25 septembre 1220

Référence: Potthast, n° 6365.

Edition: Bouquet, Recueil des historiens des Gaules et de France, 1833, vol. XIX, p. 707.

Edition: Horoy, Medii Aevi bibliotheca patristica, Series Prima, tomus III, Honorii III, 1879, n° LXV.

Notice: Petrus Pressutti, Regesta Honorii papae III, jussu et munificentia Leonis XIII pontificis maximi, ex Vaticanis archetypis, aliisque fontibus edidit, 1888, n° 2727.

Nobili viro vicecomiti Lemovicensi.

Commendat eius fidem et constantiam pro defendendo H(enrico) rege Angliae contra eius matrem quae materni affectus oblita eum et terram suam facit indebite molestari. Datum ut supra (apud Urbemveterem, VII kal. oct. anno quinto).

Original: Reg. Vat., lib. 5, epist. 146, fol. 29. – Constantem fidem.

Copie: Mss. Vallicel., I, 53.

Copie: http://www.guyenne.fr/ArchivesPerigord/BNF/Tome30/BnF_tome30.htm (fol. 338 r°)

Lemovicensis vicecomitis et omnium qui cum eo causae Henrici, Angliae regis,

adhaerent adversus matrem ejus, reginam Isabellam, laudibus extollit fidem et constantiam Honorius.

Ad Guidonem, Lemovicensem vicecomitem.

Honorius episcopus ..., dilecto filio nobili viro vicecomiti Lemovicensi, salutem, etc.

Constantem fidem et fidelem constantiam, quam erga carissimum in Christo filium nostrum H., regem Anglorum illustrem, in tentatione servasti, et sine intermissione conservas, venerantur fideles, et infideles mirantur, et nos dignis Domino laudibus commendamus. Caeterum, etsi fidelitas tua persuasionibus alienis non egeat adjuvari, quae potius ad imitationem sui alios persuadet, ut tamen scias ex hoc nobis plurimum complacere, nobilitatem tuam monemus et hortamur attente, per apostolica scripta mandantes, quatenus in fide stabilem et in opere te exhibeas, sicut convenit, efficacem, assistas efficaciter regi praedicto, non deferens matri ejus (1), quae, materni affectus oblita, eum et terram suam facit indebite molestari, preces et mandatum nostrum taliter impleturus, quod eumdem regem propitium, et nos, qui causam ejus propriam reputamus, reddas tibi favorabiles et benignos; certus quod, quantum in nobis fuerit, te legitime pro rege memorato certantem non permittemus ab ejus aemulis conculcari. Datum apud Urbem Veterem, VII kal. octobris, anno quinto.

In eumdem modum scriptum est consulibus et populo castri Lemovicensis.

Item, electo, capitulo et populo civitatis Vasatensis.

Item, nobili viro S. de Maloleone, Pictavensis dioecesis.

Item, nobili viro A. vicecomiti de Rupecavardi; de Cabanisio, Montis Berulfi dominis, Lemovicensis et Engolismensis dioecesium.

Item, abbati et conventui Sancti Johannis Angeliacensis, Xanctonensis dioecesis.

Item, majori et communiae de Niorto, Pictavensis dioecesis.

Item, majori et communiae Sancti Johannis Angeliacensis, Xanctonensis dioecesis.

Item, episcopo, capitulo et populo civitatis Petragoricensis.

Item, nobilibus viris Gaufrido, Americo et Roberto de Ranconio fratribus, Xanctonensis dioecesis.

Item, nobilibus viris baronibus et aliis fidelibus regis Angliae in Burdegalensi dioecesi constitutis.

Item, episcopo, capitulo et populo civitatis Lemovicensis.

Item, majori et communiae de Rupella, Xanctonensis dioecesis.

Item, episcopo, capitulo et populo civitatis Bayonensis.

Item, universis baronibus et fidelibus carissimi in Christo filii nostri H., illustris regis Angliae, in Lemovicen. dioec. Constitutis.

Item, episcopo, capitulo et populo civitatis Aquensis.

Item, nobili viro vicecomiti Toartensi, et W. et G. natis ejus, Pictavensis dioecesis.

(1) Isabellae Engolismensi.