13 mars 1254

Notice : Elie Berger, Les registres d’Innocent IV publiés ou analysés d’après les manuscrits originaux du Vatican et de la bibliothèque nationale, 1884-1921, n° 7695.

Episcopus Petragoricensis Rannulfum de Marolio, rectorem ecclesiae de Subterranea, Lemovicensis dioecesis, in ecclesia Petragoricensi recipi faciat in canonicum.

Original: Reg., an. XI, n° 830, fol. 119 v°.

Copie : La Porte du Theil, fol. 208.

Copie : http://www.guyenne.fr/ArchivesPerigord/BNF/Tome30/BnF_tome30.htm (fol. 405 r°).

D’après la copie de la collection Périgord.

... episcopo Petragoricensi.

Volentes dilecto filio Rannulfo de Marolio, rectori ecclesie de Subterranea (1), Lemovicensis diocesis, de quo laudabile testimonium perhibetur, obtentu precum dilecti filii Andree nepotis et capellani nostri gratiam facere specialem, fraternitati tu faciendi ipsum in ecclesia Petragoricensi recipi in canonicum et in fratrem, et providendi sibi de proventibus ipsius ecclesie, sicut uni ex aliis de capitulo predicte ecclesie, si tibi et majori parti ejusdem capituli placuerit, necnon et contradictores per censuram ecclesiasticam appellatione postposita compescendi, liberam auctoritate presentium concedimus facultatem ; non obstante partis contradictione minoris, vel si in ipsa ecclesia pro aliis direximus scripta nostra, quibus etc., generari, aut quod idem rector alias beneficiatus existat, vel si personis prefate ecclesie ab eadem sede indultum existat quod ad receptionem alicujus minime teneantur, aut quod interdici, suspendi vel excommunicari non possint per litteras apostolicas, nisi plena et expressa in eis de indulto hujusmodi mentio habeatur. Datum Laterani, III idus martii, anno XI°.

(1) Copie : Subterrenea.