11 septembre 1253

 

Notice : Elie Berger, Les registres d’Innocent IV publiés ou analysés d’après les manuscrits originaux du Vatican et de la bibliothèque nationale, 1884-1921, n° 6986.

Abbati Stirpensi scribit se olim cantori de Rupe Bovis Curti, Petragoricensis dioecesis, mandavisse ut Johanni de Confluento, capellano pontificio, de prioratu vel dignitate in dioecesi Lemovicensi provideret. Addit eumdem cantorem de prioratu saecularis ecclesiae Sanctae Radegundis Pictavensis eidem capellano providisse, sed nihilominus capitulum ejusdem ecclesiae Sanctae Radegundis, sive majorem ipsius capituli partem, magistrum Guidonem Bracheti in priorem elegisse, qui per ordinationem et provisionem Ottoboni, Sancti Adriani diaconi cardinalis, de papae mandato factas, praedictum prioratum obtinuerit, eidem capellano certa pensione de bonis et reditibus prioratus praedicti annis singulis assignata. Abbas Stirpensis saepedicto capellano in majore vel alia ecclesia civitatis Pictavensis seu Lemovicensis dioecesis de personatu vel dignitate provideat.

… abbati Stirpensi, ordinis Sancti Augustini, Lemovicensis diocesis.

Olim per nostras – Datum Asisii, III idus septembris, anno XI°.

Original : Reg., an. XI, n° 166, fol. 19 v°