23 octobre 1232

Référence: pas dans Potthast.

Notice: Lucien Auvray, Les registres de Grégoire IX. Recueil des bulles de ce pape publiées ou analysées d’après les manuscrits originaux du Vatican, 1890, n. 941.

Suffraganeos ecclesiae Burdegalensis aliosque praelatos in Burdegalensi provincia constitutos hortatur quatenus archiepiscopo Burdegalensi auxilium opportunum ad persolvenda debita, quibus Burdegalensis ecclesia gravabatur, propter subsidium quod idem archiepiscopus ecclesiae Romanae, pro tuenda ecclesiastica libertate, praebuerat, impendant. – Suffraganeis ecclesie Burdegalensis, abbatibus, prioribus, decanis, archipresbiteris et aliis ecclesiarum prelatis in Burdegalensi provincia constitutis. Non debetis gratiam... Datum Anagnie, X kalendas novembris, pontificatus nostri anno sexto.

Original: Reg. 16, f. 49 v°, ann. VI, c. 152.

Copie : mss. Laporte du Theil, Collection Moreau, Bibliothèque nationale de France.

Copie: http://www.guyenne.fr/ArchivesPerigord/BNF/Tome30/BnF_tome30.htm (fol. 349 r°)

D'après collection Périgord, vol. 30, fol. 349 r°.

Suffraganeis et prelatis universis ecclesie Burdegalen.

Gregorius episcopus servus servorum Dei, &c. Vener. fratribus suffraganeis ecclesie Burdegalen., dilectis filiis abbatibus, prioribus, decanis, archipresbiteris, et aliis ecclesiarum prelatis in Burdegalen. provincia constitutis salutem et apostolicam benedictionem.

Non debetis gratiam superioribus vestris subtrahere quam a vestris vobis vultis subditis exhiberi, ne diversa pondera videamini simul ferre, quod est abominabile apud Deum. Ex parte siquidem ven. fratri nostri Burdegal. archiepiscopi fuit nobis humiliter supplicatum, ut cum Burdegalen. ecclesia pro subsidio quod idem archiepiscopus ecclesie Romane, opportuno tempore pro tuenda ecclesiastica libertate, devotus impendit maximo debitorum onere sit gravata, providere sibi super hoc de benignitate sedis apostolice dignaremur. Nos igitur ecclesie memorate graviminibus paterno compatientes affectu, universitatem vestram rogamus, monemus attente et hortamur, per apostolica vobis scripta mandantes quatenus cum secundum apostolum, alter teneatur alterius onera supportare, ob reverentiam B. Petri et nostram, eidem archiepiscopo auxilium opportunum ad jam dicta debita persolvenda, taliter impendatis, quod ecclesia supradicta per subventionem vestra a tanto valeat debitorum onere relevari; quod ipsa liberalitatem vestram sensiat per ef[...] et nos, qui ejus gravamina sustinere equanimiter possemus, vos ad id, per alium compellere non [...]gamur. Datum Anagnie, X kal. novembris, pontificatus nostri anno sexto.