17 juillet 1229

Référence: Potthast, n° 8429

Edition: Lucien Auvray, Les registres de Grégoire IX. Recueil des bulles de ce pape publiées ou analysées d’après les manuscrits originaux du Vatican, 1890, n. 323.

Edition: http://www.guyenne.fr/archivesperigord/SHAP/T43_1916/Varia_T43.htm

Original: Reg. 14, f. 130 r°, ann. III, c. 37.

Copie: mss. Laporte du Theil, Collection Moreau, vol. 1184, f. 299, Bibliothèque nationale de France.

Copie: http://www.guyenne.fr/ArchivesPerigord/BNF/Tome30/BnF_tome30.htm (fol. 354 r°)

Petragoricensi episcopo, abbati de Petrosa, et magistro A. Samathie, archidiacono Petragoricensi, mandat quatenus quinquaginta et amplius canonicos in ecclesia Pictaviensi indebite ordinatos ad numerum vicesimum reducant, et eis declarat quod non fuit intentionis suae ut pueri et beneficiati qui non possunt in eadem ecclesia deservire, in ea debeant idonei reputari.

... Petragoricensi episcopo, ... abbati de Petrosa, Petragoricensis diocesis, et magistro A. Samathie, archidiacono Petragoricensi. Super inordinata ordinatione quinquaginta canonicorum et amplius in ecclesia Pictaviensi presumpta, vobis mandavimus ut tante multitudinis numerum usque ad vicesimum, de quinquaginta predictis implendum, si tot ex ipsis inveritis idoneos, alioquin de aliis, auctoritate apostolica reducere curaretis. Sed, cum quidam de institutis eisdem sufficienter beneficiati sint alibi, quorum aliqui ecclesiasticas obtinent dignitates, aliqui vero beneficia que curam habent animarum annexam, et quidam in puerili existant etate, nos consulere voluistis an tales reputare idoneos debeatis. Cum autem illi sint in ecclesiis idonei reputandi, qui servire possint et volunt in ipsis, vobis taliter respondemus, quod non fuit intentionis nostre, cum super hoc scripsimus, quod pueri et beneficiati, qui non possunt in eadem ecclesia deservire, in ea debeant idonei reputari. Datum Perusii, XVI kalendas augusti, pontificatus nostri anno tertio.