12 décembre 1223

Référence: Potthast, n° 7114.

Edition: Horoy, Medii Aevi bibliotheca patristica, Series Prima, tomus IV, Honorii III, 1879, n° LXI.

Edition : Bouquet, Recueil des historiens des Gaules et de France, 1833, vol. XIX, p. 745.

Notice : Petrus Pressutti, Regesta Honorii papae III, jussu et munificentia Leonis XIII pontificis maximi, ex Vaticanis archetypis, aliisque fontibus edidit, 1888, n° 4610.

Dalonensi et de Palatio Sancte Marie abbatibus cisterciensis ordinis, Lemovicensis diocesis.

Injungant archiepiscopo Burdegalensi, ut juxta litteras apostolicas, infra annum ab instanti festo Dominicae Nativitatis per se vel procuratorem compareat coram pontifice responsurus (Simonis) Bituricensis archiepiscopi querelis, super turbatione possessionis primatiae quam Bituricensis ecclesia in ipso et provincial sua noscitur obtinere, et super damnis et injuriis illatis bon. mem. (Guillelmo) Bituricensi archiepiscopo, quondam provinciam ipsam ejusdem primatiae auctoritate visitare volenti.

Datum ut supra (Laterani, II idus decembris anno octavo).

Original : Reg. Vat., lib. 8, epist. 157, fol. 133. – Venerabilis frater noster.

Mandatur eis, ut Burdegalensem archiepiscopum coram pontifice, tempore praefinito, comparere jubeant.

Ab abbates Dalonensem et de Palatio Sanctae Mariae.

Honorius episcopus ..., dilectis filiis Dalonensi et de Palatio Sanctae Mariae abbatibus Cisterciensis ordinis, Lemovicensis dioecesis, salutem, etc.

Venerabilis frater noster Bituricensis archiepiscopus (1) proposuit coram nobis, quod venerabilis frater noster Burdegalensis archiepiscopus (2) super turbatione possessionis primatiae quam Bituricensis ecclesia in ipso ac provincia sua noscitur obtinere, sibi et eidem ecclesiae gravis et injuriosus existit, ac bonae memoriae G. (3) Bituricensi archiepiscopo praedecessori suo, quondam provinciam ipsam ejusdem primatiae auctoritate visitare volenti, se irreverenter opponens, ei et sociis ejus, et in eis Bituricensi ecclesiae, graves injurias et damna temere irrogavit; quare petiit ut sibi et ecclesiae suae super his faceremus justitiam exhiberi. Cum ergo a justis praedicti Bituricensis archiepiscopi clamoribus apostolicas aures avertere non possimus, eidem Burdegalensi archiepiscopo nostris damus litteris in mandatis, ut ab instanti festo Dominicae Nativitatis ad annum, quod peremptorium sibi terminum assignamus, per se vel per procuratorem idoneum compareat coram nobis, exhibiturus super his quod ordo poposcerit rationis. Quocirca discretioni vestrae per apostolica scripta mandamus, quatenus hoc ipsum injungatis eidem Burdegalensi archiepiscopo viva voce, nobis quod inde fecerit rescripturi. Quod si non omnes, etc. Datum Laterani, pridie idus decembris, anno octavo.

Scriptum est in eumdem modum Burdegalensi archiepiscopo in epistola 158.

(1) Simon Suliacus.

(2) Giraldus de Cros.

(3) Guillelmo Amanevi.