de Porzeto, et sancti Laurentii de Scaras, et sancti Johannis de Campanhas, cum omnibus pertinentiis eorum. Quicquid habetis quod Brojam et Ialam, domum de Artelea, de Montelauri, ecclesiam et decimam de Villanova, cum omnibus pertinentiis suis. In Xantonensi diocesi prioratum sancti Nicolai de Roiano, furnum habetis apud Brojam et Ialam, domum de Artelea, de Montelauri, ecclesiam et decimam de Villanova, cum omnibus pertinentiis suis. In Xantonensi diocesi prioratum sancti Nicolai de Roiano, furnum et terram contiguam burgo sancti Petri, villam de Castellars, sicut concluditur duabus viis, cum grangia et agriculturis. Terras, vineas et redditus quos habetis in insula quae dicitur Oleron. Molendinum vobis in mari collatum a Johanne Martin. Vineas vobis collatas ab Arnaldo Viverevult, vinea de Valera. Prioratus sanctae Mariae de insula quae est in Averto, et de Praifornel, cum possessionibus eorum. In Vasatensi diocesi ecclesiam de Brana cum aliis possessionibus vestris. Prioratus sancti Johannis de Blaniaco et sancti Petri de Castet, cum ecclesia sua de Siurac. Prioratus de Rius, de Sorraco, de Coriaco, de Fescals, de la Gardera, de Viaco, de Linguon, cum omnibus pertinentiis eorum, et prioratum de Bellofonte. In Petragoricensi diocesi prioratus sancti Martini, Campi Martini, et de Scaurniaco, et de Prisone, et sancti Ulrici, et sancti Nicolai de Gorson, de Lopehac, cum ecclesia sua de Murzac. Prioratus sancti Saturnini de Puteo cum ecclesiis suis sanctae Mariae de Belpojet et de Punacio. Prioratum de Lavernhia cum ecclesiis suis sancti Martini de Cumbis et de Croisa. Prioratum sancti Pastoris cum ecclesiis sibi pertinentibus, et prioratum de Atenac et de Nausis cum omnibus pertinentiis eorum, et de Siuriaco cum pertinentiis suis. In Agennensi diocesi, prioratum sancti Antonini cum ecclesia sanctae Rufinae, et de Runaut, et Maureliaco, et sanctae Mariae de Culturis. Prioratus sancti Silvestri de Peno, sancti Petri de Guntaldo, de Escassafort, cum ecclesiis et aliis pertinentiis suis. Prioratus etiam de Manuforti, de Calesu, sancti Caprasii de Savarzac, sanctae Mariae de Lafita, et de Caus Beosa cum ecclesia ejus sancti Andreae, cum omnibus pertinentiis eorum. In Caturcensi diocesi monasterium monialium, scilicet Pomaredus, cum prioratibus, ecclesiis, et aliis possessionibus suis. Salvitatem de Blancafort. In Auxitanensi diocesi prioratum Gavarretus cum decima et censu totius villae, furnis, et aliis possessionibus suis. Prioratus de Leucader, de Malvezi, de Gilo, de Perquer, de Boga, del mont de Caneux, de Seuguer. In regno Aragonum, prioratus de Rosta, de Pintan, de Unocastello, de Exera, de Pradella, de Alcala, cum ecclesiis, decimis, et aliis possessionibus suis. In Lincolniensi diocesi in Anglia, prioratum de Boroella cum pertinentiis suis. In Cameracensi diocesi, abbatiam sancti Dionysii de Brocares, cum ecclesiis, decimis, et aliis pertinentiis suis. In Suessionensi diocesi, prioratus sancti Leodegarii et sancti Pauli de Nemoreet Bellaevallis. In Laudunensi diocesi prioratum Girei, et sanctae Probae et de Lapion. In Remensi diocesi prioratum de Noveio cum pertinentiis suis. In Cathalaunensi diocesi prioratum Chantici. In Senonensi diocesi prioratum Neronis villae cum pertinentiis suis. In Aurelianensi diocesi prioratum de Semeio cum ecclesiis suis sancti Johannis de Eureis et sancti Symphoriani de Camblois. Sane novalium vestrorum quae propriis manibus aut sumptibus colitis, sive de nutrimentis animalium vestrorum nullus a vobis decimas exigere vel extorquere praesumat. Liceat quoque vobis clericos vel laicos liberos et absolutos e