17 août 1251

Copie : http://www.guyenne.fr/ArchivesPerigord/BNF/Tome35/BnF_T35.htm (fol. 2 r°)

Vidimus daté du 28 juillet 1276 d’une bulle d’Innocent IV.

Copie : http://www.guyenne.fr/ArchivesPerigord/BNF/Tome35/BnF_T35.htm (fol. 18 r°)

En marge : Vidimus de l’official de Périgueux d’une bulle du pape Innocent IV par laquelle il défend aux archevêques et évêques de France de recevoir dans leurs diocèses quelques femmes soit disant religieuses de St François, lesquelles seront reconnues être religieuses dudit ordre et éprouvées par les frères mineurs de St François et que la présente bulle y soit insérée.

Universis presentes litteras inspecturis officialis curiae Petragoris salutem in Domino. Litteras domini papae Innocentii quarti non abolitas non rasas nec in aliqua sui parte vitiatur seu corruptas cum vera bulla et filo integro nos vidisse noveritis sub hac forma :

Innocentius episcopus servus servorum Dei venerabilibus fratribus archiepiscopis et episcopis regnum Francie constitutis salutem et apostolicam benedictionem. Cum harum rector Sathanas tenebrarum se frequenter in lucis angelum transfigurans sequaces innumeros per erroris devia post se trahat ecclesiae gubernaculum tenentibus expedire plurimum arbitramur ut discretione provida quae velut diluculi palpebrae debent assidue praecedere gressus suos singulorum spiritus noverint comprobare ne ipsis dormientibus sub ovina pelle lupi lateant in ovili et in agro ecclesiae lolium germinet pro frumento. Sane sicut nuper a viris accepimus fide dignis quaedam mulierculae interius oneratae peccatis foris tamen sanctitatis cujus virtutem prorsus abnegant speciem pretendentes disruptis vinculis obedientiae salutaris in vitae latitudine quae ducit ad mortem absque iugo disciplinae dampnabiliter evagantur circumeundo varias regiones, nec hiis contentae ad damnationis suae cumulum quo libentius suam valeant malitiam in oculis hominum palliare, sub nomine ordinis sancti Damiani cuius dignae memoriae sanctus confessor Christi Franciscus primus cultor extitit et plantator, se velle monasteria eiusdem ordinis construere profitentes super ipsorum fundatione litteras a nobis impetrant tacita veritate. Verum frequenter accidit ut per tales nomen sororum minorum quod nec ipsis etiam sororibus ordinis sancti Damiani ex regula seu juris formula comptetit sibi fallaciter usurpantes infamiae nubilo dilectorum filiorum fratrum minorum ordinis puritas offuscatur.

Cum igitur talium non indigeat Deus mendacio, nec de suo dolo et fraude commodum debeant reportare ne memoratum ordinem quem sincere diligimus et gaudemus utiliter promoveri famae suae contingat de caetero pro talibus incurrere detrimentum ; universitati vestrae per apostolica scripta mandamus quathenus sub nomine ordinis sancti Damiani occasione quacumque litterarum directarum seu dirigendarum a sede apostolica, quae de praesentibus expressam non fecerint mentionem in vestris civitatibus seu diocesibus monasterium vel habitaculum inchoari seu inchoatum construi nullathenus permittatis, nisi de dilectorum filiorum ministrorum provincialium fratrum minorum in regno Franciae fieret consilio et assensu. Quod si contra mandatum nostrum quidquam contigerit attentari easdem curetis ab hujusmodi authoritate nostra sublato cuiuslibet appellationis obstaculo coerceri. Datum Lugduni. sexdecim calendas septembris pontifficatus nostri anno octavo.