8 décembre 1235

Référence: pas dans Potthast.

Notice: Lucien Auvray, Les registres de Grégoire IX. Recueil des bulles de ce pape publiées ou analysées d’après les manuscrits originaux du Vatican, 1890, n. 2860.

Episcopo Petragoricensi, capitulo ecclesiae Sancti Frontonis Petragoricensis monstrante quod institutio in eadem ecclesia facta ab H[onorio III] papa de tricenario canonicorum numero, in ejusdem ecclesiae grave dispendium vergeret et magnum eorumdem canonicorum detrimentum, qui, cum ex facultatibus ipsius non possent congrue sustentari, ibidem non poterant residere; monstrante insuper eodem capitulo quod, cum, a tempore ejusdem statuti numeri, ipsorum redditus, propter continua guerrarum discriminia, essent non modicum diminuti, si praedictum numerum in dicta ecclesia servari contingeret, ipsos eam, in medio nationis pravae positam, inter persecutores indefensam dimittere, sumptibus destitutos, oporteret, et extrinsecus evagantes, antiquas ejusdem ecclesiae consuetudines in pejores, coacti perversorum injuria, immutarent. ... mandat quatenus, personaliter ad locu accedens, consideratis statu terrae et ipsius ecclesiae facultatibus, sic studeat praedictum numerum moderari, quod et canonicis ibi Deo servientibus congrua sustentatio ex eis adveniat, et id eidem ecclesiae non detrimentum, sed honoris et utilitatis augmentum afferat.

... episcopo Petragoricensi. Sua nobis dilecti. Datum Viterbii, VI idus decembris, anno nono.

Original: Reg. 18, f. 88 v°, ann. IX, c. 301.

Copie: mss. Laporte du Theil, Collection Moreau, 1190, f. 178, Bibliothèque nationale de France.

Copie: http://www.guyenne.fr/ArchivesPerigord/BNF/Tome30/BnF_tome30.htm (fol. 373 r°)

D'après collection Périgord, vol. 30, fol. 373 r°.

Episcopo Petragoricen.

Sua nobis, dil. fil. capitulum ecclesie Sti Frontonis Petragoricen. petitione monstrarunt quod cum quondam in eadem ecclesia tricenarius canonicorum numerus, auctoritate bone memorie H. (Honorii III) pp. predecessoris nostri institutus fuerit et juramento firmatus, hujusmodi institutio in ejusdem vergit grave dispendium et magnum eorumdem canonicorum, qui, cum ex facultatibus ipsius non possint congrue sustentari, ibidem residere nequeunt, detrimentum. Cum enim a tempore statuti numeri, propter continua guerrarum discrimina, sint eorum redditus non modicum diminiti, si predictum numerum in dicta ecclesia remanere contingeret ipsos eam in medio nationis prave positam, inter suos et ejusdem persecutores ecclesie, indefensam dimittere destitutos sumptibus oporteret, et in ejus prejudicium et opprobrium extrinsecus evagantes, et pias et laudabiles ecclesie consuetudines, antiquitus observatas, vel omnino tollerent, vel in pejores coacti perversorum injuria immutarent. Quare nobis humiliter supplicarunt ut super hoc paterne provisionis oculos dirigentes, id salubriter corrigi, id mandaremus in melius reformari. Quia vero nobis non constitit de premissis, mandamus quatenus personaliter accedens ad locum, et inquisita super his plenius veritate, si premissis veritas suffragatur, consideratis statu terre et ipsis ecclesie facultatibus, sic studeas predictum numerum moderari, quod et canonicis ibi Deo servientibus congrua sustentatio ex eis adveniat, et id nullum eidem ecclesie circa divina obsequia detrimentum, sed potius honoris et utilitatis augmentum inducat. Datum Viterbii VI idus decembris, anno nono.