16 mai 1223

 

Référence: pas dans Potthast.

Edition: Horoy, Medii Aevi bibliotheca patristica, Series Prima, tomus II, Honorii III, 1879, n° CXXXIV.

Notice: Petrus Pressutti, Regesta Honorii papae III, jussu et munificentia Leonis XIII pontificis maximi, ex Vaticanis archetypis, aliisque fontibus edidit, 1888, n° 4362.

Populo ville Podii Sancti Frontonis, Petragoricensi.

Ut revocent magistratus ab eis in eorum villa creatos, quum id in praeiudicium existat episcope et capituli ecclesiae Sancti Frontonis Petragoricensis qui temporalem iurisdictionem in eadem villa et ipsius suburbiis habent, et alia quae contra ecclesiasticam libertatem statuerant revocent, alioquin episcopo Lemovicensi, abbati Dauratensi et praeposito de Subterranea Lemovicensis dioecesis dat litteris in mandates ut per censuras ecclesiasticas ad id eos compellant.

Laterani, XVII kal. Iunii anno septimo.

Original: Reg. Vat., lib. 7, epist. 161, fol. 46. – Venerabilis frater noster.

Copie: mss. Vallic., I, 53.

Copie: mss. La Porte du Theil, Collection Moreau, Bibliothèque nationale de France.

Copie: http://www.guyenne.fr/ArchivesPerigord/BNF/Tome30/BnF_tome30.htm (fol. 344 r°; traduction en français)

 

 

Mandat ut ecclesiae S. Frontonis Petragoricen. de illatis injuriis et damnis competenter satisfaciant.

 

Ad populum villae Podii.

Honorius, etc., dilectis filiis populo villae Podii Sancti Frontonis Petragoricen., salutem, etc.

Venerabilis frater noster ... episcopus, et dilecti filii capitulum ecclesiae Sancti Fronton. Petragoricen., gravem nobis querimoniam obtulerunt, quod, quum in villa vestra jurisdictionem habere debeant temporalem, vos contra ipsos, et eorum ecclesiam, matrem vestram, calcaneum erigentes, majorem, consules, et consiliarios vobis propria temeritate creastis, qui jurisdictionem ipsius villae, ac suburbiorum ejus in grave ipsius ecclesiae praejudicium usurpantes, constitutiones iniquas, et contrarias ecclesiasticae libertati condere non verentur, et cogentes homines et clericos ecclesiae saepedictae sub eorum examine litigare, ipsos toltis et aliis exactionibus indebitis irreverenter affligere, etiam bannire praesumunt; inhibent etiam ne quis laicus domos, possessiones, aut redditus ipsi ecclesiae, vel alicui clerico legare audeat, aut vendere, vel donare. Praeterea ipsius ecclesiae homines contra prohibitionem ipsorum inhabitatores recipiunt dictae villae, dantes eos temeritate propria libertati, et sic ejusdem ecclesiae praedia deserta remanent, et inculta, alias super redditibus, piscationibus, usuagiis fluminis, quod villam ipsam praeterfluit, ac rebus aliis multipliciter injuriantes eisdem, unde damna gravia incurrerunt et incessanter incurrunt. Quia igitur haec sub dissimulatione transire nec volumus, nec debemus, universitatem vestram rogandam duximus et hortandam per apostolica vobis scripta mandantes, quatenus ea, quae creando novum in praejudicium ipsius ecclesiae magistratum, caeterisque supradictis modis, aut aliis contra ipsam ecclesiam improvide attentastis, provide revocantes, ac satisfacientes ipsi ecclesiae competenter de damnis et injuriis irrogatis et a similibus de caetero abstinentes jurisdictionem consuetam et debitam libere dimittatis eidem. Alioquin venerabili fratri nostro ... episcopo Lemovicen. et dilectis filiis ... abbati Dauraten., et ... praeposito de Subterranea Lemovicen. dioec. Damus nostris litteris in mandatis, ut vos ad ea, quae praemisimus exsequendo, per censuram ecclesiasticam, appellatione remota, praevia ratione compellant. Datum Laterani, XVII kalendas junii, pontificatus nostri anno septimo.