24 septembre 1222

Référence: pas dans Potthast.

Edition: Horoy, Medii Aevi bibliotheca patristica, Series Prima, tomus IV, Honorii III, 1879, n° VI.

Notice: Petrus Pressutti, Regesta Honorii papae III, jussu et munificentia Leonis XIII pontificis maximi, ex Vaticanis archetypis, aliisque fontibus edidit, 1888, n° 4119.

A. Samathie archidiacono Petragoricensi.

Ut, non obstante constitutione concilii generalis, alia quaedam beneficia cum archidiaconatu retinere possit.

Laterani, VIII kal. octobris anno septimo.

Original: Reg. Vat., lib. 7, epist. 26, fol. 7. – Ex litteris venerabilis.

Copie: mss. La Porte du Theil, Collection Moreau, Bibliothèque nationale de France.

Mention: http://www.guyenne.fr/ArchivesPerigord/BNF/Tome30/BnF_tome30.htm (fol. 343 v°)

Ei concedit ut quaedam beneficia retinere possit.

Ad A. Samathiae archidiaconum Petragor.

Honorius, etc., dilecto filio A. Samathiae archidiacono Petragoricen., salutem et apostolicam benedictionem.

Ex litteris venerabilis fratris nostri ... episcopi Petragoricen. accepimus, quod quum praeter ruptariorum violentiam et guerrarum turbines, quibus ejus dioecesis saepe concutitur, in quadam ipsius parte tabes invaluerit haereticae pravitatis, et ipsum, qui ad tot diversa et adversa non sufficit, oporteat alios in partem suae sollicitudinis evocare, propter multam tenuitatem beneficiorum ipsius dioecesis, vix conveniuntur qui in his assistere sibi velint. Quum autem, sicut in litteris continebatur eisdem, quodam de Petragoricen. ecclesiae archidiaconatibus, qui sunt septem, canonice tibi collato, te ad componendam secum suam sollicitudinem litteratura et nobilite generis tibi suffragantibus evocarit, humiliter petiit, ut quum redditus archidiaconatus ejusdem centum solidos Turonen. non excedant, retinendi cum ipso quaedam beneficia, quae ante generale concilium obtinueras, redditus, quorum summam decem librarum Turonen. vix attingunt, concederemus tibi de gratia, ut assumptae sollicitudinis onus commode ferre valeas facultatem. Nos igitur ipsius precibus et tuae probitatis meritis inclinati, praesentium tibi auctoritate concedimus, ut, constitutione generalis concilii non obstante, memorata beneficia cum archidiaconatu praedicto tibi liceat retinere. Nulli ergo, etc. Si quis autem, etc. Datum Laterani, VIII kal. octobris, pontificatus nostri anno septimo.