seculo fugientes ad conversionem recipere et eos absque contradictione aliqua retinere. Cum autem generale interdictum terrae fuerit, liceat vobis clausis januis, exclusis excommunicatis et interdictis, non pulsatis campanis, suppressa voce, divina officia celebrare. In parrochialibus autem ecclesiis quas habetis liceat vobis sacerdotes eligere et diocesano episcopo praesentare ; quibus, si idonei fuerint, episcopus animarum curam committat, ut ei de spiritualibus, vobis autem de temporalibus debeant respondere. Chrisma vero, oleum sanctum, consecrationes altarium seu basilicarum, ordinationes monachorum vel clericorum qui ad sacros fuerint ordines promovendi, a diocesano suscipietis episcopo ; siquidem catholicus fuerit, et gratiam atque communionem apostolicae sedis habuerit, et ea vobis gratis et absque pravitate aliqua voluerit exhibere. Alioquin liceat vobis quemcunque malueritis catholicum adire antistitem, qui nostra fretus auctoritate quod postulatue indulgeat. Ad haec, praesenti decreto statuimus ut obeunte te nunc ipsius loci abbate vel tuorum quolibet successorum, nullus ibi qualibet subreptionis astutia seu violentia praeponatur nisi quem fratres communi consensu vel fratrum major pars consilii sanioris secundum Dei timorem et beati Benedicti regulam providerint eligendum. Inhibemus quoque ne infra terminos parrochiarum vestrarum ecclesiam vel oratorium sine assensu diocesani episcopi et vestro quisquam aedificare praesumat. Salvis tamen privilegiis apostolice sedis. Libertates praeterea et immunitates a felicis recordationis Alexandro papa praedecessore nostro, sive ab archiepiscopis, a ducibus Aquitaniae, necnon et aliis illius terrae baronibus monasterio et hominibus vestris pietatis et religionis consideratione indultas ratas habentes, auctoritate apostolica confirmamus ; statuentes ut sicut ab eisdem praedecessoribus nostris statutum fuisse dinoscitur, nulla ecclesiastica secularisve persona habitatores vestros ad arma compellere vel indebitas exactiones ab eis extorquere praesumat. Sepulturam praeterea ipsius loci liberam esse decernimus, ut eorum devotioni et extremae voluntati qui se illic sepeliri deliberaverint, nisi forte excommunicati vel interdicti sint, nullus obsistat. Salva tamen justitia illarum ecclesiarum a quibus mortuorum corpora assumuntur. Decernimus ergo ut nulli omnino hominum fas sit praefatam ecclesiam temere perturbare, aut ejus possessiones auferre, ablatas retinere, minuere seu quibuslibet vexationibus fatigare, sed omnia integra conserventur eorum pro quorum gubernatione ac sustentatione concessa sunt usibus omnimodis pro futura, salva sedisapostolice auctoritate et diocesani episcopi canonica justitia. Si qua igitur in futurum ecclesiastica secularisve persona hanc nostrae constitutionis paginam sciens, contra eam temere venire temptaverit, secundo tertiove commonita nisi reatum suum congrua satisfactione correxit, potestatis honorisque sui dignitate careat reamque se, divino judicio, existere de perpetrata iniquitate cognoscat et a sacratissimo corpore ac sanguine Dei et Domini redemptoris nostri Jhesu Christi aliena fiat atque in extremo examine districte subjaceat ultioni. Cunctis autem eidem loco sua jura servantibus sit pax Domini nostri Jhesu Christi quatinus et hic fructum bone actionis percipiant et apud districtum judicem premia aeternae pacis inveniant. Amen. Datum Laterani per manum Johannis sanctae Mariae in Cosmidin diaconi cardinalis, S. R. E. cancellarii, kal. decemb., indictione prima, incarnationis dominicae anno MCCXII, pontificatus vero domini Innocentii papae III anno quintodecimo.