27 juillet 1233

Référence: pas dans Potthast.

Edition: Lucien Auvray, Les registres de Grégoire IX. Recueil des bulles de ce pape publiées ou analysées d’après les manuscrits originaux du Vatican, 1890, n. 1471.

Original: Reg. 17, f. 72 v°, ann. VII, c. 250.

Copie: http://www.guyenne.fr/ArchivesPerigord/BNF/Tome30/BnF_tome30.htm (fol. 369 r°)

Archiepiscopo Burdegalensi mandat quatenus ecclesiae Petragoricensi

de persona idonea infra unum mensem provideat in pastorem.

... archiepiscopo Burdegalensi. Circa ecclesias pastorum. Cum igitur dilecti filii ... decanus et capitulum Petragoricensis ecclesie, sicut ejusdem decani et majoris ac sanioris partis ipsius capituli nobis exhibita petitio continebat, eadem ecclesia pastore vacante, convenientes in unum, invocata Spiritus Sancti gratia, in te, qui eorum metropolitanus existis, de providendo ipsis de persona idonea in pastorem transtulerint unanimiter et concorditer vota sua, prestito juramento quod illum reciperent, de quo ipsis duceres providendum, nec adhuc ad provisionem hujusmodi sit processum, quia venerabilis fratris nostri ... Tornacensis episcopi, tunc Apostolice Sedis legati, qui in dictum capitulum, si eligerent, et in electum, si electioni de se facte aliquatenus consentiret, excommunicationis sententiam promulgavit, assensus non poterat impetrari : mandamus quatenus, ejusdem ecclesie necisstate paterna meditatione pensata, ei de persona litterata, idonea et honesta, nec non in temporalibus et spiritualibus circumspecta, que tanto congruat oneri et honori, et negotium diligat, pacis et fidei, non obstante sententia supradicta, cum consilio venerabilium fratrum nostrorum ... Auxitani archiepiscopi et ... episcopi Agennensis, infra unum mensem post susceptionem presentium provideas in pastorem. Contradictores etc. Datum Anagnie, VI kalendas augusti, anno septimo.